I Corinthiens 13:3 - New Testament in Mitsogo

³ Buéyé mbe nakabéké ôkitie wami wetso, na buéyé mbe neetséké ôtôe wami gôébéku gô soto ôgondoku, ôkô me tsiba n’etondo éaNzambé gô môtémami, me mbe natsôgô te bobo.

I Corinthiens 13:3 ပူးပေါင်းရင်းမြစ်များ

Matthieu 23:5

Mane mayanzahngô amayanza v’ekanga mbe ényepee éaô éenanô n’oma. Môbôtô aMatendeo MaNzambé ôtsua eekédi, ahngô avundéda angô na atsua angô kataga va panza yaô na va mogo maô gômbe ôenanô. Ngoyi yaô yeekédi, aditongeda na adinyepeda gôéenanô n’oma.

LUC TSANGO EAMOSOBA EMATENDA 18:22

Jésus n’eôkô nane, amamôtôma mbe: Gôndé éwe gôsanéyi ébégô évo. Kiaka sômbédé éetso éndé n’ewe. Obongo dodeye, ôkekabanéa na misuga. Na éwe ôngaba n’okiti g’ôba.

LUC TSANGO EAMOSOBA EMATENDA 18:28

Pierre amavovo n’edi mbe: Aanaka Kumu. We tômatsika éetso, ti we adua. Na tôndé ti gôékea nzéepo n’ewe.

LUC TSANGO EAMOSOBA EMATENDA 19:8

Zachée amatema gôévovo na Jésus mbe: Kumu ôôkôyee. Okitie wami wetso, nangatatôa angô va gatse. Ovô ôkabô nangôôkabanéa na misuga. Okô nabongi dode yamôma isuaga dodepo, nangeeséda memuene, nangamônikédéa dode dinayi.

Jean 12:43

Amootéa ényôngéô ékumédu n’oma na asinyôngéô ékumédu na Nzambé.

Jean 13:37

Pierre amoomba angô mbe: ?Kumu nayee ôéndi mbe: N’atsatsee ôsangabuéa wangô? Me tseena panda gôéétsa monyoe wami mbe nawa gôndé éwe.

Jean 15:13

Enyônganéô éôtéa metso, te mbe môma eetsee monyoe wedi gôéwa gôndé môkedi.

Jean 6:63

Géne géétsa monyo te Gédidige SaNzambé. Otôe ôsaba na tsoongo. Mane mabeendi me anye maviga gôndé Gédidi SaNzambé na meetsa oma monyo.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

Galatie 5:26

Tômbiaba na dienza. Tômbiakambôganéa wa n’anyôene na wa n’anyôene. Tômbianyimana wa n’anyôene na wa n’anyôene gôébuta géneega sabobo.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

I Timothée 4:8

Ene éénda môma agémbôga gôépupéda ôtôe wedi, éndé pesu na tsoongo. Géé, éne éénda môma agémbôga gôévambéda na éne ényôngéô Nzambé, te éne éôtéa na tsoongo gô monyo agô tsina na ône ôvigani ag’ôba.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.