I Jean 2:5 - New Testament in Mitsogo

⁵ Géé, gôndé ône akenea mane matôma Nzambé, angô te môma ootéa ényôngéô Nzambé na môtémedi wetso. Na vane tômenya mbe tôndé môvo na Nzambé.

I Jean 2:5 ပူးပေါင်းရင်းမြစ်များ

LUC TSANGO EAMOSOBA EMATENDA 11:28

Ivô Jésus amanikéda mbe: Eébéyée nane, me nanôbeenda mbe, ti gô gényônga géndé na anye nôôkô ôgi aNzambé na nôgobeda angô.

Jean 14:21

Okô môma atanganéda mane mamatôma me, na amagobeda, vane namenya mbe môma nône anyôngéô me na avamba n’ami. Vanyôngéô angô me, anganyônganéô dôta na Téta. Na me nangamônyôngéô te mônongovo. Na nangatsutsuga te gôndé angô.

Jean 14:23

Jésus amanigôa mbe: Okô môma anyôngéyiô me angagobeda éne évovo me. Téta angamônyôngéô. Vane wa na Téta tôngaviga na gôndé angô gôédigaa gô môtémedi.

Jean 15:5

Me te môkuba agéétété. Anye te mitabé. Muetso andé môvo n’ami na me nandé môvo n’ahngô abôta miônda miyekani. Me gébé n’anyô nôsoongôa éénda ta n’ebégô évo.

Jean 6:56

One angaaka ôtôe wami na anganyuaka nzina yami andéké monyovo n’ami. Me dôta nandé monyovo n’edi.

Romains 8:1

Ekôdéô éebégôe te édué. Gôsabadô géesédéô gôndé ane andé na vitoo na Jésus-Christ.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

II Corinthiens 5:17

Okô môma aka monyovo na Christ akou pepe, aka wene mônongo amôma. Metso mane mamabaka n’edi mambeego mamadimbana. Na mane mandéké n’edi te mamanza mamisôba.

II Corinthiens 5:21

Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.

Jacques 2:22

Oeni, gômeetsangô Nzambé môtémedi wetso na gômeendangô éne émanyôngéô Nzambé mabégô mema mabaé mawanya ti eembe ébégô évo. Na éne émeendangô émadugéda angô gôégésangana môtémovo na Nzambé gébé na paga.

I Jean 3:24

One agobeda mitôma na mige miaNzambé andé na vitoo na Nzambé, na Nzambé andé na vitoo n’edi. Ndémbone émeembô wa n’anyô étubéda mbe Nzambé andé na vitoo na wa n’anyô, te Gédidi sedi gémeengédangô na gôndé wa n’anyô.

I Jean 4:17

Nôeni éne étubéda mbe étondoe éndé gôndé wa n’anyô éndé gébé n’okana, te mbe gô nyaa amôtsundu wa n’anyô tôbaké n’ekasôga na mitéma mimasumani gétsumé Nzambé paga. Nyoone tôngaba n’ekasôga gôébégô mônongoe ômabaka Jésus‐Christ gô tsenge nedué te ône ôndé na wa n’anyô.

I Jean 4:18

Etondo ésaba n’evamba na gomo. Etondo éapie épatsa gomo. Ekegea te nane. Gomo ôviga te gô gésisédéô. Gomo dôta ôkeneda te gô gésisédéô. T’ebandô gôndé ône andé na gomo, étondoe madeo ésiduga gô môtémedi.

I Jean 5:2

Menyani mbe éne étubéda mbe tônyôngéô ana aNzambé, te vanyôngéô we Nzambé na vagobeda we mitôma na mige miedi.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.

II Jean 1:6

Etondo ékegea mbe môma adigéé gô mitôma na mige miaNzambé. Môtômee ôtôvovoni te ône ômookô wa n’anyô v’ebandô. Te mbe gô mabégô metso étondo étômé wa n’anyô.

Gétsutsuéô 12:17

Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.

Gétsutsuéô 14:12

Nôeni ébandôe ésipa asi mbumu éaNzambé na bôkédé, te ane ahgobeda mitôma na mige miedi na ahsanôtôga gôndé Jésus ône ameetsangô mitémamie gébé na buétsé.