I Jean 4:1 - New Testament in Mitsogo

¹ Anami amôtéma, nômbiasingana na muetso eenda mbe, me nandé na Gédidi SaNzambé. Tônegedani sangô ôkô mbe gédidige géne géviga gôndé Nzambé. Endé te nane, eekédi ayekani adiboe atsanzabani gô tsengeye yetso.

I Jean 4:1 ပူးပေါင်းရင်းမြစ်များ

Marc 13:21

Okô nôbeendiô mbe: Bononi, Christ ône amatômu na Nzambé te angôô, vo Christ te angôône. Nômbiookô mane.

LUC TSANGO EAMOSOBA EMATENDA 12:57

?Anye nôsamenya ésevoa éne éndé kuanakue gô mane matsundédanye nayee?

LUC TSANGO EAMOSOBA EMATENDA 21:8

Vane Jésus amakeneda ahngô mbe: Nôwema kabaga nôbômédu. Oma ayekani angaviga atsua inami gô diboe yaô mbe: Me te Christ, ône amasevôu na Nzambé. Na angavovo mbe: Ndéône ébuéyi. Tambô. Nômbiaanda ahngô.

Mayanzame 17:11

Mitéma miasi Bérée misibaké gandé mine miasi Thessalonique. Asi Bérée amanyôngéô éôkô Mane Mamavovo Nzambé, ti nyôngéô. Pitsi yetso amavasa Matendeo MaNzambé gôéwanyeda meekédume maPaul na mane mamatendu na mbeego, ôkô mbe mandé te kuanakue.

Mayanzame 20:29

Me tsabômu éne éngabuéa gô ngimami. Gôngaviga avo amôgôô agono na émbungu étsongono va gatse amandombo. Na éangô éseena mandombo ngeba.

I Corinthiens 12:10

Gédidi SaNzambé géétsa dôta môma môvo ôtômu gôéyanza mabégô mamisôba manyônganéôni matsapéô môma masoongôa angô énigôa. Na géétsa gôndé môvo gôépandôéda ndongi diviga gôndé Nzambé. Môvo dôta eetsô môgôô gôésevoa va gatse édidie mbe egé te gébévani na egé te SaNzambé. Môvo eetsô môgôô gôévovo waanga ôgi ôsiikédu angô. Môvo eetsô môgôô eodo gôékoa mane mavovo môkedi mbe éngookanô gô éongo éedi.

I Corinthiens 14:29

Na gôndé ane adiia ndongi diviga gôndé Nzambé gôédipandôéda buedi mbe abaé vo atatô apandôédé. N’akaô andé gôétanganéda ndongiye dine mbe dinyepa vo disanyepa.

1 Thessaloniciens 5:20

Nômieenza ndongi dipandôéduni diviga gôndé Nzambé.

1 Thessaloniciens 5:21

Vasani na tônegedani mabégô metso. Nôsevoa gôékenea mane mamisôba mandé na tsoongo.

II Thessaloniciens 2:2

Nômbiasinga môma anôétsa gomo gô mitéma, na anôyungéda gô édidi mbe Kumu Jésus oombi éviga. Mavooe môma anganôbeenda nane gô meekédume vo eenda mbe apandôéda ébégô émeetsô angô na Nzambé. Mavooe dôta anganôpatéda mbe: Te Paul amatendéa we gô gésangôge nane.

I Timothée 4:1

Gédidi SaNzambé gétôevéda na vede mbe: Gô ndéône éamôyusumédu gôngaba avo oma anganôtôga gô nzéane étôkeani éaJésus émeetsakangô mitémamie, angagobeda édidie ébôméda oma na anganyôngéô meekédume medidi ébévani.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

II Pierre 2:1

Va mbeego va gatse ambumu éaNzambé vamabaka eekédi adiboe. Te mônongovo va gatse anyô vangaba eekédi adiboe. Ahngô ahtsongonéda meekédume mooboe gôébunza mane mapie. N’ahngô ahkina Môékédi môvôni ône amooboo ahngô. Eekédi adiboe ahngakudungana anguene gôébungana tsina na tsina.

I Jean 2:18

Anami, ékôdéô éka gôpégôpé. Nômamana éôkô mbe Môéndi aPégôani te Môvingi aChrist angaviga. Tambô Eendi aPégôani ayekani, Avingi aChrist amani étsutsuga. T’ebandô tôsabômu mbe ékôdéô éka gôpégôpé.

I Jean 2:7

Omami amôtéma, vanôtendéa me, tsanôtôma gô mane matsatsee. Te gô môtôma ômadingani ômatômu anye v’ebandô. Môtômee ôdôô ambeego ômadingani te ébégô émamananye éôkô.

II Jean 1:7

Gôndéké eekédi ayekani adiboe aka gô tsengeye yetso. Ahngô asangoongôa ésinga mbe: Jésus‐Christ te na gô pie amakoga môma. One asoongôa ésinga nane te môsi oboe na te Môvingi aChrist.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.

Gétsutsuéô 2:2

Angô mbe: Me tsabômu metso mane mameendanye. Tsabômu dôta gamatsogo anye na ngudi gôéyanza na môvinéné ôndé n’anye. Na gô pie, nôsasinga ane abévani aba va gatse anyô. Nômakanéga ane avovo mbe: Me te namatômu na Christ, géé na gô pie, géé kaka na gô pie anye nômeena. Vane nômamenya mbe te asi diboe.