II Timothée 3:6 - New Testament in Mitsogo

⁶ Avo va gatse aô angeengéa na waada na gô yebaye gôévooto ageto asaba n’ekena na andé na mitéma mimayôa na mabégô mabévani agémbana gô nzéa diyekani gô mane mabutahngô.

II Timothée 3:6 ပူးပေါင်းရင်းမြစ်များ

Matthieu 11:28

Vigani na gôndé me, anye muetso nôgogini na anye muetso nôditéôni. Me te môdundédine wanyô.

Matthieu 23:13

Jésus amavovo mbe: Ti gô maguga mandé n’anye anigôi amige miaNzambé n’Apharisien nôndé ti anyepi amiônya. Anye nôkukégéa oma ôkuké ag’ôkumu aNzambé. Anyene nôseengéa gô angô, na nôsatsika ane anyôngéôni mbe eengéa. [

Matthieu 23:14

Ti go maguga mande n’anye anigoi amige miaNzambe n’Apharisien. Nônde ti anyepi amiônya. Anye nôeesuéa mikue vipesuvie vinde n’ahngo. N’anye nôsambéda disambô ditongoni gôétubéda ényepee éanyô. T’ebandô gésisédéô sanyô géngootéa édaga.]

Matthieu 4:24

Tsangô éedi émookanô gô tsenge nyetso éaSyrie. Oma amavigaka na gôndé Jésus n’abeeyi amabeeaka mabeea maminongo mietso. Avo amabaka na édidi ébévani. Avo amabeeaka tsiiga. Avo amabeeaka yôtô yaô dimakatani. Jésus amadôngéda ahngô.

Marc 4:19

Ivô matasa maô metso te mikebanganô miava tsina. N’ahngô ahndé n’onzôô okiti na mavo manyima mabévani. Te mabégô mema mayôha Mabégô MaNzambé na makoa mangô maka na sawa na meendô mbe mabégô mabobo.

I Corinthiens 12:2

Anye nôsabômu mônongovo gamabakanye madeo nôsigobeda Nzambé. Anye nômasinganaka te n’egobeda mbuma disamenya évovoni, gékékôé. Nômeekaganô énigôa mabégô maô.

I Timothée 5:6

Ivô ôkô môkué adigaa ganyôngéô ôtôe wedi, amani éwa buéyé mbe ôtôe ôgédôngaka.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

Tite 1:11

Ibéda ahngô miônyamie mbe akôda gôébégô andé gôéyungéda mbumu amôbongo gômeekédahngô mane masaba kuanakue gôéékédu. Eékéda nane te g’ônzôô adode gôédidiia gô mangônzô maô.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

II Pierre 3:17

Anami amôtéma, anye nômani éevédu. Wemani anyene kabaga nôkudungana gô nzéa éoma abévani na kabaga mitéma mianyô minika ngima.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Jude 1:18

Ameevéda anye mbe: Gô pitsiye yamôyusumédu oma anganôdeta na angadigaa gô manyima mabévani mamitéma miaô mikékôa Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.