I Jean 4:5 - New Testament in Mitsogo

⁵ Ahngô avovo gô mônongo atsengene na asi tsengene ookéô ahngô te gôndé ahngô oma atsengene.

I Jean 4:5 ပူးပေါင်းရင်းမြစ်များ

LUC TSANGO EAMOSOBA EMATENDA 16:8

Buéyé gamabaka angô môyanzi môbévani, kooko edi amamôsénga te séngaga gô mangônzôme medi. Asi tsenge nedué, ane adigaa gô évitsi ootéa éyanza na mangônzô anguene n’anguene. Géé ane adigaa gô gévede asamenya mane.

Jean 17:14

Nameetsa ahngô mabégô moo. Asi tsengene avinga ahngô to gôsabahngô n’evamba na mabégô matsengene, te mônongovo gandé me gébé n’evamba na mabégô matsengene.

Jean 17:16

Ahsaba n’evamba na mabégô matsenge te mônongovo gandé me gébé n’evamba na mabégô matsengene.

Jean 3:31

One aviga g’ôba andé gô ngongo amabégô metso. One andé gô tsina te môsi tsinane na avovo te mane magô tsina. One aviga g’ôba andé gô ngongo ametso.

Jean 8:23

Jésus amasupua ahngô mbe: Wa n’anyô tôsaba mônongovo. Ebandôe éanyô te gô tsenge nedué. Géé me, ébandôe éami, te gô tsenge éag’ôba. Anye nôndé asi tsengene. Géé me, kaka môsi tsengene.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.