I Corinthiens 7:2 - New Testament in Mitsogo

² Ivô kabaga mômôgôô aba na gésima sekea gésasô buedi mbe mômôgôô muetso abaké na môgayedi na môgeto muetso abaké na mômiedi.

I Corinthiens 7:2 ပူးပေါင်းရင်းမြစ်များ

Matthieu 5:32

Ivô me nanôbeenda mbe, ône akina môgayedi bobo, angô gééndé gésasô, angô te môma atévédi môgayedi gôékea gô gésasô. Na dôta ône abaa môgeto amakinôni akéyi te gésasô.

I Corinthiens 6:18

Busungani gésasô. Mabégô metso mabévani moongôa môma éyanza mabévéda ôtô amôkedi. Ivô môkeyi agésasô abévéda te ôtôe wedi amuene.

I Corinthiens 7:1

Gésangô gématendéa anye me nômeevôa me nyivô gôébégô éayômba. Me Paul naabéa nyivô éanyô mbe: Ii, éndé te amôsôba gôndé mômôgôô gôédigaa gépaga.

I Corinthiens 7:3

Buedi mbe mômôgôône asakina éne éôkô môgayedi tsôvé éamôgeto na mômôgôô. Na gôndé môgetone te mônongovo. Asakina éne éduka mômiedi.

I Corinthiens 7:9

Ivô ôkô nôsiôngôa ébibéda édigaa g’ôpaga tambô baani, na baaôkoni. Okô mbe édaga gôédigaa g’ôpaga na tsôvé dipôni diyôéda ôtô ga soto, buedi mbe gépaga gébaa na gébaaô.

Ephésiens 5:28

Buedi mbe mômôgôô anyôngéô môgayedi ganyôngéô angô ôtôe wedi amuene. One anyôngéô môgayedi andé gôéyôngéô buéyé n’amuene.

Ephésiens 5:33

Ewanya dôta na mane manyô. Buedi mbe mômôgôô anyôngéô môgayedi ganyôngéô angô amuene. Môgeto na môgeto dôta agobede mômiedi na géneega.

1 Thessaloniciens 4:4

Buedi mbe môma na môma akenee na atômé ôtôé wedi amuene n’egoba n’etsimama ényôngéô Nzambé.

I Timothée 4:3

Omee ane eekéda mbe: Esaba buedi gôébaana. Akinéda oma mivo miyakô. Tambô Nzambé amavanga miyakômie mietso mbe omedi angamiaa. Ane ameetsa Jésus mitémamie na asabômu mabégô mapie, n’egéaaka apanga ékuméda Nzambé gô miangô.