II Timothée 3:15 - New Testament in Mitsogo

¹⁵ Bandôa g’ôanéngée woo ômeekédu Matendeo MaNzambé na te mangô mandé na ngudi gôétsa éodo évôni. Eodoe éne ébuéda môma gô géobogeo gédiiangô veetsangô Jésus‐Christ môtémedi wetso gémôtsumé paga.

II Timothée 3:15 ပူးပေါင်းရင်းမြစ်များ

Matthieu 22:29

Jésus amaabéa ahngô mbe: Anye nôbômu te gôsamenyanye Matendeo maNzambé na gôsamenyanye ngudi yaNzambé.

LUC TSANGO EAMOSOBA EMATENDA 1:15

Muanoo angaba môma môvôni va mbene aKumu Nzambé. Môsi g’ôba amamônigôa mbe: Muanee ône asanganyua maduku. Asanganyua ta na meba mavo meedangi. Angaba amayôa na Gédidi SaNzambé gô môtémedi bandôa g’ôbôtu edi.

LUC TSANGO EAMOSOBA EMATENDA 2:40

Muanee amoongôga na amoodo. Amabaka na môtéma agémôma. Eodo na mate maNzambé mamabaka gôndé angô.

LUC TSANGO EAMOSOBA EMATENDA 24:27

Na vane, amasupua gô Matendeo MaNzambé metso maamuene Jésus, bandôa na meekédu maMoïse na mane mamatenda apandôédi amatasa maNzambé.

LUC TSANGO EAMOSOBA EMATENDA 24:32

Amavovo anguene n’anguene abaé mbe: Vamatônigôana gô nzéa ?we tôsiôkô gényônga na géviôviô ga soto gô mitéma miasô-a? Emabaka ti gényônga vamasupuéangô wa n’oo Matendeo MaNzambé.

LUC TSANGO EAMOSOBA EMATENDA 24:45

Jésus amakôndéga éodoe éaô mbe ahnganigôgéô Matendeo MaNzambé.

Jean 5:47

Ivô anye nôtsuma matendeo maMoïse paga. ?Tambô nôngookô mavovia mami nayee?

Mayanzame 10:43

Apandôédi muetso amatasa maNzambé amanigôa mane maJésus. Amanigôa mbe: Okô môma eetsa angô môtémedi wetso, gétsumé angô paga, angasingéô kokoo gô ébévee éedi gô ngudi yaina aJésus.

Mayanzame 13:29

Na vamadugédahngô metso mamatendu gôndé Jésus na mbeego, ahmamôpotoo gô gésumuge. Amamôgunya gô ngii.

Mayanzame 16:1

Paul amabuéa gô Derbe na gô Lystre. Gône gômabaka môma môvo, ameetsa Jésus môtémee wetso, inedi Timothée. Yeedi te Môjuif ameetsa Jésus môtémee. Tétedi te Môgrec.

Mayanzame 17:2

Gameenda Paul kuka yetso, amakea na gô ebee ône agéwanyéô. Pitsi yedunda ditatô amanigôana n’akedi amadenganôni mane magô Matendeo MaNzambé.

Mayanzame 26:24

Vamabaka Paul gôénigôa éne émabaka n’edi, Festus amamôsemba mbe: Ewe Paul ?Oka gégiô-ma? Gô géneengage soo gévôni, môtémee woo ôka sagôsagô. Ovétsi môkambô.

Romains 1:2

Matendeo MaNzambé matônigôa mane mamavovo apandôédi amatasa maNzambé mbe: Nzambé amavanga mbeego mbe angatôkudégéa Tsangô éedi Eamôsôba.

Romains 16:26

Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.

Romains 2:27

Menyani mbe mômôgôône asigeetuni ône akenea migemie angagôeséda, éwe ôsakenea migemie, buéyé mbe ôndé na miangô mimatenduni na ôndé ômageetuni gô gésôgage.

I Corinthiens 1:21

Ekegea te nane, oma atsengene na éodo n’ebagé éaô ahsiôngôé émenya Nzambé. Asiôngôé émenya na mane matsutsua éodo éamuene Nzambé. T’ebandô Nzambé amatasa gôéoboo ane eetsa angô mitémamie gô meekédume matôékédani éma maseka môma mbe matsôga.

Ephésiens 6:4

Ndongi yedi te gôndé téteye. Nônabévéda ananyô na yôgi yakangégangé gébé na ébégô. Ivô nôékéda ahngô na nôsiséda ahngô na ngeba ganyôngéô Kumu Nzambé.

I Timothée 4:13

Ngu na vangaviga me, baka na môkasa gôétanga Matendeo MaNzambé v’ekanga, na gôénigôa na gôéékéda mangô.

II Timothée 1:1

Oô te me Paul namatômu na Jésus‐Christ gamanyôngéô Nzambé. Namasevou gôénigôa gamavangana Nzambé na wa n’anyô monyoe ôtôdiia vatôvamba évambevo na Jésus‐Christ.

II Timothée 1:5

Natanganéda gameetsewe Nzambé môtémee woo wetso gémôtsumé paga. Mônongovo gamadeekeda yoo Eunice na yeene ayoo Loïs, mitéma miaô na mbeego. Tsabômu mbe anye n’ahngô, mabégô maNzambé mandéké gô mitéma mianyô te mônongovo.

II Pierre 3:16

Te éne étenda Paul gô miganda mietso minigôa angô mabégô mema. Gôndéké gô miganda miedi mabégô madaga éôkanôni. Avo oma ahsaba n’ekena na ahsisipé gô mabégô maNzambé ahsanigôgéô mavéndégéôme kuanakue. Buéyé mavo Matendeo MaNzambé amayungéda te nane. Abunganéda te anguene.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.