II Timothée 4:18 - New Testament in Mitsogo

¹⁸ Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

II Timothée 4:18 ပူးပေါင်းရင်းမြစ်များ

Matthieu 13:43

Ivô agobedi aNzambé, angaba n’obébayi ga kômbéne g’ôkumu aTétaô. One andé na matô, ka te ookôkô‐ma.

Matthieu 25:34

Vane Kumu angavovo n’ane angaba gô géeyo sedi gémôgôô mbe: Vigani anye nôétsiô mate na Téta. Ingéani g’ôkumu aNzambé, ômavangéa angô anye bandôa vamakanangô tsina n’oba.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

LUC TSANGO EAMOSOBA EMATENDA 11:4

Singéa we kokoo gô mabégô masô mabévani, Mônongovo gasingéa we kokoo gôndé ane atôéndéa mabégô mabévani. Vangakanégu we gôéénda mabégô mabévani, ômbiatsika we.

LUC TSANGO EAMOSOBA EMATENDA 12:32

Nômbieena gomo anye mandombo mami, béyé gandé anye vipesu viami viôbua. Menyani mbe Nzambé eena ti gényônga gôénôétsa ôkumue wedi.

LUC TSANGO EAMOSOBA EMATENDA 22:29

T’ebandô me nanôétsa ôkumu gameetsô me angô na Téta.

Jean 17:15

Me nagôduka mbe, kenea angô andé amasetu na ône môbévani.

Romains 11:36

Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.

Romains 16:27

Tôkumédéni Nzambé, Kumu éodo na ôndômbee wetso, gô ina aJésus-Christ, môbô na môbô, amen.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

I Corinthiens 10:13

Gôsaba ta gô éangô. Nzambé asavétsua ôvangee wedi gôétôkenea gô éne ékanégu wa n’anyô. Nzambé asasinga mbe éne ékanégu wa n’anyô éôtéa ngudiye dindé na wa n’anyô mbe tôkékôa éangô. Gô ndéône éngatsiga éne énganôkanégani, Nzambé anganôétsa ngudi gôésipa na gôékékôa gômbe nôsangakuéa.

I Corinthiens 15:50

Oôkôni éne ébuta me énônigôa ana aTéta. Ene émavangôni éndé éotô na nzina ésaba na tsoongo g’ôkumu aNzambé. Géne sapitsi yatangaga, gésaba n’evamba na géne samôbô na môbô.

II Corinthiens 1:10

Te angô Nzambé amatôoboo gô pandaye dine dimabambanéda we n’owa. Na te angô andé na ngudi gôétôomba éoboo. Ii, na gô pie miso masô mabono te angô mbe angatôoboo gô panda kuka yetso.

Galatie 1:5

Ondômbee wetso ôbaké gôndé Nzambé môbô na môbô, Amen.

1 Thessaloniciens 5:23

Tônyôngéô mbe Nzambé, môsumédi amitéma aaganédé anye gô mabégô mabévani gôénôkoa omedi amatsimamani. Buta mbe vangaviga Kumu Jésus‐Christ nôba gébé n’oési gô mitémamie mianyô, buéyé na gô édidié éanyô, buéyé na gô matasame manyô, buéyé na gô yôtôye yanyô.

II Thessaloniciens 3:3

Kumu Jésus andé na mavôma na asakoga. Anganôodeda na anganôebakanédéa Môbévine.

I Timothée 1:17

Tôkumédéni, na tôneegedeni gédundé Kumu asô n’anyô amôbô na môbô, ône amawani, na aseenanôni, angô Nzambé ésaba na gégoni. Amen.

I Timothée 6:16

One asangawani te angô. Amuene te gévede gévôni gésoongôa môma éwesea. Gôsaba môma amamôenani. Na gôsaba môma oongôa émôbononi. Ondômbee wetso na ngudi yetso éndéké gôndé angô môbô na môbô. Amen.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 4:1

Me Paul natôma éwe Timothée, ébégô édué évôni. Nagôtôma éangô va mbene aNzambé na va mbene aJésus‐Christ, môtsundédine ane adôngani n’ane amawani. Nagôtôma gômbe génikéô saChrist na ôkumue wedi génganeegedu.

Hébreux 11:16

Ahsinyimé tsengene ématôtahngô. Ahmanyima te tsengene éôtéa ényepani, te éne éag’ôba. T’ebandô Nzambé amanyôngéô étetu mbe Nzambé aô, na amakônzéa omeaa môsenge ôvôni.

Hébreux 12:22

Géé anye nôndé nômawesea na gô môkôdie ôtetu mbe Zion. Na nômawesea na gô môsenge aNzambé Kumu amonyo, te Jérusalem ag’ôba. Gône gôndéké mitônisa na mitônisa miasi g’ôba avigédu na Nzambé gôétsôkéa anye.

Hébreux 13:21

Nanyôngéô mbe Nzambé, môétsi agétabé, anôétsa ngudi gôéénda mane mamisôba na gôéyanza mane manyôngéô amuene. Te mbe éné étômangô éenanô gô midigédi miasô n’anyô gô ndugi yaJésus‐Christ. Te mbe ôndômbee wetso ôbaké gôndé Jésus‐Christ, môbô na môbô. Amen.

Jacques 2:5

Ane eenanô tsenge mbe andé misuga, te ane ahmasevoa Nzambé mbe: Nôndé n’okiti gôndé me. Anye nôsadagéô eetsa me mitéma mianyô gébé na paga. Ovo ôkiti te ôkumu ômavangana me n’anye nônyôngéô me.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 5:11

Ngudi yedi dindé gô môbô na môbô. Amen.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.

II Pierre 3:18

Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

Jude 1:1

O te me Jude, môyanzi aJésus‐Christ. Me te muanayaa aJacques. Natendéa anye nômaabéa gômabambéô anye na Nzambé na nôdigaa évambevo n’edi anye nôkeneo na Jésus‐Christ.