I Corinthiens 4:9 - New Testament in Mitsogo

⁹ Gôtasa me, namenya mbe va ngima oma muetso te we tômatômukuni. We eekédi tôndé gandé oma ameendô mbe nôngayôhu v’ekanga. We eekédi tôndé tômasetu n’oma ayekani atôbononi. Buéyé n’anguene asi g’ôba, ayanzie aNzambé abono we.

I Corinthiens 4:9 ပူးပေါင်းရင်းမြစ်များ

Mayanzame 19:29

Nzongodiye yaô dimookanô na môsengee wetso. Agubee amatsua ébadie gôégenya na Paul. Amapanga étsôpa akedi abaé, Gaïus na Aristarque, asi Macédoine amakea n’edi mitôô. Géômbé gévôni gémasôkédani gématsua ahngô abaé na gô gétunguge gévôni gôéahtsundéda.

Mayanzame 19:31

Buéyé na avo oma avôni amatôma gô Asie, wee yedi amamôkudéga ôgie mbe: Paul ômbiakea na gô gétungu gékediô akoo.

Romains 8:36

Matendeo MaNzambé matônigôa mbe: Pitsi yetso navetsu n’owa te gôndé éwe. Oma atôena eembe tôndé mandombo matsuaô na va gétsatséô.

I Corinthiens 15:19

Okô mbe tsoongone éasô n’anyô étôdiiani gôtôvamba na Christ ébandôa na ékôdéa te gô monyoe ava tsina ôtévo tambô wa n’anyô te asi maguga na maguga, na asi ngeba na ngeba.

II Corinthiens 11:23

?Ahngô te ayanzi aNzambé‐a? Oôkôni édué, navovo ga môma amadinga g’ôtsôga. Me nootéa ahngô gôéyanzéa Nzambé. Namootéa éyanza n’ahngô asiyanzé. Kuka yetso namabaka gô eba atsôgôô gôékéda me mabégô maNzambé, n’ahngô asiengé. Namabômôu kuka yetso, n’ahngô asibômôu. Kuka diyekani namavétsu n’owa, n’ahngô asivétsu n’owa.

II Corinthiens 6:9

Atôdeta mbe ?ône avigi gôni? ?ône ndaa? ga môma abobo, tambô tôndé oma amenyanganôni. Akanéga we ga gétséké sanzumbi tambô we tôndé ti adôngani, na anye nôsabômu mbe tôndé t’ekenge. Oma asiséda we ivô asangoongôa étôyôha.

1 Thessaloniciens 3:3

Tôsanyôngéô mbe ta na môma môvo, nôtsedu gô gékuanô gétubédu wa n’anyô. Anyene nôsabômu mônongoe agékuanô géndéké gô éne émakônzéa Nzambé wa n’anyô.

Hébreux 1:14

?Tambô asi g’ôba, ayanzie aNzambé andaa? Asi g’ôba te édidie éyanzéa Nzambé. Na yangô dimakudégu n’edi gôéwedéa oma ava tsina angadiia géobogeo.

Hébreux 10:33

Dipo kuka nômadetu na nômabômôu va mbene oma. Dipo kuka nômadenganô gôésipéda akanyô amatubédu maguga mane.

Hébreux 11:36

Avo dôta amadetu, n’avo amabitô na mibitô. Avo amakatô ésengo na ameengedu gô yeba yatsôgôô.