I Corinthiens 2:4 - New Testament in Mitsogo

⁴ Tsinigôé tsangône na meekédume gavovo asi tsengene n’enyepa éamavovia na éodoe yaô. Namapandôéda mangô na vede gô ngudi ya Gédidi SaNzambé. Ngudiye dine dimeenanô na vede. N’oma asiôngôé étsumadô Nzambé paga.

I Corinthiens 2:4 ပူးပေါင်းရင်းမြစ်များ

Mayanzame 20:27

Bangôani mbe me namanônigôa matasa na ndongi yaNzambé yetso génôsuégé ta n’ebégô évo.

Mayanzame 26:28

Agrippa amabika mbe: Ewe Paul, ôsanéa ti vipesu gôékoa me môtémee gôéba môma aChrist.

Romains 15:13

Gôsatsuma anye Nzambé paga, te mbe angô Kumu atsoongone éasô n’anyô, anôétsa gényônga sedi na gétabé sedi sapie. Okitie wanyô te môténdéda ôndé n’anyô gô ngudi yaGédidi SaNzambé.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

I Corinthiens 1:17

Christ asitômé me gôétsa oma bateme. Amatôma me gôéékéda Tsangô éedi Eamôsôba. Ameenda mbe tsanganigôa Tsangône yedi na mavoviame na éodo ébôtu na môma kabaga ôwa ômawa Christ va gésumu sowa ôôkanô mbe ôsaba na tsoongo.

I Corinthiens 2:1

Vamaviga me Paul na gôndé anye ana aTéta gôénônigôa mabégô mapie maNzambé, mane masinigôganéô na mbeego, tsivovo mavovia mamôpingô gôétsapéda anye.

I Corinthiens 2:13

Wa n’anyô tônigôa mabégôme mane kaka na mavovia mameekédu môma na éodo éamôkedi. Ivô tômanigôa na mavovia matôékédu na Gédidi SaNzambé. Te gatônigôa mabégô mapie maNzambé gôndé ane andéké na Gédidige SaNzambé géne.

I Corinthiens 4:20

Ane adigaa gô tsina otômu aNzambé aseenanô gô mavovia, eenanô te gô môdigéôe waô.

II Corinthiens 6:6

We tôtubéda mbe tôndéké ayanzie aNzambé gô môdigédi asô ômagôgéani, na gô ngeba yasô na gôndéké we na ngudi yaGédidi SaNzambé, na gôndéké we na étondo ésapenganani,

Galatie 1:10

?Vavovo me nane nômenya mbe me nabuta ékumédu n’oma‐a? Aé. Navovo nane te mbe nangakumédu na Nzambé. ?Nômenya mbe nabuta ényônganéô n’ôma‐a? Aé. Okô nabuti ényônganéô n’oma tambô tsaba môyanzi aChrist.

Colosses 2:4

Navovo n’anye nane te kabaga môma aviga gôébôméda anye na mavovia mabuembe.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

I Pierre 1:12

Apandôédi amatasa maNzambé ahmamenyedu mangô kaka gôndé anguene, te na gôndé anye, buéyé mbe gamabaka ahngô eekédi amabégô mema. N’atsatsee anye nôékédiô mangô n’ane ahmeekéda Tsangô Eamôsôba gô éodo éaGédidi SaNzambé, géné gémasuma g’ôba. Buéyé asi g’ôba ayanzi aNzambé anyôngéô émenya mabégô mema.

II Pierre 1:16

We eekédi tômamenyeda anye gamaviga Jésus na ngudi yedi dipôni na gô tsina. Tôsibeendu gô matangôtangô mavaka oma. Ivô wéene tômeena ôkumaka aJésus na miso masô na kiaa.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.