II Timothée 4:5 - New Testament in Mitsogo

⁵ Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

II Timothée 4:5 ပူးပေါင်းရင်းမြစ်များ

Matthieu 25:16

Môyanzine ameetsô yabi ditayi amakea na yangô gôéyanza ôyôkô. Dodeye dine dimoomba ékuséda yene yabi ditayi yadode.

Marc 13:34

Jésus angô mbe: Te gandé môma akea môtôô. Atsika ebedi na ayanzi edi. Eetsa ahngô ényangee. Atsikéa môma na môma n’edi éyanza. Avovo na môkenene ombee mbe: Ombieeboga vio.

Marc 13:37

Ene évovo me n’anye navovo te n’oma muetso mbe: Bakani n’ebagé géebaé.

LUC TSANGO EAMOSOBA EMATENDA 12:37

Ti gô gényônga géndé na ayanzie ane adenganiô na kumu aô andé misiki gébé gô vio. Nanôbeenda na gô pie mbe amuene kumu eyanzee angakoga môyanzi. Angadigéda ayanzie va tabudé gôéétsa ahngô môyakô.

Mayanzame 21:8

N’ongôngôe ône tômatimôga gô Ptolemaïs gôékea na gô Césarée. Gô Césarée tômadigaa gô eba aPhilippe môékédi aMabégô MaNzambé. Philippe te môvo va gatse amôgôô tsambué amasevou gô Jérusalem.

Romains 15:19

Amayanza na me gôétubéda émbégéa éangudi yedi, na gô mabégô manyônganéôni masoongôa môma ésupua, na gô ngudi yaGédidi SaNzambé. Te gameekéda me Tsangô Eamôsôba éaJésus-Christ, bandôa gô Jérusalem na nzéaye yetso dine ngu na gô tsenge éaIllyrie.

Ephésiens 4:11

Na te angô akaba migôô gôndé oma ganyôngéô amuene. Ameetsa gôndé avo môgôô mbe asevou na atômu na Christ. Avo dôta waô môgôô te apandôédi adongi diviga gôndé Nzambé. Na avo ameetsô môgôô eetsua Tsangô Eamôsôba. Avo dôta gôéba môkeneyi ambumu éaNzambé na eekédie.

Ephésiens 4:12

?Amakaba migôômie mine gôndé? Amamikaba gômbe asi mbumu éedi angaduganéô ngudi gô miangô gôémana éyanzee éaNzambé va tsina. Na mbe asi mbumu éedi andé ôtôe aChrist ôngavunda na ôngoongôga na ôngoodo gô mabégô metso maNzambé gô ngudi yamigôômie.

Colosses 1:25

Me naka môyanzi ambumu éaNzambé. Ene te éyanzee émeetsô me na Nzambé gôénôyanzéa. Amatôma we gôéékéda na vede étasee éedi.

Colosses 4:17

Beendani Archippe mbe: Baka n’ekena gôémangôa éyanzee émeetsô éwe gô gésoo saKumu Jésus.

1 Thessaloniciens 5:6

Wa n’anyô tôsoongôa éeboga vio gandé avo oma. Tôndé oma eemba géembémba n’ekenge gébé gô édangi.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 4:15

Gényôga gôémangôa éyanzee éoo, gébé na mitéma mibaé. Ene éamôsôba te mbe muetso eena gawesea éwe na gô mbene.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 2:10

T’ebandô nasinga maguga mema gôndé avo oma, buta mbe ane amasevou na Nzambé angeengéa gô géobogeo géndé gôndé Jésus‐Christ. Na angeengéa dôta g’ôndômbee ôsakôdéakani ag’ôba.

II Timothée 2:3

Indaka geenda môgode abôkédé aJésus‐Christ gôégésangana gô maguga mainedi.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

Hébreux 13:17

Gobedani atômie wanyô. Sugédani anyene gôéditéda ahngô. Eyanzee yaô na pitsi n’omanda te gôékenea mitéma mianyô. Gô éne éyanzahngô anganigôa va mbene aNzambé. Gobedani angô. Vane ahnganigôa Nzambé gôndé anye na ékasôga, kaka na mitéma miditani. Okô anigôa na mitéma miditani, tambô n’anye nôngaba dôta na mitéma miditani.

I Pierre 1:13

Mônongovo goodeda môma édatedi, oodedani édidi éanyô gôévéngéa éne évigani. Bakani misiki. Bakani na môténdéda ôvôni gô mane mangeetsô anye ôbiia vangatsutsuga Jésus‐Christ.

Gétsutsuéô 3:2

Gô vipesu viamonyo visanéa n’anye gôéwa, sipédani viangô kabaga nôsuméa mangôga. Timôgani. Me neena mbe mane meendanye masaba kuanakue va mbene aNzambé.