II Timothée 4:16 - New Testament in Mitsogo

¹⁶ Vamanigôa me kukane éamapanga ébégôe éami gô eba amisoso, gôsibé ta na môma môvo gôésungéa me. Muetso amatsika me. Naduka Nzambé mbe: Ombiétsa ahngô ôési gô éne.

II Timothée 4:16 ပူးပေါင်းရင်းမြစ်များ

Marc 14:50

Aneengi edi muetso amabusuga amatsika Jésus amuene.

LUC TSANGO EAMOSOBA EMATENDA 12:11

Vangakedu anye gôétsundédu gô yeba yewanyéô na vangatemedu anye va miso makitsi amisoso, n’ane atômani, nômbiakebangana môtangôe ônganigôa anye, na mônongoe ôngayuéga anye.

Jean 16:32

Oôkôni édué. Ndéône éngabuéa, na émani ébuéa, anye nôngapanzangana, môma na môma na gô wedi eba. Na nôngatsika me te memuene na koo. Eébéyée nane tsaba memuene, amuene Téta andéké n’ami.

Mayanzame 22:1

Paul angô mbe: Aneya, anye tétee yami, ôôkôni édué. Me nanônigôa éne éndéké n’ami.

Mayanzame 25:16

Namanigôa Ajuife ane mbe we asi Rome tôsaba na gésima seeséda môma gô matsuavi matévo, amuene ône atsuaviôni gébé vangô mbe angasiia.

Mayanzame 7:60

Amaaga masibabongo. Amaadôngana mbe: Kumu ami, gô ébégô édué ébévani éénda adua, ômbiétsa ahngô ôési. Vamamanangô évovo nane, amawa.

I Corinthiens 13:5

Etondo éndé n’egoba. Esasinga môma ayanza ébégô éngatubéda akedi tsoyi. Etondoe ésaba na matamba na ôpaka. Na ésasinga migianganô. Etondoe ésanyôngéô pigaga gô môtéma.

I Corinthiens 9:3

Nôeni gaabéa me ane apatéa me. Me mbe:

II Corinthiens 7:11

Vamadita mitéma mianyô na tsoyi, eenakani gamayanza Nzambé na ngudi gôndé anye. Mbeka mbe anye nômeena tsoyi na gésangôge sami, anye mbe nôsibé na tsambu gôéyavôga ékônza ébégôe émabaka n’anye. Nômakuadima na gomo mbe: ?Môma môbévani angadigaa va gatse asô nayee? Nômanyôngéô éôkô ndongi yami. Nômaba na géviôviô gôétsimaméda mbumu éaNzambé. Anye nôsiene éso avio gôéeséda mômôgôô nône môbévani. Gômeendanye metso mane nômayuéga gô ébégôe ébévani éne.

Philippiens 1:17

Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

II Timothée 1:15

Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

II Timothée 4:10

Gôébégô Démas amatsika me. Angô amootéa ényôngéô mabégô matsengene, te gamakeangô na gô Thessalonique. Crescens dôta amakea na gô Galatie. Na Tite amakea na gô Dalmatie.

II Timothée 4:15

Ewe Timothée, baka n’ekena gôndé angô, gôébégô angô eenda mavovia masô n’oo pégôani.

I Pierre 3:15

Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?