I Jean 4:6 - New Testament in Mitsogo

⁶ Géé gôndé wa n’anyô, tôndé asi Nzambé. One asabômu Nzambé, atôôkéô. Géé ône asamenya Nzambé asatôôkéô. Te gô mônongoe ône tômenya étatôa Gédidi sapie na gédidi sadiboe.

I Jean 4:6 ပူးပေါင်းရင်းမြစ်များ

LUC TSANGO EAMOSOBA EMATENDA 10:22

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.

Jean 10:16

Me nandé na mavo mandombo madeo masiengédu gô môgômba. Nanyôngéô mbe mandombome mane makedu na me gô nzéa. Na mangookô ôgie wami. Gôngaba ôbua ôvo na môkeneyi môvo.

Jean 10:27

Mandombo mami mookô ôgie wami. Me tsabômu mangô. Mangô dôta makea géômbé gévo n’ami.

Jean 10:3

Kumu amôgômbee amôkukuéa gôéengéa. Mandombome mookô ôgie wedi. Abambéa mangô évo évo gô miname maô gôémakeda na gô mbadi.

Jean 13:20

Me nanôbeenda na gô pie mbe ône avamba na mômane amatômu na me, avamba te na me namamôtômani. One avamba na me, avamba dôta na môtômine wami.

Jean 14:17

Asi tsengene asangagédiia gôébégô asaba na ngudi yegéena na asangoongôa égémenya. Géé anye, nôngagémenya gôébégô sangô, Gédidi gétsutsuéda mabégô mapie géngaba n’anyô na géngadigaa gô mitéma mianyô.

Jean 15:26

Môwedine wanyô angaviga. Angô te gédidi gépandôéda mabégô mapie mandé na Nzambé. Gédidige géne géviga g’ôba gôndé Téta. Nangagétôma na gôndé anye gô ina aTéta. Sangô te mbangine yami.

Jean 16:13

Vangaviga Môwedi, angô te Gédidi gépandôéda mabégô mapie, géngatévéda anye gô mabégô metso mapie manzéane éaNzambé. Gésangavovo g’ogi edi, ivô géngabeenda anye metso mookô sangô. Génganôkeneda gô mabégô mangabuéani.

Jean 18:37

Pilate amamôévôa mbe: ?Tambô éwe te môtômine-a? Jésus amamônikéda mbe: Otsimi. Me te môtômine. Namabôtu na namaviga na gô tsengene me te mbangine éaKumu amabégô mapie. Muetso andé gô mabégô mapie ookéô ôgie wami.

Jean 20:21

Jésus amoomba ékôndéga ahngô mate mbe: Gétabé gébaké gôndé anye. Vane amatôma ahngô mbe: Gamatômu me na Téta, me dôta nanôtôma mbe: Kiakani.

Jean 8:19

Apharisien ameevôa Jésus mbe: ?Tétoo andé gôni? Jésus amaabéa ahngô mbe: Anye nôsamenya me. Nôsamenya dôta na Téta. Anye mbe nômenya me, mbe nômenyi dôta na Téta.

Jean 8:23

Jésus amasupua ahngô mbe: Wa n’anyô tôsaba mônongovo. Ebandôe éanyô te gô tsenge nedué. Géé me, ébandôe éami, te gô tsenge éag’ôba. Anye nôndé asi tsengene. Géé me, kaka môsi tsengene.

Romains 1:1

O te me Paul môyanzine aJésus-Christ. Nzambé amasevoa me na amakudéga me. Namatômu na Jésus gôéékéda Tsangô éedi Eamôsoba.

Romains 11:8

Matendeo MaNzambé matônigôa mbe: Nzambé amakoa édidie éaô ga éndé gô vio. Amakoa ahngô mbe ngu na deo, miso mayeeni mamakoga maka mapogu. Na matô mayookia mamakoga maka mandiba.

I Corinthiens 14:37

Okô va gatse anyô gôndéké môma atômu na gô pie na Nzambé na môma andé na môgôô ômeetsô angô na Nzambé gôépandôéda ndongi yedi, angookô mane matendéa me anye éma mbe na gô pie te môtôma amuene Kumu Jésus.

II Corinthiens 10:7

Anye nôndé na gésima sebono éne éenôni. Tambô tôbonékéni wa n’anyô muetso. One eenda mbe: Me te môma aChrist, atanganédé dôta mbe we muetso te oma aChrist mônongovo gandé angô.

II Thessaloniciens 1:8

Asi g’ôba angavigédu na Nzambé atsiga na soto géyôani gôésiséda ane asineegede Nzambé n’ane asigobede Tsangô Eamôsôba éaKumu asô n’anyô Jésus‐Christ.

I Timothée 4:1

Gédidi SaNzambé gétôevéda na vede mbe: Gô ndéône éamôyusumédu gôngaba avo oma anganôtôga gô nzéane étôkeani éaJésus émeetsakangô mitémamie, angagobeda édidie ébôméda oma na anganyôngéô meekédume medidi ébévani.

II Pierre 3:2

Nanyôngéô mbe anye nôbangôa mabégôme mamapanga mamavovo apandôédi amatasa maNzambé mbeego. Bangôani dôta mige na mitôma miaKumu na Mooboyi asô n’anyô mimeekéda ane amatômuku na Jésus.

I Jean 4:1

Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

I Jean 4:4

Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.

I Jean 4:8

One asanyôngéô môkedi asamenya Nzambé gôébégô Nzambé te Kumu éetondo.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

Jude 1:17

Anye wee yami, bangôani éne émeevéda ane amatômuku na Kumu asô n’anyô Jésus‐Christ.