I Jean 3:2 - New Testament in Mitsogo

² Anami amôtéma, deo noo tôndé ti ana aNzambé na mônongo ôngaba n’asô n’anyô gô mbene madeo tôsitubédu angô. Ivô menyani mbe vangaviga Christ, mônongo ôndé n’edi tôngagono n’angô, gôébégô tôngamôéna mônongoe ôndéké angô.

I Jean 3:2 ပူးပေါင်းရင်းမြစ်များ

Matthieu 5:8

Ti gô gényônga géndé n’anye nondé na mitéma mimagôgéani. Anye nôngeena Nzambé.

LUC TSANGO EAMOSOBA EMATENDA 17:30

Engaba te mônongovo nyaa ôngaviga me Muana Amôma.

LUC TSANGO EAMOSOBA EMATENDA 20:36

Asangadôôwa. Angaba gandé asi g’ôba. Angaba ana aNzambé gômakunduga ahngô g’ôwa.

Jean 1:12

Buéyé nane, avo amasinga Ogi na ameetsa angô mitémamie. Ahngô te ane ameetsô na Nzambé ngudi yekoga anedi apie.

Jean 11:52

Ivô kaka mbe Jésus angawa gôndé Ajuif atévo, te na gôndé asi mbumu éaNzambé muetso gô tsengeye yetso mbe ahngakôkégu évambevo g’ôtô ôvo.

Jean 17:24

Téta, éwe ômeetsa me ahngô. Me nanyôngéô mbe gôngaba me, n’ahngô dôta ahngaba wangô. Gômbe angeena ôbébayi ondômbee wami. Te ôndômbee ômeetsô me n’ewe gamootéa éwe ényôngéô me, bandôa v’ebandô tsinane madeo ésikanô.

Romains 8:16

Gédidige sedi géwanyéda moonga na géne sasô n’anyô oma mbe na gô pie tôndé ana amabôtu gô mbumu éaNzambé.

Romains 8:18

Me Paul namenya mbe, na maguga meena wa n’anyô va tsina, na ôndômba ôngaba n’asô g’ôba, ôndômba ôsaba makanégéô na maguga. Ondômbee ôvôô.

Romains 8:19

Metso mamakana Nzambé mandé môtie gôéenéa ndéône éngatsigéda Nzambé anedi.

Romains 8:29

Gôébégô Nzambé amasevoa omedi v’ebandô. Na amavanga dôta v’ebandô mbe omee adua angagono na Muanedi. Vane Muanedi Jésus te kuuane apingô yanéyee.

I Corinthiens 13:12

Ene étôenani na éne étômenyani éaNzambé pitsi yedi te gatôbono gô géeno géndé na bobé. Ivô nyovo tôngamôena na va miso. Deo noo tsabômu te ébégô évo ivô nyoone nangamenya te metso mônongovo gamenyanganô me n’amuene Nzambé.

I Corinthiens 15:49

Tambô wa n’anyô tôgono deo noo n’one amavangô na totone na tôngagono dôta n’one amaviga g’ôba.

I Corinthiens 2:9

Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.

II Corinthiens 3:18

Wa n’anyô muetso tôsaba gamabaka Moïse na gédimô gémapikô na môkanda. Tôndé na édimô éasô n’anyô éava vede étana n’obébayi ôtubéda ôndômba ôndé na Kumu. Na wa n’anyô tôndéké tômakoamani tôgono na amuene Kumu. Ondômbee n’obébayi wedi aNzambé ôndé n’asô n’anyô deo noo, madeo ôsigono n’one ôngaba n’asô n’anyô. Eetso éne te éyanza éaGédidi SaKumu gô mitéma miasô n’anyô.

II Corinthiens 4:17

Tômenya mbe maguga meena we madita, tambô mandé te na soa na masadingani. Na mangô matôkônzéa ôndômba ôvôni ôsakôdékani ôndé vavo na Nzambé.

Galatie 3:26

We tôndéké ana aNzambé na vitoo na Jésus‐Christ, te gôtôétsa Nzambé mitéma miasô n’anyô gémôtsumé paga.

Galatie 4:6

Nzambé amakudéga na gô mitéma miasô n’anyô Gédidi SaMuanedi Jésus, gôébangôéda wa n’anyôene mbe na gô pie tôndéké anedi. Gédidige géne te sangô géaadôngana mbe: Ah Téta.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

Colosses 3:4

Monyoe wanyô apie te Christ. Vangatsutsugangô te n’anye muetso nôngatsutsuga nômagésangana ôndômbovo n’edi.

Hébreux 9:28

Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.

II Pierre 1:4

Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

I Jean 2:28

Te nane anami. Bakani na vitoo na Christ gômbe tôsangakotomo na tsoyi va mbene edi nyoo ôngavigangô mbe tôngaba tômayôa na gényônga.

I Jean 2:7

Omami amôtéma, vanôtendéa me, tsanôtôma gô mane matsatsee. Te gô môtôma ômadingani ômatômu anye v’ebandô. Môtômee ôdôô ambeego ômadingani te ébégô émamananye éôkô.

I Jean 3:1

Eenakani ganyôngéô Téta Nzambé wa n’anyô. Angô atônyôngéô ti v’ekôdéô éenyôngéô, t’ebandô tôtetu mbe ana aNzambé ag’ôbôtu. Na tôndéké anedi apie. Asi tsengene asamenya Nzambé ?nayee angamenya wa n’anyô gôénigôgéô mônongoe wasô n’anyô tôndé anedi? Asangamenya.

I Jean 3:10

Nôeni éne étubéda na vede mbe adua te ana aNzambé na adua te ana ayabédé, étubéda mbe ône aseenda éne ényôngéô Nzambé na asanyôngéô môkedi, angô kaka muana aNzambé.

I Jean 3:21

Te nane anami amôtéma, ôkô mitéma miasô n’anyô misatôétsa ôési tôndé na mitéma mimasumani gébé na paga va mbene aNzambé.

I Jean 5:1

One eendô mbe muana aNzambé to ône asatsuma paga mbe Jésus te Christ ône amakudégu na Nzambé. One anyôngéô tétee anyôngéô dôta n’anedi.

Gétsutsuéô 22:4

Ahngeena ôsô aNzambé na inedi éngatendu gô panza yaô.