I Jean 2:16 - New Testament in Mitsogo

¹⁶ Eetso éatsengene te mane mabévani manyima môtéma na tsôvé diôkô môma yamane meenanô na miso, na nyemo éokiti atsengene. Metso mane masaviga gôndé Téta Nzambé, maviga te gô tsengene.

I Jean 2:16 ပူးပေါင်းရင်းမြစ်များ

Matthieu 4:8

Yabédé amakea na Jésus na gô ngongo amôkôdi ôtôngôni. Amamôtubéda tsengeye yetso yava tsina na dikumakaye yaô.

Matthieu 5:28

Ivô me nanôbeenda mbe muetso abono môgeto na tsôvé gôékea n’edi gésasô, amani ékea n’edi gésasô gô môtémedi.

LUC TSANGO EAMOSOBA EMATENDA 4:5

Yabédé amamôbatéda na gô ngongo ngongo. Amamôtubéda tsengeye yetso yava tsina gôémiena pesu andéô gakadima môkadikadi.

Romains 13:14

Bandôa gô matambé na gô môtsé tôaatékéni monyo aKumu asô n’anyô Jésus-Christ gatôaata maduani. Nômbiasingana na manyima mabévani mayôtô yasô n’anyô gôédugéda mangô.

I Corinthiens 10:6

Mabégôme mameena peeye yasô n’anyô matôétsa ndongi kabaga wa n’anyô tônyima mane mabévani mamanyima ahngô.

Galatie 5:17

Te nane, môtéma na ésimedi ôndé na tsôvé dipengana na Gédidi SaNzambé. Tsôvé yaGédidi SaNzambé dôta disanyônganéô na môtéma gabôtu môma. Tsôvé yamôtéma na dine yaGédidi SaNzambé dipengana anguene n’anguene te gadagéô anye éénda mane masabômu anye mbe te mamisôba.

Galatie 5:24

Ane andé na vitoo na Jésus‐Christ ameeséda anguene gôésiséda mitéma mimabôtu n’ahngô, na tsôvéye yetso dibévani na manyima metso mabévani.

Ephésiens 2:3

Wa n’anyô muetso tômabaka gandé ane akékôani. Tômadigaa gadigaahngô gôédugéda manyima mabévani mamabôtu na yôtô yasô n’anyô. Tômayanza mane mamatômu we na yôtô yasô n’anyô na édidi éasô n’anyô éasagô. Vamabaka we tôgébaka gamabôtu we, tômabaka gô tsina opisa aNzambé gôésisédu n’edi gandé akasô, ane agébaka wangô.

Tite 2:12

Ngebaye yedi dine ditubéda we ganyôngéô Nzambé mbe tôviié ngima môdigédi asagô na tsôvé yetso yava tsina. Na ganyôngéô angô mbe tôdigéé na mavôma gô tsengene na ésima éamisôba ésapengana n’ene ényôngéô amuene.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

Jacques 3:15

Mônongo eodo ésaviga gôndé Nzambé. Ene te éodo éatsengene na éamôtéma amôma gabôtu angô. Eodoe éne éviga gôndé yabédé.

Jacques 4:16

Ivô anye nôndé na nyemo na nôtsokima anyene. Nyemoye dine dindé dibévani.

I Pierre 1:14

Mônongovo g’ana ookéô ôgi apayi, anye ookéôni Nzambé. Nômbioomba éaanda tsôvé yanyô yava mbeego vamabakanye g’ôdungé.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.