I Jean 1:7 - New Testament in Mitsogo

⁷ Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.

I Jean 1:7 ပူးပေါင်းရင်းမြစ်များ

Matthieu 6:12

Singéa we kokoo gô mabégo masô mabévani mônongovo gasingéa we kokoo gôndé ane atôéndéa mabégô mabévani.

Jean 1:29

Ovo enyaa Jean ameena Jésus aviga na gôndé angô na amapandôéda mbe: Nôeni, ôdôô te môpaga endombo ômakudéga Nzambé gôéba ôgondoku gôéyôhu mbe anganôtôa ébévee éamitéma mioma muetso ava tsina.

Jean 12:35

Jésus amanigôa ahngô mbe: Gô vipesu viandéô, gévedege gégébaka gôndé anye. Nangakani gô sangô, gégébaka gôénôtanéda nzéa, kabaga évitsie étsôpa anye. One ananga gô tsina evitsi asamenya gôkeangô.

Jean 5:4

Emabaka te nane. Môsi g’ôba amavigédu na Nzambé amasuma gô ndéô na ndéô gôépupéda mebame magévondoge. Vamapupa mebame, môbeene apanga ékuyaméa gô mangô te ône angadôngani pati yebeea.]

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

I Corinthiens 6:11

Nôeni minongomie mimabaka avo va gatse anyô. Ivô nômagôgédu ébévee éanyô na nômasevou na nômayuu gôéba oma aNzambé. Gô ina aKumu Jésus‐Christ na gô ngudi yaGédidi SaNzambé nômatsimamédu ti eembe nôsabadô n’oési va mbene aNzambé.

Ephésiens 1:7

Gôébégô wa n’anyô tômoobou na tômasingéô kokoo gô ébévee éasô n’anyô gô ngudi yowa aChrist, ône amatômu na Nzambé. Te gô ébégôe éne tôene gayekégéa ngeba yaNzambé gôndé wa n’anyô.

Ephésiens 5:8

Va mbeego nômabaka gô évitsi. Ivô ndéô nedué nômani étsiga gô gévede gômagésangananye na Kumu Jésus. Tambô digaakani gôémenyanganô mbe nôndé oma andé gô gévede saNzambé.

I Timothée 6:16

One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

Tite 2:14

Amaadeekeda amuene gôéwa gôndé wa n’anyô, gôéyuua we gô mabégô metso mabévani na gôégôgéda we mbe tôngaba omedi, asi évambevo n’edi. Na mbe tôngaba na gényônga na môvinéné gôéénda mane mamisôba.

Hébreux 9:14

Okô mbe nzina yanyama dimaba na ngudi nane, tambô tasani ngudi diôtéani dindé gô nzina yaJésus‐Christ. Amaadeekeda amuene ôgondoku agébé n’oési. Nzina yedi digôgéda mianga miamitéma miasô n’anyô gômbe mikebanganô na ésima ébévani ésangamana ngudi yasô. Na vane tôngaba na ngudi gôéyanzéa Nzambé Kumu amonyo.

Jacques 1:17

Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.

I Pierre 1:19

Ivô anye nômoobou n’osunu ôvôni anzina yaChrist. Andé ga éndombo ésaba éagékonzo na ésaba n’evisô.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 1:5

Nôeni tsangône émookô we na Jésus‐Christ, te yangô étsuéa we anye. Te mbe Nzambé te gévede. Gôndé angô gôsaba évitsi ta na pesu.

I Jean 5:6

Jésus‐Christ te ône amavigani. Amaviga na meba mabateme émeetsô angô. Amaviga kaka na meba matévo, te na meba na nzina. Gédidi SaNzambé gétônigôa ômbangi edi mbe te na gô pie. Gôébégô sangô te Gédidi sapie.

I Jean 5:8

Yangô ditatô te Gédidi SaNzambé, na meba, na nzina. Yetso ditatô diwanya te ébégô évo.

II Jean 1:4

Me natsôkéa vamadenga me mbe anoo avo adigaa gô mabégô mapie gamatômu wa n’anyô na Téta Nzambé.

III Jean 1:4

Gôsaba yene tsangô étubéda me gényônga ga géne géôkô me tsangône mbe: Anoo ahdigaa na vitoo gô mabégô mapie.

Gétsutsuéô 1:5

Nôédiia dôta te gôndé Jésus‐Christ. Angô mbangi éaNzambé ésapatakani. Angô Jésus te Muana ANzambé amapanga ébôtuni. Na angô amapanga ékunduga g’ôwa andé na monyo amôbô na môbô. Jésus te Kumu akumu yetso ditôma va tsina. Angô atônyôngéô. Amawa gôétôoboo gô ébévee éasô n’anyô.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 7:14

Me namamôaabéa mbe: Me tsamenya téta, ômuene ôsabômu beenda me. Na payi nene amanigôa me mbe: Ahngô te ane amabaka gô tsina agékuanô gévôni. Ahmoovôa mikanda miaô gôéminyepeda na vee te gô nzina yaMôpaga.