II Timothée 3:16 - New Testament in Mitsogo

¹⁶ Matendeo metso maNzambé mamatendu te gamavumbéa Nzambé modie wedi gôétévéda oma. Mangô mandéké ngu gôétsigéda môma gô mabégô mapie na gôékoa matasa moma amabômuni, na gôétsimaméda ébévee éamôma, na gôétévéda angô wene mônongo amonyo ômatsimamani.

II Timothée 3:16 ပူးပေါင်းရင်းမြစ်များ

Matthieu 13:52

Vane Jésus amavovo mbe: Anigôi amige miaNzambé akoga gôékea n’ami gô nzéa éokumu aNzambé, agono na mômane akuséda gô gégaa sedi ôkiti amanza na ôkitie ambeego.

Matthieu 21:42

Jésus ameevôa ahngô mbe: Anye madeo nôsitanga gô Matendeo MaNzambé mbe: Etaé émakôngégu n’asaayi eba Te éangô évumbu v’epandaka gôésipa ébee wetso. Nôeni éne te éne émayanza Kumu. Na veena we nane, tôtsôkéa.

Matthieu 22:43

Jésus amanigôa mbe: Okô mbe éndé nane ?nayee amuene David amatévédu na Gédidi SaNzambé amateta Christ mbe: Kumu ami? Nôsabômu éne émavovo David. Angô mbe:

Matthieu 26:54

Okô neendi nane, tambô mane mabeenda Matendeo MaNzambé masangeenanô. Matendeo matônigôa mbe mabégôme mangabuéa te geenanye mangô mabuéa nani.

Matthieu 26:56

Mabégôme metso éma te mane mookanô gô Matendeo MaNzambé mbe éngaba te nane gamavovo apandôédi ambeego amatasa maNzambé. Aneengie muetso amabusuga amatsika Jésus amuene.

Marc 12:24

Jésus amaabéa angô mbe: Anye nôbômu. ?Gôébégô ndé me navovi mbe anye nôbômu‐a? Te gôébégô anye nôsamenya Matendeo MaNzambé. Buéyé na ngudi yaNzambé nôsamenya yangô.

Marc 12:36

Amuene David amatévédu na Gédidi SaNzambé amavovo mbe: Kumu Nzambé amavovo na Kumu ami mbe: Ewe digaa gô géeyo sami gémôgôô. Na me nangagudaméda adudeoe woo Gô tsina amakôdô moo.

Jean 10:35

Wa n’anyô tôsabômu mbe éne étôbeendu na Matendeo MaNzambé tôsangoongôa étsika éangô. Nzambé amakuméda ane amapandôéda ôgie wedi mbe: Anye nôneegedu ga Nzambé.

Jean 3:20

Mômane ayanza mabégô mabévani adudu gévede na asasinga sangô gétana gôndé angô. Eena gomo kabaga mane medi mabévani meenanô na vede v’ekanga.

Mayanzame 1:16

Ana aTéta asi mbumu éaNzambé, menyani mbe éne émavovo Gédidi SaNzambé va mbeego gô mônya aDavid, na ématendu gô Matendeo MaNzambé, émeenanô. Ebégôe émeevéda mbe: Gôngaba môva angaba môtévédi gôndé ane abuta éyôha Jésus. Môtévédine te môkasô Judas.

Mayanzame 18:25

Ameekédu na mbeego nzéane éaKumu Jésus na amabaka n’ekasôga éaGédidi SaNzambé gô mabégôme mane. Amanigôa na ameekéda mabégô maJésus gépenganédé ta n’ebégô évo. Batemene ésibômu angô te éne émeekéda Jean.

Mayanzame 20:20

Gô meekédume, tsinôsuéga ta n’ebégô évo éndé na tsoongo gôndé anye gô nzéa éaNzambé. Namanôékéda mabégô metso v’ekanga na gô yeba yanyô.

Mayanzame 20:27

Bangôani mbe me namanônigôa matasa na ndongi yaNzambé yetso génôsuégé ta n’ebégô évo.

Mayanzame 28:25

Ajuif amatimôga gôénika na gô yeba yaô andé gôétsumana paga. Paul amavovo n’ahngô mbe: Tambô na gô pie Gédidi SaNzambé gémabaka na mitayi vamavovo sangô na peeye yasô n’anyô go mônya aEsaïe môpandôédi amatasa maNzambé mbe:

Romains 15:4

Metso matôtanga gô Matendeo MaNzambé mamatendu mbeego gôétôékéda. Gômbe tôngaténdéda na môvinéné mane mookô we gô Matendeome. Mangô makasôgéda we.

Romains 2:20

Me te môékédi gôndé asi ôdungé, me te payi, mônigôi aanéngé. Metso mane ôakuméda ômuene gôébégô mige na mitôma miaNzambé misapata na mimadugu étsimama éetso na éodo éetso.

Romains 3:2

Ii, na gô pie gômabôtu éwe gô éongo éAjuif, ôndé n’ebégô. Ogi aNzambé ômapanga ébuéa te gôndé Ajuif.

Romains 4:23

Ivô éné émavovo Nzambé mbe: Andé ti eembe asaba n’oési, kaka gôndé Abraham môtévo.

I Corinthiens 12:7

Gédidi SaNzambé géviga na gô mitéma miasô n’anyô gôétôétsa môma na môma môgôôe wedi mbe ayanza n’angô gôényepeda mbumu éaNzambé muetso.

Galatie 3:8

Matendeo MaNzambé matôévéda ébégô madeo ésibuéa mbe gôndé ane ahsaba gô éôngo éAjuif, Nzambé angeena angô ti eembe asaba n’oési te vasatsumahngô ngudi yaNzambé paga. T’ebandô Abraham ameevédu ébégôe éamôsôba mbe: Nzambé angeetsa mate gôndé mongo metso mava tsina gô ineoo.

II Timothée 2:25

Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

Hébreux 11:1

Gôéétsa môtéma wetso gébé na paga ékegea mbe ôkina buétsé gô éne éténdéda éwe. Gôéétsa môtéma wetso gébé na paga ékegea mbe ôdigaa ti eembe ômani éena éne éténdédewe, buéyé mbe éwe madeo ôsiena éangô.

Hébreux 3:7

Oôkôni éne évovo Gédidi SaNzambé. Angô mbe: Okô nôôkiô deo noo ôgi aNzambé ôvovo n’anye

Hébreux 4:12

Menyani mbe Mane Mamavovo Nzambé mandé na ngudi na meetsa monyo. Mengôme medi mootéa mane meebaga. Mengéa gôndé môma ngu na gôwanya gédidi na matasa. Meengéa gô mawanyéô na diôngô ngu na gô misoosô. Matsundéda tsôvéye diôkô môma. Matsundéda na matasa magô tsina amôtéma amôma.