I Jean 1:2 - New Testament in Mitsogo

² Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé.

I Jean 1:2 ပူးပေါင်းရင်းမြစ်များ

Jean 1:18

Gôsaba môma ameena Nzambé, ivô amuene muana ekika angô te Nzambé, na andé vavo na Tétedi amamôtsutsuéda.

Jean 1:4

Aangô te kumu amonyo. Monyoe ône ôtanéda gévede gôndé oma.

Jean 10:28

Me neetsa mangô monyo amôbô na môbô na masangawa. Gôsaba môma oongôa émawata gô mogo mami.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Jean 15:27

N’anye dôta te mbangiye yami gôébégô bandôa v’ebandô nômabaka vavo n’ami.

Jean 16:28

Me namaviga gôndé Téta gôétsiga na gô tsengene. N’atsatsee nanôtôgi gô tsengene gôénika na gôndé Téta.

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 17:5

N’atsatsee Téta gobeda me gô tungu édigaa éwe, gôéétsa me ôndômbee okumakee ômabaka n’ami v’ebandô tsinane madeo ésikanô.

Jean 19:35

One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga.

Jean 21:14

G’ekundugéa Jésus, éne te kukane éamôtatô ématsutsugangô na gôndé aneengi edi.

Jean 3:13

Gôsaba môma amabata na g’ôba, buétsé te amuene Muana Amôma, ône amasuma g’ôba.

Jean 7:29

Me te tsamôbômuni. Gôébégô me namaviga te vandé angô. Na te angô amatôma me.

Jean 8:38

Me navovo te mane mamatubédu me na Téta. Géé anye nôénda te mane matômu anye na tétanyô.

Mayanzame 10:41

T’ebandô Jésus amatsutsuga gôndé we tômasevou na Nzambé na mbeego, gôéba mbangi yedi. We avo tômaa na tômanyua tabudé épo n’edi vamamana Nzambé émôkundua g’ôwa.

Mayanzame 2:32

Nzambé amakundua te Jésus ôdôô. Na wa n’anyô muetso tômôeni na tômôôkiô.

Mayanzame 3:15

Gô éne nômayôhéda ône andé Kumu amonyo. Ivô Nzambé amamôkundua g’ôwa. Wa na Jean tôndé mbangi éagékundugéô sedi sowa.

Mayanzame 5:32

We adua tôndé mbangi éamabégôme matôvovoni éma. Te we adua na Gédidi gémeetsa Nzambé gôndé ane amôgobedani.

Romains 8:3

Migemie mimatsikéô we na Moïse misibé na ngudi gôndé oma gamabôtu angô gôébégô ébéva éamitéma mioma émamiyungéda. Ene ésiôngôé mige éyanza, amuene Nzambé amayanza éangô. Amakudéga Muanedi amagono na wa n’anyô oma abévani gôétônôtôa ébévee éamitéma miasô n’anyô émabôtu na môma. Na ameeséda éangô.

Galatie 4:4

Ivô vamabuéa ndéône, Nzambé amavovo mbe: Muanami kiaka. Ongabôtu na môgeto. Ongagobeda mige migobeda Ajuif.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

II Timothée 1:10

Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

I Pierre 5:1

Natenda ndongi yedi gôndé anye nôndé peeye yenyanga gô mbumu éaNzambé. Me nandé payi gandé anye. Me nandé mbangi gô maguga mameena Christ. Me nangadenga ôkabô g’ôndômba ôvigani.

I Jean 1:1

We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.

I Jean 2:25

Nôeni éne émavanga Christ gôétôétsa te monyo amôbô na môbô.

I Jean 3:5

Nôsabômu mbe Jésus‐Christ amaviga gôénôtôa gôndé môma na môma ébévee éedi. Gôndé angô Jésus, gôsaba ébégô ébévani ta n’evo.

I Jean 3:8

One agéyanzaka mabégô mabévani angô te môma atômu na yabédé. Yabédé amapanga éénda mane mabévani v’ebandô. Muana ANzambé Jésus asivigé gô yene ébégô. Amaviga gôébunganéda mayanza mayabédé.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

I Jean 4:2

Gôndéké mônongo gôégoneda édidie mbe egé te SaNzambé, n’ege kaka saNzambé. One andé na gédidi géviga gôndé Nzambé te ône avovo mbe: Jésus‐Christ te na gô pie amakoga môma.

I Jean 5:11

Ombangie te mbe: Me Nzambé nanôétsa monyo amôbô na môbô. Na monyoe ôdôô nôétsô angô na Muanami Jésus.

I Jean 5:13

Nanôtendéa mabégô mema gôndé anye nômeetsa Jésus Muana ANzambé mitéma mianyô mietso te anye nôsabômu mbe nôndé na monyo amôbô na môbô.

I Jean 5:20

Tôsabômu dôta mbe Jésus Muana ANzambé amaviga na gô tsina amatôétsa éodo gôémenya Nzambé, angô ône apie. Wa n’anyô tôndé môvo na Nzambé ône apie te gô ngudi yaMuanedi Jésus. Te angô Nzambé apie na Kumu amonyo amôbô na môbô.