II Timothée 3:2 - New Testament in Mitsogo

² Engaba te nane. Oma angaba na guma n’onzôô okiti, na nyemo na bôpeeo. Angeenza Nzambé na asangagobeda iyee yaô na tétee yaô. Angaba na bôkôsô. Asangaditéda Nzambé na mabégô medi.

II Timothée 3:2 ပူးပေါင်းရင်းမြစ်များ

Matthieu 15:6

Te gakina anee wanyô égobeda iyee yaô na tétee yaô. Gô éne nôbunzéda ôgi aNzambé na nôgobeda te mane manyene.

LUC TSANGO EAMOSOBA EMATENDA 12:15

Na Jésus angô mbe: Nôwema kabaga nôba n’onzôô okiti. Buéyé mbe ôkiti ôvôni, monyo amôma ôsaba gô éne.

LUC TSANGO EAMOSOBA EMATENDA 16:14

Apharisien amookô meekédu maJésus mokiti. Amamôdeta gôébégô anguene amootéa éba n’onzôô okitie.

LUC TSANGO EAMOSOBA EMATENDA 6:35

Géé anye, nyôngéôni ane anôduduni. Indani ahngô mamisôba. Sombedani ahngô gébé n’etasa mbe nôngavanéô. Vane nôngeetsô na Nzambé môsenda ôvôni na nôngamenyanganô mbe ana aNzambé ône andé Kumu angudi yetso. Gôébégô amuene Nzambé eenda mamisôba gôndé ane abévani na asamôkumédani.

Mayanzame 5:36

Bangôani gabaki mômôgôône atetu mbe Theudas, ngima akôdôtsé éva. Môsi nyemone ône amaatubéda gandé môma môvoni na amaandô n’aneengi edi mikama minayi miamôgôô. Amayôhu. Aneengi edi amapanzangana. Meekédu medi mamadimbana. Na inedi ésookanô.

Romains 11:18

Tambô ômbieeséda mitabé mimakeeduni. ?Ongatsôkima nayee? Kaka éwe ôdôngéda mitamba, ivô te mitamba midôngéda éwe.

II Corinthiens 5:15

Amawa gôndé muetso gômbe ane adôngani asangadigaadô gô monyoe ônyôngéô anguene. Ivô ahngadigaa gô monyo te gôndé ône amawa na amakunduga gôndé ahngô muetso.

Philippiens 2:21

Akasô muetso akebangana te mane manguene matévo, kaka mane maJésus‐Christ.

Colosses 3:5

Singani mbe metso mandé gô mitéma mianyô matsengene mayôhu ti yôhgu. Mangô te gésasô na matasa masagôsagô, na matasa mengéa gô gésasô na makusa te gô gésasô, na tsôvéye dibévani, na ônzôô okiti. G’ônzôô môma andé gôéneegeda ôkiti edi ganeegedu mbumba.

II Thessaloniciens 2:4

Môdudeo nône angaboa nyemo mbe: Mane maneegedanye mane, masaba na tsoongo. Me nootéa mane maNzambé metso. Gô eba ôneegeda Ajuif Nzambé, môdudeo nône angadigaa gô tsongo éadisambô éndé gédigaa saNzambé. Na angeenda mbe: Me te Nzambé.

I Timothée 1:20

Avo amamôtôgani te Hyménée na Alexandre. Namadeekeda ahngô na gôndé Satan gôésisédu mbe asangadôomba éenza Nzambé.

I Timothée 1:9

Bangôani mbe môge ôsakitsô gôndé ane adigaa na mavôma. Môge ôkitsô te gôndé abévie, na akékôie, na asi dibagaa na oma asagô na gôndé ane asaneegeda Nzambé na mabégô medi. Môge ôkitsô dôta gôndé asi mikôbé, ane ayôha kinde yaô na ane ayôha pati môma.

I Timothée 3:3

Môma nône, abaké gébé na gésima senyua maduku, na gébé na masaganéda. Abaké môma amavôma na môtéma ômasumani. Abaké gébé n’onzôô okiti.

I Timothée 6:10

Onzôô adode te étambé éamapanga ébuéda môma na gô mabégô metso mabévani. Avo oma gômabéngahngô ôkitie, amanôtôga gô nzéa éaJésus étôkeani édué na amakôva anguene maguga mayekani gandé môma atsôkô môtémedi na pingô yatsende.

I Timothée 6:4

menyani mbe ahngô éékéda te gô nyemo étévo. Asamenya ébégô n’ébégô. Andé na tsôvé ébévani yétsumana paga na yésaganédana gôébégô éamavovia. Vane te vabandôa ngusu na masaganédana, na dibuanya na matasa mabôvingô.

II Timothée 3:4

Angaba asi gévééa na buembe. Asangasinga ndongi. Angakaaô na bôpeeo. Angootéa ényôngéô migangu miatsengene na asanganyôngéô mane mamuene Nzambé.

Jacques 2:8

Mbe nôénda mitôma miokumu aNzambé mimatenduni gô Matendeo MaNzambé mbe nôénda te kuanakue. Môtômee te mbe: Nyôngéô môkoo ganyôngéô éwe ôtô omuene.

Jacques 4:16

Ivô anye nôndé na nyemo na nôtsokima anyene. Nyemoye dine dindé dibévani.

Jacques 4:6

Buéyé mbe nane, Nzambé atôétsa mene mate mootéa mane. Matendeo MaNzambé matôbeenda mbe: Nzambé agoméa asi nyemo. Ivô eetsa mate gôndé ane asaba na nyemo.

I Pierre 5:5

Gôndé anye nôgébaka minzambu na tômbô, ôôkéôni payi yambumu éaNzambé. Vandé anye na géengi digaakani gébé na bôpeeo. Matendeo MaNzambé matônigôa mbe: Nzambé akina asi bôpeeo. Angô eetsa mate medi gôndé ane ahndé na mavôma.

II Pierre 2:10

Kekee ti gandé ane anyima tsôvé dibévani yotô na ahkeenga ényangee éaNzambé. Eekédi adiboe ahndé n’obagaa na nyemo. Ahsookô gomo gôédeta asi g’ôba.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

II Pierre 2:3

G’ônzôô waô adiiaga ahngavooto anye na meekédu maô mooboe mavakangô, buta mbe ahngô ahtsôbôga vakambi ahngô. Môtsundédi aô andé va magô bandôa va mbeego. Môbunganédi aô andé ti gôévéngéa ahngô.

Jude 1:16

Amôgôôe ane agiangana kuka yetso na asanyôngéô buéyé n’ene éamôsôba. Adigaa te gô manyima maô mabévani. Ahnyemôga anguene. Andé n’enyepa éamiônya gôévooto oma buta mbe anguene ahdiia sôma.

Gétsutsuéô 13:1

Vane me Jean nameena Gényamanyama gémakusa gô mubu. Gémabaka na nzima atséba na miôtsé tsambué. Gémaata gô tsébaye yetso gépôkôdô gévo gévo sokumaka. Gô miôtsé miedi gômatendu ina ébuanya Nzambé.

Gétsutsuéô 16:11

Ahmatoko Nzambé ag’ôba gô pievia dimookô ahngô na miitsô miaô. Ivô ahsinzeegede éyanza mayanza maô mabévani.

Gétsutsuéô 16:21

Mataa mavôni mamaaga g’ôba na gô tsina gôédenga oma. Etaa évo émadita gadita gésambi satsanga. Omee amatoko Nzambé gôébégô éamataa. Mangô mamabaka gévunga gédagani sapanda.

Gétsutsuéô 16:9

Omeaa ahmayôédu n’obabaka agéndégégé. Ahmatoko ina aNzambé. Ahmatoko ényangee éedi gômakudéga angô mônongoe agévunga na gôndé oma. Buéyé mbe gameenahngô pandaye dine ahmakina éviia ngima mabégô maô mabévani na gôékuméda Nzambé.