I Jean 1:8 - New Testament in Mitsogo

⁸ Okô tôénda mbe: Me tsaba na ébéva, tôbômu ti bômugu. Na mane mapie masaba gô mitéma miasô n’anyô.

I Jean 1:8 ပူးပေါင်းရင်းမြစ်များ

Jean 8:44

Tétanyô te yabédé na anye nôena gényônga vayanzanye mane matôma tétanyô. Angô te môsi môkôbé bandôa v’ebandô. Asoongôa édigaa gô mane mapie gôébégô angô te môvingi amangô. Bandôa v’ebandô asakea gô nzéa éamane mapie, t’ebandô asoongôa évamba na mangô. Gô buembee wedi avovo te ôboe ômeekaganô n’edi gôébégô angô te téteene éoboe, kumune épatani.

Romains 3:10

Matendeo maNzambé matônigôa mbe’ Gôsaba môma, ta na môvo asaba n’oési.

Romains 3:23

Omee muetso eenda mabévani na andé amaagana na Nzambé n’ondômbee ôndé n’edi.

I Corinthiens 3:18

Nôkenea kabaga môma abômu amuene. Okô môvo va gatse anye amenya mbe andé n’eodo gakegea éodo éatsengene asugédé amuene mbe: tsaba n’eodo, na vane angadiia éodo éapie.

Galatie 6:3

Okô môma amenya mbe: Me nandé ti môma môvôni, tambô te môma abobo, abômédu te amuene.

I Timothée 6:5

T’ebandô pagaye yaô disakôdéa, gôébégô mitéma miaô mindé mimayungani na misamenya mabégô mapie. Ahngô amenya mbe môma agobeda Nzambé te gôédiia ôkitie.

II Timothée 3:13

Ivô oma abévani na abôki amangônzô angakea gésikamé gô mabégô mabévani. Abôméda akaô na angabôméda te n’anguene.

Jacques 1:22

Nômbiabômédu anyene. ?Mane mamavovo Nzambé, nôndé gôéôkô mangô te na matô matévo nayee? Indakani mane mookô anye gô mangô.

Jacques 1:26

?Gôndéké môma amenya mbe amuene te môma aNzambé‐a? Môma nône mbe asaba na ngugé gôésikaméda omeni edi, angô mbe asimenyanganô mbe môma aNzambe. Na môma nône abômédu amuene.

Jacques 3:2

We muetso tôénda ôési aminongo minongo. Okô môma asapônga gô mavovia te môma apie. Te angô atôma ôtôé wedi wetso gébé n’oési.

II Pierre 2:13

Maguga matubédahngô akaô, anguene ahngavéndu mangô. Eekédi adiboe eena gényônga gôédeekeda yôtô yaô gô tsôvé yetso dibévani n’omanda ôvénza. Te ebégô évôni éatsoyi vadenganô ahngô gô suetiye yanyô. Gô buembe waô ahtsôkéa.

I Jean 1:10

Okô tôénda mbe: Me tsaba na ébéva, tôénda Nzambé mbe môpati. Na mabégô medi masaba gôndé wa n’anyô.

I Jean 1:6

Okô tôénda mbe: Me nandé môvo na Nzambé, tambô tôvovo nane tôndé gô évitsi, na tôpata. Tôpata gô mavovia na gô ésima.

I Jean 2:4

Okô môma avovo mbe: Me tsabômu Nzambé, na angô asakenea mane matôma Nzambé, môma nône te môpati. Mane mapie masaba gôndé angô.

I Jean 4:20

Okô môma avovo mbe: Me nanyôngéô Nzambé na angô adudu môkedi, angô te môpati. Bononi. ?Angô gényôngéô môkedi eena angô na miso, anganyôngéô Nzambé aseenanôni‐a?

II Jean 1:2

Gôébégô mane mapie mandé gô mitéma miasô n’anyô na mandé gôndé wa n’anyô môbô na môbô.

III Jean 1:3

Nameena ti gényônga vamaviga ana aTétee. Amabeenda me gandé éwe ti na vitoo gô mabégô mapie. Tsabômu mbe vitoone éne éndé n’ewe, kaka éatsatsee. Te gô mônongoe ômeekaganô n’ewe gôédigaa gô mabégô mapie.