Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




I Jean 2:1 - New Testament in Mitsogo

1 Anami agô mbumu éaNzambé nanôtendéa mabégô mema gômbe nôsangeenda mabégô mabévani. Okô môma abômiô gôéénda ébégô ébévani, tôndé na môsungéyi andé vavo na Téta Nzambé. Môsungéne te Jésus‐Christ asabômukuni.

အခန်းကိုကြည့်ပါ။ ကော်ပီ




I Jean 2:1
47 ပူးပေါင်းရင်းမြစ်များ  

Jésus amavovo mbe: Téta amani édeekeda me mabégô metso. Gôsaba môma angoongôa émenya Muana ANzambé, buétsé te amuene Téta. Gôsaba môma angoongôa émenya Téta, buétsé te memuene Muanedi, na dôta ane angeena Téta gô ngudi yami.


Anami, nagébaka vavo n’anye te vipesu viandéô. Ene émanigôa me Ajuif, nanônigôa éangô te mônongovo. Nôngabuta me ivô gôkea me anye nôsangagôbuéa.


Nangaduka Téta gôénôtôméa muene môwedi asanganôtôga gôndé anye. Môwedine ône te Gédidi gétsutsuéda mabégô mapie maNzambé.


Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.


Jésus ameevôa ahngô mbe: ?Anye anami, nôyôhi nyama-a? Aneengie amamônikéda mbe: We tôsiyôha.


Va mbenene vane, Jésus amadengana n’edi gô eba aNzambé. Amavovo n’edi mbe: Owema, éwe ôdôngédiô. Ombieendadô ébégô ébévani kabaga ôena éene ébégô éôtéa édagani.


Kaka Jean anganônigôa mane mandé n’ami. Jean te mbangi ivô mane mandé n’ami masakôdéa na mane medi matévo. Mayanzame meenda me te mbangi énigôa anye mônongoe wami na gamatômu me na Téta.


Tsikani éyanza gô môyakô ôbooni. Yanzani gô môyakôe ôdingani na ôétsa monyo ôsakôdéakani. Téta Nzambé ameemba me Muana Amôma ndémbô éenyangee éedi, t’ebandô nandé na ngudi yenôétsa môyakôe ône.


Môgetone amaabéa Jésus mbe: Te nane Kumu ami, gôsiba môma. Jésus amamôénda mbe: Tambô na me muetso, tsagôétsa ôési. Kiaka. Ivô ômbioomba.]


Apandôédi muetso amatasa maNzambé amakuanô na peeye yanyô. Amayôha ane ameevéda gévigéô sone amatsimamani. N’atsatsee te anye nômakaba na nômayôhéda angô, ône amatsimamani avigini.


Vamabaka wa n’anyô tôgébaka adudeo aNzambé, ôwa aJésus ômatôvambéda na Nzambé. Tambô na ndéône edué éka wa n’anyô évambevo na Nzambé, monyo aJésus ôndé gô mitéma misaô n’anyô ôtôôboo.


?Tôngeenda nayee? Wa n’anyô tôenanô na Nzambé ngeba ?tôngoomba éénda mabégô mabévani tsangô mbe tôsaba gô tsina amige miedi-a? Géndégégé.


?One angeeséda ane amasevouni indaa? Kaka Christ. Gôébégô te Jésus-Christ amawa, na va ngongone vane amakunduga. Na angô andé digaa gô géeyo gémôgôô saNzambé gôétôsungéa.


Anye tsikani diyunga yasagô ganôsaba na mitéma. Tsikani matasa mabévani. Nanôbeenda mbe avo va gatse anyô nôsamenya Nzambé ta na pesu. Te tsoyi épôni gôndé wa n’anyô.


Jésus‐Christ asibaké n’ebéva ivô Nzambé amakoa angô aka môbévi gô ébévee éasô n’anyô. Wa n’anyô dôta tôsibaké n’etsimama ivô Nzambé amakoa we tôka tômatsimamédu gô étsimamee éaJésus.


Anami amôtéma, nookô pievia gôndé anye ga ookô môgeto misongo miamuana ngu na vangabôtangô. Pievia éôkô me te ngu na ndéône éngagono anye n’amuene Christ.


Wa n’anyô muetso, na Ajuif na ane asaba Ajuif, tôwesedu na Gédidi SaNzambé na va mbene edi gô ngudi yaChrist.


Okô nôôkô ôpisa nôwema kabaga nôkuésédu na angô gô mabégô mabévani. Nômbiadigaa n’opisa môsee amôbongo.


Ebégô éapie te édué. Gôndéké Nzambé épo na koo. Na va gatse oma na Nzambé gôndéké môsungéyi môvo na koo, te ône amakoga môma inedi Jésus‐Christ.


Timothée, nagôtendéa gésangô gegé, nandé na môténdéda mbe tôngeenana pitsi yedi.


Gôébégô Christ asiengéé gô tsongo éadisambô édigaa Nzambé émasaaô na môma mbe Christ adeekeda amuene gône. Eba ôsaa môma gôéneegeda Nzambé te makanégéda mone apie ag’ôba. Jésus ameengéa na g’ôba gôéadeekeda amuene te gôétôsungéa va mbene aNzambé deo noo.


One andé na gô pie môma aNzambé, gébé n’oési va mbene aNzambé te ône aweda ana atsani na mikué gô panda yaô. Na akumba mane mabévani matsenge nedué.


Omeni te ône ôneegeda we Kumu na Téta éasô n’anyô Nzambé. Omeni te ône ôkoko we oma n’asô n’anyô amavangô na Nzambé gô gégoni sedi.


Angô asiindé ta n’ebévani évo. Gô mônyedi gôsikusé ébégô éoboe ta n’evo.


Christ amuene amawa ôwa ôvo gô ébévee éetso. Angô môma amatsimamani amawa gôndé oma abévani. Oweedi ôbuéda wa n’anyô na gôndé Nzambé. Oma amayôha angô g’ôtô. Nzambé amakundua angô gô ngudi yaGédidi sedi.


Anami ôkô mbe tônyônganéô wa n’anyôene na wa n’anyôene, kaka gô mavovia na ényepa éamônya. Tambô tônyônganéôni ti na gô pie te gô mayanza masô mamisôba.


Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.


Anami nômbiasinga môma abômédu anye. One eenda mane meetsimama andéké môsi mbumu éaNzambé amatsimamani.


Gôndé anye anami nôndé ana aNzambé ag’ôbôtu, nômani édiia gô ébadie égenya anye n’eekédi adiboe. Nômediia gôébégô Gédidige géndé gô mitéma mianyô géôtéa ngudi na géne géndéké gôndé oma atsengene.


Mayanza metso mapengana na étsimama ényôngéô Nzambé mandé te ébéva étévo, na gôndéké na mavo mabéva masakeda môma na g’ôwa.


Anami, bakani n’ekena gô éne éatsengene éneegeda môma, éangô kaka Nzambé mbe éneegedu.


Gôsaba yene tsangô étubéda me gényônga ga géne géôkô me tsangône mbe: Anoo ahdigaa na vitoo gô mabégô mapie.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ