I Corinthiens 1:2 - New Testament in Mitsogo

² Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 1:2 ပူးပေါင်းရင်းမြစ်များ

Mayanzame 10:36

Anye nôsabômu ôgi ômakudéga Nzambé na gôndé oma aIsraël. Amakudégéa ahngô Tsangô Eamôsôba mbe môma oongôa évamba na Nzambé na gétabé gô ngudi yaJésus-Christ, ône andé Kumune oma muetso.

Mayanzame 15:9

Nzambé asatatôa Ajuif n’ane asaba Ajuif. Amagôgéda mitéma miaô gômeetsahngô Jésus miangô gébé na paga.

Mayanzame 18:1

Paul amanôtôga gô Athènes gôékea na gô Corinthe.

Mayanzame 22:16

Tambô ômbiadinga. ?Oenéa ndé? Timôga. Buedi mbe ôétsô bateme na ôbambéa ina aKumu Jésus gôégôgédu ébévee éoo.

Mayanzame 26:18

Nakudéga éwe na gôndé ahngô te mbe ôapôéda misome. Na mbe ôngaakuséda gô évitsie éndé ahngô gôéengéda ahngô na gô gévede sami. Na mbe ôngaayuua g’ôtômu aSatan ôdigaahngô gôéadeekeda na gôndé Nzambé. Vane vangeetsahngô me mitémamie gébé na paga, angasingéô kokoo gô ébévee éaô. Angeetsô gétungu saô gémakônzu angô va gatse oma aNzambé.

Mayanzame 9:13

Ananias amatsunda na Kumu mbe: Ivô Kumu, oma ayekani amanigôa me mane mamômôgôô nône. Me tsabômu mane mabévani metso mameendangô omee woo gô Jérusalem.

Mayanzame 9:14

Me namookô mbe atsigi gô môsenge ôdôô na ényangee évôni émeetsô angô na tsesuye yadeekedi adigondoku. Enyangee te gôétsôpa muetso ane ateta inee éoo.

Mayanzame 9:21

Muetso amookô gameekédangô ahmatsapéô. Ahmasôbasôbana mbe: ?Oô ka te ti ône amakuana gô Jérusalem ane amabambéa ina aJésusa? ?Tambô angô asivigé n’egô gôétsôpa ane ameetsa Jésus mitémamie-a? ?Na gôékeda ahngô na gôndé tsesu yadeekedi adigondoku-a?

Romains 1:7

Nanôtendéa anye asi Rome nôbambéô na Nzambé mbe vagébakanye va tsina nôngaba môvo n’edi. Na mbe nôngatetu mbe asi mbumu éedi. Te mbe Nzambé, Tétee éasô n’anyô, na Jésus-Christ Kumu asô n’anyô anôétsa mate medi na gétabé sedi.

Romains 10:12

Tambô gôndé Ajuif na ane asaba gô éongo éAjuif gôsaba éômbé ébaé. Kumune éaô te épo. Akaba mane medi mamisôba na gôndé muetso ahwesea na gôndé angô gôémôduka.

Romains 3:22

Nzambé abono oma ti eembe ahsaba n’oési veetsahngô Jésus-Christ mitémamie miaô. Nzambé atsimaméda muetso ane asatsuma Christ paga. Asatatôa oma mbe ahndé minongo mibaé.

Romains 8:28

Menyani mbe Nzambé ayanza gôétônyepeda gô mabégô metso mabuéa gôndé wa n’anyô. Endé te nane gôndé wa n’anyô tôndé tômabambéô na Nzambé gamavanga amuene.

I Corinthiens 1:30

Nzambé amanôgésanganéda monyovo na Jésus‐Christ. Gô ngudi yaNzambé, angô Christ te éodo éasô n’anyô. Gôndé angô Christ, tômatsimamédu gébé n’oési va mbene aNzambé. Na tôka môvo na Nzambé tômaviia mane matsengene ngima gô pitsi yasô yava tsina. Gôndé Christ tôndéké tômoobouni.

I Corinthiens 10:32

Digaakani n’etsimama gôndé Nzambé gômbe môdigédie wanyô ôsangatôngéda Ajuif, na ôsangapatsa ane asaba Ajuif, na ôsayungéda ina ambumu éaNzambé.

I Corinthiens 12:27

Wa n’anyô muetso tôndéké te ôtô aJésus‐Christ. Môma na môma te géeme gévo.

I Corinthiens 8:6

Buéyé nane gôndé wa n’anyô Nzambéne te épo. Te Nzambé Téta amakana éôma éetso na monyoe wasô n’anyô te gôndé angô. Na Kumu asô n’anyô dôta te môvo na koo, te Jésus‐Christ. Te angô asumbéda éôma éetso. Asumbéda na monyoe asô n’anyô.

II Corinthiens 1:1

O te me Paul namasevou na namatômuku na Jésus‐Christ gamanyôngéô Nzambé. We tôvovoni te me Paul na muana aTétee n’asô n’anyô agô mbumu éaNzambé, Timothée. Gésangô gegé te sanyô asi mbumu éaNzambé nôndé gô môsenge aCorinthe na gô tsengene nyetso éaGrèce.

II Corinthiens 4:5

We tôsanôékéda tsangô éawéene. Tônôékéda mbe Jésus te Kumu. Gôndé we tôndéké ayanzie anyô gô ina aJésus‐Christ.

Galatie 1:2

Ana aTéta muetso ahndé éva agésangana n’ami gôétendea anye gésangô gegé, anye asi mbumu éaNzambé gô tsenge éaGalatie. Tônôtendea

Ephésiens 5:26

Christ ameenda nane gôékoa mbumune yedi mbe éviia mane matsengene ngima gôéba môvo n’amuene Nzambé. Amamigôgéda na meba na ôgie wedi.

1 Thessaloniciens 1:1

Oô te me Paul na Silas na Timothée tônôkudéga gésangô gegé. Sangô te sanyô, asi mbumu éaNzambé gô môsenge aThessalonique. Nôndé oma aTéta Nzambé na aKumu Jésus‐Christ. Tônyôngéô mbe mate medi na gétabé sedi gébaké gôndé anye.

1 Thessaloniciens 4:7

Nzambé asisevoa wa n’anyô mbe tôdigaa gô minongo mietso miagésasô. Amasevoa wa n’anyô mbe tôaagané n’ebéva gôédigaa môvo n’edi gô étsimama.

II Thessaloniciens 1:1

Oô te me Paul, na Silas na Timothée. Tônôtendéa gésangô gegé, anye asi mbumu éaNzambé gô môsenge aThessalonique. Anye nômavamba na Tétasô n’anyô Nzambé na Kumu asô n’anyô Jésus‐Christ.

I Timothée 2:8

Nanyôngéô mbe gô tsengeye yetso, amôgôô atômba mogo maô gôévovo na Nzambé. Avove na Nzambé na mitéma mimagôgéani gébé na ôpisa, na gébé na matasa mamasaganédana.

I Timothée 3:15

Eébéyée nane, ôkô nadingi éviga na gôndé éwe, gésangô gegé génganigôa éwe gatôdigaa wa n’anyô asi ebee ôtômu na Nzambé. Ebee ôtômu na Nzambé te mbumu éedi, angô Kumu amonya. Angô te éengô, môsipédine amabégô mapie.

II Timothée 1:9

One amooboo we na amabambéa we gôékoga omedi amatsimamani te Amuene Nzambé. Asatôoboo gô ngudi yamayanza masô n’anyô mamisôba. Atôoboo te gamatasa amuene mbe: Neendé te nane. Amatôoboo te ti gô ngeba yedi. V’ebandô na kaa, amatôena ngeba gô ina aJésus‐Christ.

II Timothée 2:19

Buéyé veendahngô nane, diboboye dimavumba Nzambé gôésipéda ôbôgee amabégô medi mapie, disipa ti v’ekôdéô éasipaga. Na gô yangô gômakuétu béndaye mbe: Kumu Nzambé asabômu ane andé omedi. Na dôta dimakuétu mbe: One avovo mbe: Me te môma aNzambé aviié mane mabévani metso ngima.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

Hébreux 10:10

Gôébégô Jésus‐Christ amadugéda éne émanyôngéô Nzambé. Wa n’anyô tôgôgédu mabégô metso mabévani g’ôgondokue ômadeekedangô, te ôtô edi amuene kukepo gôndé muetso.

Hébreux 13:12

T’ebandô amuene Jésus amawa gô kôbangô amôsenge. Te gôégôgéda oma gô ngudi yanzina yedi.

Hébreux 2:11

Jésus agôgéda oma ébévee éaô. Na amuene môgôgédine, na ane agôgéduni andé ana aTétee épo. T’ebandô Jésus aseena tsoyi gôémema mbe: Adua te ana aTétee n’ami.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.

Gétsutsuéô 19:16

Inedi ématendu gô ngoyi edi na gô môtandedi. Ina ématendu te mbe: Kumu akumu yetso na Môtômi aatômie muetso.