I Jean 2:3 - New Testament in Mitsogo

³ Okô tôkenea mitôma na mige miaNzambé vane tôtubéda mbe tôsabômu Nzambé.

I Jean 2:3 ပူးပေါင်းရင်းမြစ်များ

LUC TSANGO EAMOSOBA EMATENDA 6:46

?Anye nayee nôénda me mbe: Kumu, Kumu, na anye nôsagobeda me gô mane matôma me?

Jean 14:15

Okô nônyôngéyiô me, nôngeenda te éne étôma me anye.

Jean 15:10

Okô anye nôénda mane manôtôma me, nôndéké évambevo n’ami. Mônongovo gameenda me mane mamatôma Téta, na me nandé évambevo n’edi.

Jean 15:14

Anye te wee yami yamôtéma ôkô nôéndi éne énôtôma me.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Hébreux 5:9

Vane vamanangô ésipa, ti v’ekôdéô éasipaga, amakoga aka ébandô éagébogeo samôbô na môbô, gôndé muetso amôgobedani.

I Jean 2:13

Nanôtendéa anye tétee gôébégô nôsabômu ône amapanga v’ebandô. Nanôtendéa anye minzambu gôébégô nômadiia gô ébadie émagenyanye n’one môbévani.

I Jean 3:14

Gôndé wa n’anyô tômanôtôga g’ôwa gôéengéa gô monyo tônyôngéô ana aTéta agô mbumu éaNzambé n’etondo éapie. Géne te gémbégéa samonyoe ôndéké n’asô n’anyô. One asanyôngéô muana aTétee n’edi agébaka g’ôwa.

I Jean 3:19

Tômbiatsapéô vatôvovo mbe tômabôtu wene ôbôtu na mabégô mapie. Tômbiatsapéô vatôvovo mbe mitéma miasô n’anyô mindé mimasumani gébé na paga va mbene aNzambé.

I Jean 3:6

Vane mômane andé na vitoo n’edi aseendadô mabégô mabévani. Na ône agéyanzaka mangô asamenya Jésus na asookô angô gô môtémedi.

I Jean 4:13

Ndémbo émeembô wa n’anyô étubéda mbe tôndé môvo na Nzambé na angô te môvo n’asô n’anyô ?yéndé? Te ndémbone éaGédidi sedi gémeengédangô na gôndé wa n’anyô.

I Jean 4:7

Omami amôtéma tônyônganéôni wa n’anyôene na wa n’anyôene, gôébégô Nzambé te Kumu éetondo. One anyôngéô môkedi angô te muana aNzambé na asabômu Nzambé.

I Jean 5:19

Tôsabômu mbe tôndéké ana aNzambé na tsengene nyetso éndéké gô tsina otômu aMôbévine.

I Jean 5:2

Menyani mbe éne étubéda mbe tônyôngéô ana aNzambé, te vanyôngéô we Nzambé na vagobeda we mitôma na mige miedi.

I Jean 5:3

Menyani mbe éne étubéda mbe wa n’anyô tônyôngéô Nzambé te gôtôkenea mitôma na mige miedi. Na miangô misaba mbe midaga pepe gôndé wa n’anyô.

Gétsutsuéô 12:17

Sangô gémakambôga gômawatô sangô môgetone na gémakea gôégenya n’anedi amasanéani, te ane agobeda mitôma na mige miaNzambé na ahsanzeegeda mabégô mapie mamatubédu ahngô na Jésus.

Gétsutsuéô 14:12

Nôeni ébandôe ésipa asi mbumu éaNzambé na bôkédé, te ane ahgobeda mitôma na mige miedi na ahsanôtôga gôndé Jésus ône ameetsangô mitémamie gébé na buétsé.

Gétsutsuéô 22:14

Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.