I Jean 1:1 - New Testament in Mitsogo

¹ We tônôtendéa gôébégô éone eendô mbe, Ogi aNzambé ôétsa monyo. Angô te mapanga na éôma éetso. Tômookô angô. Na tômeena angô na miso masô. Tômootôneegeda. Na tômoobanda na mogo masô.

I Jean 1:1 ပူးပေါင်းရင်းမြစ်များ

LUC TSANGO EAMOSOBA EMATENDA 1:2

Amanigôa mane mamabeendu ahngô n’ane amadenganô v’ebandô. Te ane ameetsô ôtômu mbe: Nigôani mabégôme maNzambé éma.

LUC TSANGO EAMOSOBA EMATENDA 24:39

Bononi mogome mami na makôdôme mami. Nôngeena mbe na gô pie ôô te me Jésus. Bandakani na eenakani. ?Môma amawani anikéenanô andé n’otô na épa-a? Me nandé n’otô na épa.

Jean 19:35

One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga.

Jean 20:27

Vane Jésus amavovo na Thomas mbe: Weseda môsavie woo n’eva. Bonoko magandakame mami. Weseda ôgogoe woo. Bandaka tsungune yami. Tsika pagaye yoo. Itsa me môtémee woo.

Jean 5:26

Menyani mbe amuene Téta te Kumu amonyo. Andé na ngudi yeetsa môma monyo, te mônongovo dôta ameetsa Muanedi ényanga eba Kumu amonyo gôéétsa môma monyo.

Jean 8:58

Jésus amanigôa Ajuif mbe: Me nanôbeenda na gô pie mbe Abraham madeo asibôtu, te me nandéké.

Mayanzame 1:3

Va mbene owedi Jésus amatsutsuga vandé ane amasevoukuni. Amatubéda ahngô gô minongo miyekani mbe: Nabaki g’ôwa, ivô na gô pie me nandé na monyo. Gô nzima yapitsi dinayi dimamana Jésus n’aneengie, amatsutsugaka na vandé ahngô kuka diyekani gôéahnigôa mabégô mokumu aNzambé.

Mayanzame 4:20

Gôndé we, tôsangoongôa ékina évovo mane mameena we na mamookô we.

Hébreux 2:3

Tasani gôndé wa n’anyô tôngeenda nayee gôébusuga tsôgôô, ôkô tôbéyi na mbôôkô gô géobogeo gémakônzéô wa n’anyô. Amuene Kumu amapanga énigôa gébogeoge gémakônzuni. Na va mbenene vane, avo amookôni amawanyéda Ogie amapanga moonga mbe: Osapata.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

I Jean 5:7

Gôndéké mbangi ditatô.

Gétsutsuéô 1:11

Angô mbe: Tendaka gô miganda éne éena éwe. Kudéga miangô na gôndé asi mbumu éaNzambé ahndéké gô mbôka yedi tsambué. Okudéga na gô Ephèse na Smyrne, na Pergame na Thyatire na Sardes na Philadelphie na Laodicée.

Gétsutsuéô 1:8

Kumu Nzambé avovo mbe: Me te Alpha na Oméga. Evéndégéô mbe v’ebandô ametso te me na v’ekôdéô ametso te me. One avovoni te Kumu angudi yetso. Angô amabakani ne te angô andékéni na te angô angavigani.

Gétsutsuéô 19:13

Amaata môkanda ômeenô gô nzina. Inedi te Ogi ANzambé.

Gétsutsuéô 2:8

Ogi ômatôma me Jean mbe: Tendéa ndongi yedi na gôndé môsi g’ôba avigédu na Nzambé gôékenea asi mbumu éedi gô mbôkane ééndô mbe Smyrne. One andé v’ebandô ametso te angô andé v’ekôdéô ametso. Na ône amawani te angô amakundugani, andé na monyo ôsakôdéakani anôétsa ndongi yedi. Oôkéôni angô.