I Corinthiens 8:3 - New Testament in Mitsogo

³ Ivô ône andé n’etondo gôndé Nzambé, Nzambé angamômenyeda metso.

I Corinthiens 8:3 ပူးပေါင်းရင်းမြစ်များ

Matthieu 7:23

Vane nangavovo n’ahngô v’ekanga mbe: Me tsanômenya ta na pesu. Nôtôgani na gôdagôda n’ami, anye eendi amabégô mabévani.

Jean 10:14

Me te môkeneyi amôsôba amandombo mami. Gandé Téta asabômu me, na me tsamôbômu, te gandé me na mandombome mami. Me tsamabômu, na mangô dôta masabômu me. Me neetsa monyoe wami gôéwa gô mandombome mami.

Jean 21:17

Vane Jésus amamôévôa éne éamôtatô mbe: ?Simon, muana aJean ônyôngéô me-a? Pierre ameena panda gômeevôa Jésus angô kuka ditatô mbe: ?ônyôngéô me-a? Na amaabéa mbe: Kumu, gôsaba ébégô ésamenya éwe, ôsabômu mbe nagônyôngéô. Jésus angô mbe: Kenea mandombo mami.

Romains 11:2

Nzambé asikiné omedi, ane amasevoa angô va mbeego mbe: adua te omami. Nôsabômu éne émasemba Elie Nzambé gôndé ana aIsraël ématendu gô Matendeo maNzambé.

I Corinthiens 13:12

Ene étôenani na éne étômenyani éaNzambé pitsi yedi te gatôbono gô géeno géndé na bobé. Ivô nyovo tôngamôena na va miso. Deo noo tsabômu te ébégô évo ivô nyoone nangamenya te metso mônongovo gamenyanganô me n’amuene Nzambé.

I Corinthiens 2:9

Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.

Galatie 4:9

Ivô ndéô nedué anye nôsabômu Nzambé. Béyé nane, éne éôtéa évôni te mbe ndéô nedué Nzambé asabômu anye. ?Ndéô nedué nôngoongôa énikéa égobeda ésôgee ébévani ésaba na ngudi nayee¿ Nônganika éengéa gôéba avéga nayee?

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

Jacques 1:12

One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:8

Anye nônyôngéô Jésus‐Christ gémôene. Nômôétsa mitéma madeo nôsimôena na miso manyô. Anye nôtsôkéa na gényônga gémootéani ti v’ekôdéô agényônga. Gényôngage sanyô nôsoongôa égénigôa gandé sangô.

I Jean 4:19

Enyônganéô éndé n’asô n’anyô, mapangame te Nzambé amapanga ényôngéô wa n’anyô.

I Jean 4:7

Omami amôtéma tônyônganéôni wa n’anyôene na wa n’anyôene, gôébégô Nzambé te Kumu éetondo. One anyôngéô môkedi angô te muana aNzambé na asabômu Nzambé.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 2:19

Angô mbe: Me tsabômu metso meendanye. Tsabômu vitoone éndé n’anyô. Tsabômu na gasipanye na mavôma na gényônga géôkô anye gôéyanzéa me n’obibô ôndéké n’anyô. Metso mane tsabômu mangô. Mane meendanye mamisôba ndéô yedi mootéa éyeka na mane mav’ebandô.

Gétsutsuéô 2:9

Angô mbe: me tsabômu magugame meenanye. Tsabômu n’osugee ôndé n’anye tambô, nôndé n’okiti. Me tsabômu mane matsuavô anye n’ane eenda mbe: Me te Môjuif. Tambô angô kaka Môjuif. Ahndé aneegedi aSatan.