Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Timothée 4:8 - New Testament in Mitsogo

8 Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

အခန်းကိုကြည့်ပါ။ ကော်ပီ




II Timothée 4:8
39 ပူးပေါင်းရင်းမြစ်များ  

Gôsaba môma angoongôa émenya pitsi vo ndéô éngabuéa mabégô mema, ivô te gô mbene n’okendô. Béyé asi g’ôba ayanzi aNzambé asamenya. Na me, Muana ANzambé tsamenya. Te amuene Téta asabômuni.


Gô nyee ône, ayekani angavovo n’ami mbe: Kumu, Kumu, gô inoo tômapandôéda ndongi dimeetsô we na Nzambé. Tômakuséda édidi ébévani gôndé oma te gô ngudi yainoo. Na dôta tômayanza émbégéa évôni na éyékani te gô ngudi yainoo.


Nanôbeenda na gô pie mbe, gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome.


Ti g’ôsôba amôtémee woo ôsasinga ndongi, na ôsasinga ékoga. Menya mbe ôkôva ômuene tsôgôô éôtéa édagani na gôndé ômuene, nyaa ôngeenanô ôpisa aNzambé na géesédéô sedi gésapenganani.


Ivô kaka tsinane étévô. Buéyé na wa n’anyô tôbisa gô mitéma miasô n’anyô gôéenéa géobogeo sayôtô yasô n’anyô vangatôkusédu na v’ekanga mbe: Adua te ana aNzambé. Tôndéké tômakatô na Nzambé môkodi te Gédidi sedi. Na sangô gétôbangôéda éne éngatôdiiani.


Te gatônigôu gô Matendeo MaNzambé mbe: Ene émakônza Nzambé gôndé ane ahndé n’edi môvo n’etondo, Te éne madeo ésienanô na môma, na ésiôkanô na môma. Na dôta éne ésivakô na môma gô môtémedi.


Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.


Eendi amatséva atôma yôtô yaô, na akanéga étséva gôéekeganédu ôtôe. Metso mane madagani eenda mangô gôédiia môsenda apitsi épo. Géé wa n’anyô, tôgenyôgéni yôtô yasô n’anyô gôédiia môsenda amôbô na môbô.


Wa n’anyô va tsina tôbisa na panda gô yebaye yebandé dindé n’asô éedi, na tôbénga te yebaye dindé g’ôba dingadigaa édidi éasô n’anyô.


Vane naténdéda mbe nangakunduu dôta g’ôwa gamakunduu angô.


Vameekédu anye kukane éamapanga Tsangô Eapie, éne Eamôsôba éaJésus‐Christ, nômamenyedu mbe éangô éndé na tsoongo. Ebandôe éavitoone éanyô na ébandôé émeetsanye mitémamie, étsinee te tsoongo nene. Nôndé gôéténdéda éne émakeneo g’ôba gôndé anye.


Anigôa dôta gandé anye gôéenéa génikéô saMuana ANzambé Jésus‐Christ, ône andé g’ôba. Asabômu mbe Nzambé amakundua Jésus‐Christ g’ôwa. Na te angô angatôyuua g’ôpisa aNzambé ôvigani.


Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui.


Vane te vangatsutsuga Môbévine. Ivô Kumu Jésus angamôyôha gô ngudi yamodie ôkusa gô mônyedi. Angamôbunganéda gô ngudi yobébayi agévigéô sedi.


Gôénda ahngô nane, andé gôévaga ôkiti ôvôni agétangégé na ôsagôgani. Na angadiia monyoe apie amôbô na môbô.


Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.


Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.


Nanyôngéô mbe Kumu Jésus amôsingéa gôédiia ôkitie aKumu ôngakabô gô nyoo ône ôvôni. Ewe Timothée, ôsabômu metso mamisôba mameendéangô me gô Ephèse.


One akea matsaé na akina ékea pitaye gône gôtévédiô angô asangadiia sôma. Okô akeyi gôtévédiô angô angadiia.


Me Paul natôma éwe Timothée, ébégô édué évôni. Nagôtôma éangô va mbene aNzambé na va mbene aJésus‐Christ, môtsundédine ane adôngani n’ane amawani. Nagôtôma gômbe génikéô saChrist na ôkumue wedi génganeegedu.


Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.


Gô ndéô ésisédu môma, adéa na pievia éagésisédéô sedi gémenye mbe te ébégô éamôsôba. Tambô va mbene, ône amoongu ndongi gô gésisédéô gémeetsô angô, angadiia mamisôba te gô môdigédie wedi agétabé.


Te mônongovo dôta émavangô mbe Christ amaadeekeda amuene ôgondoku kukepo gôénôtôa ébévee éoma ayekani. Na angaviga kukane éamôbaé kaka gôébusua ébévee, ivo te gôéengéda gô géobogeo ane andé gôémôenéani.


One asipa n’obibo gô éne ékanégu angô atsôkéké. Gôébégô gôbibédi angô adiia monyo. Monyo ône te môsenda ômamema Nzambé mbe: Gôndé anye nônyôngéô me nôngadiia angô.


Na mikuanya miasô n’anyô mitôtsôkéani mindé gôndé Jésus. Te mikuanya miagébungané na miagébômbé, na miagéongodone. Mikuanya mimatsikéô anye mindé na Nzambé g’ôba.


Vangatsutsuga amuene pene akeneyi amandombo, nôngadiia gépôkôdô sôbébayi sokumaka agébungané.


Bononi. Nôeni gavigangô va gatse obôngé. Oma muetso angamôena, buéyé n’ane amamôtuma n’ekongo. Asi mongo metso mava tsina angadéa na mindônga gôndé angô. Ii. ?Tôngeenda nayee? Engaba te nane. Amen.


Vane nameena ôba ômakukua na cheval éavembo émakusa. One amadigaa gô nyama nene, inedi te Mavôma na évo ina, Môma Apie. Angô atsundéda gépénganédé. Na agenya kuka yetso gétsaé.


Nômbieena gomo gô mane mangeenanye mapanda. Oôkôni édué. Avo va gatse anyô nôngeengédu gô eba atsôgôô gébé n’ebégô. Menyani mbe te yabédé akanéga anye. Gône nôngeena panda gô nzima apitsi. Sindédani na mavôma buéyé mbe na g’ôwa. Na me nanganôétsa môsenda te gépôkôdô sokumaka amonyo ôsakôdéakani.


Jésus, ône amatôtsikéa gésuka gétubéda mbe asapata, avovo mbe: Ii, bonoko me navigi. We dôta tôaabéa mbe: Ii, ébaké nane. Vigaaka Kumu Jésus.


Kuka yetso vamatôa éangô, peeye nzima dibaé na payi dinayi dimasiba mabongo maô va mbene one andé digaa gô gédigaa sokumaka. Na dimaneegeda ône andé monyo môbô na môbô. Dimagudua épôkôdôe éaô éokumaka gôévumba éangô ga ôgondoku va mbene agédigaage sokumaka. Dimeemba mbe:


Va kôbangô agédigaage géne gômabaka nzima dibaé yeedigaa éokumaka na édigee énayi. Gô éangô gômabaka digaa nzima dibaé yapayi na payi dinayi. Ahmaata mikanda miavembo na gô miôtsé miaô amaata épôkôdô éokumaka émakônzu na dodo.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ