I Corinthiens 1:9 - New Testament in Mitsogo

⁹ Nzambé asavétsua divanga yedi. Nzambéne te épo, ône amanôbambéa mbe: Bakani môvo n’ami gô pitsi yanyô yava tsina nômagésangana môtémovo n’ami gô évambevo na muanami Jésus‐Christ.

I Corinthiens 1:9 ပူးပေါင်းရင်းမြစ်များ

Matthieu 24:35

Diôba na tsinane éngoota na éngadimbana. Ivô Mabégô Mami te môgunanza.

Jean 17:21

Nagôduka Téta mbe angô muetso angaba môvo na wa n’oo, gandé éwe môvo n’ami. Me dôta nandé môvo n’ewe. Nagôduka mbe anguene angaba n’evamba gômbe asi tsengene asangatsuma paga mbe me tsitômu n’ewe.

Romains 11:17

Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

Romains 8:30

V’ebandô Nzambé amasevoa ane angaba eedi na amabambéa ahngô. Ane amabambéôni, na amaabéani, Nzambé amatsimaméda ahngô ti eembe asaba n’oési va mbene edi. Ane amatsimaméduni, Nzambé amagésangana n’ahngô g’ôbébayi ôtubéda ôndômbee wedi.

Romains 9:24

Endé te nane. Wa n’anyô tôndéké tômbambéôni, kaka Ajuif atévo buéyé n’ane asaba gô éongo éAjuif.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

I Corinthiens 10:16

Tasani gô gébunguge gématôétsô na Nzambé na tôduka mate medi gô sangô. Vatônyua gébunguge ége? ?gésatôvambéda évambevo na nzina yaJésus‐Christ‐a? Tasani dôta môpemba ôtôbukuani. ?Vatôaa angô ôsatôvambéda évambevo na ôtô aJésus‐Christ‐a?

II Corinthiens 1:18

Gandé amuene Nzambé asoongôa évétsua divanga yedi na me tsoongôa énôpatéda éne émavovo me n’anye mbe nasinga. Menyani mbe tsikina.

Galatie 1:15

Ivô Nzambé gô ngeba yedi, amasevoa me nagébaka gô ébuyi éeya. Amabambéa me gôéyanzéa angô.

Galatie 2:20

Nabéyee na monyo, monyoe ône ôsaba wami, te aChrist ayuéséda môtémami. Deo noo nandé na monyo g’ôtô ami, te gôétsa me Jésus môtémami wetso. Angô Muana ANzambé amanyôngéô me na amaadeekeda amuene amawa gôébégô éami.

Ephésiens 3:6

Nôeni étasa éaNzambé émabaka ga éav’esooe, te éangôéé. Gô ngudi yaTsangô Eamôsôba éaJésus‐Christ, ane asaba Ajuif amagésu n’Ajuif gôédiia mikuanya mimakôkéga Nzambé gôndé omedi, ane asaba Ajuif aka ôtô ôvo n’Ajuif. Ovanga ômavanga Nzambé gôndé ahngô muetso ôenanô gôndé Jésus‐Christ.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

1 Thessaloniciens 2:12

Tômakasôgéda anye na tômasuméda anye mitéma. Tômeekéda anye na môvinéné mbe: Digaani ganyôngéô Nzambé, ône amabambéa anye gôéengéa g’ôkumu edi na gôégésangana g’ôndômbee wedi.

II Thessaloniciens 2:14

Nzambé amanôbambéa gôédiia géobogeo, te gô ngudi yaTsangô Eamôsôba émeekéda we anye. Amanôbambéa mbe nôngagésangana ôndômba ôvo na Kumu asô n’anyô Jésus‐Christ.

II Thessaloniciens 3:3

Kumu Jésus andé na mavôma na asakoga. Anganôodeda na anganôebakanédéa Môbévine.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 2:13

Buéyé mbe we te oma agébé na mavôma Angô te Kumu amavôma. Gôébégô angô asangoongôa épenganéda mônongoe wedi.

Tite 1:2

Nzambé anyôngéô mbe abé na tsoongo gô monyo ôsakôdéakani. Angô te Nzambé asapatani na amavangéa wa n’anyô monyoe ône, tsinane madeo ésikanô.

Hébreux 10:23

Tôsimbédéni pepe éne étôtendédani na éne étôéékédani. Tôsoongôa étsuma paga gôndé Nzambé na éne émavangéa angô wa n’anyô.

Hébreux 11:11

Sara asitsumé ôvangee aNzambé paga mbe angadiia ngudi gôébôta muana buéyé gamadômbéa ôtôe wedi. Na ameetsa môtémedi wetso mbe éngaba te gamavovo Nzambé.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.

Hébreux 3:1

Navovo n’anye, ana aTétee n’ami agô mbumu éaNzambé nômabambéô na Nzambé na gô mbumu éedi. Bononi miso manyô na gôndé Jésus, ône amatômu na Nzambé gôéba môsungéyi amôténdéda asô n’anyô, ône ôtôékéda oma.

Hébreux 3:14

Endé te nane. V’ebandô wa n’anyô tômavamba na Christ gébé na paga. Okô tôbé nane ngu na v’ekôdéô, tambô tôndé na gô pie n’evamba na vitoo na Christ.

Hébreux 6:18

Vane tômenya mbe Nzambé amatôvangéa ôvanga edi na amatôsongéa inedi. Mabégô mema mabaé, Nzambé asangoongôa ékoa mangô gôépata. T’ebandô wa n’anyô tômeengéa gôésomo gôndé angô. Tôsinga gébé na paga éne émavangéa angô wa n’anyô éamane mangatôdiiani.

I Pierre 5:10

Nzambé, Kumu éangeba yetso, amanôbambéa gô ina aJésus‐Christ gôéba g’ôndômbedi amôbô na môbô. Vangamana anye ésindéa maguga gô pesu aviyénza, amuene Nzambé anganôbôngaméda, anganôsipéda, anganôkasôgéda na anganôodeda pepe géniké ngima.

I Jean 1:3

One ômeena we na ône ômookô we te angô ôtsuéa we anye. Te mbe nôngagésangana môvo n’asô na vitoone éndé n’asô na Téta Nzambé na Muanedi Jésus‐Christ.

I Jean 1:7

Okô tôndé gô gévede, gandé amuene Nzambé andé gô gévede, vane tôndé na vitoo wéene na wéene. Na nzina yaJésus, Muana ANzambé ditôgôgédaka ébévee éetso.

I Jean 4:13

Ndémbo émeembô wa n’anyô étubéda mbe tôndé môvo na Nzambé na angô te môvo n’asô n’anyô ?yéndé? Te ndémbone éaGédidi sedi gémeengédangô na gôndé wa n’anyô.

Gétsutsuéô 19:11

Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.