I Jean 1:3 - New Testament in Mitsogo

³ One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 1:3 ပူးပေါင်းရင်းမြစ်များ

Jean 17:11

Me nanôtôgi tsabadô gô tsengene, géé ahngô asinôtôga, agébaka gô tsengene. Me naviga te na gôndé éwe. Nagôduka Téta Nzambé, kenea ahngô gô ényangee éainee éoo, te ane ameetsewe me. Nanyôngéô mbe ahngô abé môvo gandé wa n’oo tôndé môvo.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Jean 17:25

Téta, kumu éetsimama, asi tsengene asamenya éneegeda éwe, géé me tsabômu égôneegeda. Omee woo adua asabômu mbe te éwe ômatôma me.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 19:35

One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga.

Mayanzame 13:32

Na wéene tônôtsuéa tsangô nene éamôsôba éne émameméô peeye yasô n’anyô na Nzambé.

Mayanzame 13:41

Aanakani anye oma adeti. Sôbasôbanani éne éyanza me. Bunganakani ganyôngéô anye. Ti éne éngayanza me gô ndéône yanyô, buéyé mbe môma anônigôéké éangô nôngaétsuma te paga.

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Mayanzame 20:27

Bangôani mbe me namanônigôa matasa na ndongi yaNzambé yetso génôsuégé ta n’ebégô évo.

Mayanzame 4:20

Gôndé we, tôsangoongôa ékina évovo mane mameena we na mamookô we.

Romains 15:27

Amavanga nane te anguene, ivô éndéké ga môtete ôvanahngô misugamie miagô Jérusalem. Gôébégô Ajuif asi mbumu éaNzambé gô Jérusalem amakaba ôkitie waô aGédidi SaNzambé n’akaô, ane asaba Ajuif. Tambô ane asaba Ajuif apukanéda n’ahngô g’ôsugee waô, gôéétsa ahngô ôkitie waô amanyiva.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 1:9

Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

I Corinthiens 15:1

Ana aTéta n’ami, me Paul nanôbangôéda Tsangô Eamôsôba éaJésus‐Christ émeekédu anye. Nômasinga yangô. Nômagésangana mitéma mianyô na Nzambé gô yangô.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Philippiens 2:1

Nandé na nyivôye gôndé anye. Gôétsi anye Jésus‐Christ mitéma mianyô gémôtsumé paga ?nôôtéa na ngudi‐a¿ Etondoe éedi énôkasôgéda‐a? ?Nôndé na évamba na Gédidi SaNzambé‐a? ?Nôndé na vitoo na ngeba anyene n’anyene‐a?

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Colosses 1:13

Endé te nane. Amatôwata g’ôvéga ômatômuku we n’evitsi. Amatôengéda gôétômu na Jésus Muanedi amôtéma.

1 Thessaloniciens 1:10

Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.

I Timothée 6:2

Môvéga asakina égobeda kooko edi môma ameetsa Jésus môtemee, tsangô mbe ahngô muetso andé ana aTétee avitoo gô mbumu éaNzambé. Ene éamôsôba te mbe môvégee nône ootéé émôyanzéa na géneega gôébégô éne ékusa gô éyanzee éedi ésadimbana gô môkii, éndé te éagô mbumu éaNzambé. Timothée, ôeni éne éngeekéda éwe.

Hébreux 2:12

Amavovo mbe: Nzambé ami, nanganigôa ana aTétee n’ami inee éoo. Nangatôa mimbô magéneega soo va mbene asi mbumu éoo.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

II Pierre 1:16

We eekédi tômamenyeda anye gamaviga Jésus na ngudi yedi dipôni na gô tsina. Tôsibeendu gô matangôtangô mavaka oma. Ivô wéene tômeena ôkumaka aJésus na miso masô na kiaa.

I Jean 1:1

We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.

I Jean 1:5

Nôeni tsangône émookô we na Jésus‐Christ, te yangô étsuéa we anye. Te mbe Nzambé te gévede. Gôndé angô gôsaba évitsi ta na pesu.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.