I Corinthiens 2:1 - New Testament in Mitsogo

¹ Vamaviga me Paul na gôndé anye ana aTéta gôénônigôa mabégô mapie maNzambé, mane masinigôganéô na mbeego, tsivovo mavovia mamôpingô gôétsapéda anye.

I Corinthiens 2:1 ပူးပေါင်းရင်းမြစ်များ

Mayanzame 20:21

Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.

Mayanzame 22:18

Nameena Kumu na amatôma me mbe: Yavôga énôtôga gô môsengee aJérusalem ôdôô. Kumu yambôka asasinga ômbanzee wami ônigôa éwe.

Romains 16:18

Gôébégô mônongoe oma ane, asayanzéa Kumu asô n’anyô Jésus-Christ. Ayanzéa te mabuyi maô. Gô mavoviame maô na buembee waô abômédu oma andé na mitéma miagésingiasingia.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

I Corinthiens 1:17

Christ asitômé me gôétsa oma bateme. Amatôma me gôéékéda Tsangô éedi Eamôsôba. Ameenda mbe tsanganigôa Tsangône yedi na mavoviame na éodo ébôtu na môma kabaga ôwa ômawa Christ va gésumu sowa ôôkanô mbe ôsaba na tsoongo.

I Corinthiens 1:6

Mane manigôa me anye mbe Christ anyôngéô éénda va gatse anyô, neena mbe amani ééndéa anye mangô.

I Corinthiens 2:13

Wa n’anyô tônigôa mabégôme mane kaka na mavovia mameekédu môma na éodo éamôkedi. Ivô tômanigôa na mavovia matôékédu na Gédidi SaNzambé. Te gatônigôa mabégô mapie maNzambé gôndé ane andéké na Gédidige SaNzambé géne.

I Corinthiens 2:4

Tsinigôé tsangône na meekédume gavovo asi tsengene n’enyepa éamavovia na éodoe yaô. Namapandôéda mangô na vede gô ngudi ya Gédidi SaNzambé. Ngudiye dine dimeenanô na vede. N’oma asiôngôé étsumadô Nzambé paga.

I Corinthiens 2:7

Me tsamenya éne éodo. Nanigôa te éodoe émabaka gav’esooe na Nzambé na ésinigôganéô n’oma. Na Nzambé amasevoa éangô mbeego na mbeego, tsinane madeo ésikanô. Ameesevoa gôndé wa n’anyô mbe tôngaba n’ondômbee wedi.

II Corinthiens 10:10

Tsabômu éne évovo avo va gatse anyô. Avovo mbe: Mavoviame mesangô étenda Paul madaga, na maduméda we mitéma. Ivô vatema amuene va miso masô, andé ti gédebe na asoongôa évovo.

II Corinthiens 11:6

Mavooe gôévovo nandéké inzua amaama. Géé gôémenya mabégô metso maNzambé tsaba inzua amaama. N’anye nôsabômu gamanigôa we mangô kuka yetso.

II Thessaloniciens 1:10

Engabuéa te gô ndéône éngavigangô gôéneegedu n’asi mbumu éedi na gôékumédu n’ane amamôétsa mitémamie. N’anyene nôngaba wangô gôébégô nôsitsumé paga gô meekédume mamanigôa we anye.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.