II Timothée 3:10 - New Testament in Mitsogo

¹⁰ Géé éwe Timothée, ôndé gôéyeta gô matambé mami évo, évo. Osabômu meekédu mami, na mônongoe wami, na môvinéné ami, na ôsabômu gandé me gétsumé Nzambé paga, na ôbibôe wami na étondoe éami na gakea me gépongé gô nzéa éaJésus.

II Timothée 3:10 ပူးပေါင်းရင်းမြစ်များ

LUC TSANGO EAMOSOBA EMATENDA 1:3

Me va yami kuka dôta nameevôa ane amadenganôni gôémenya gamabandôa ébégôe na gandéké éangô ngu na ndéô nedué. Namanyôngéô égôtendéa mane mookiô me, éwe Théophile kumaka épôni.

Mayanzame 11:23

Vamatsiga Barnabas gô Antioche, ameena éne émayanza Nzambé gôéétsa asi mbumu éedi mate. Amatsôkéa. Amoongo ahngô ndongi mbe: Nômbiaagana n’evambee éndé anye na Kumu. Bakani na môvinéné mbe mitéma mianyô misipa.

Mayanzame 2:42

Ahmeeka na môvinéné mane mameekédu ahngô n’ane amasevouni na amatômukuni. Amadigaa na vitoo anguene ana aTétee agô mbumu éaNzambé na asivéé éaa tabudé épo. Ndéô yetso amadigaa vavo gôévovo na Nzambé.

Mayanzame 20:18

Vamabuéa peeye na gôndé Paul amanigôa ahngô mbe: Anye nôsabômu môdigédie wami ômabaka me n’anye, bandôa gô nyee ômatsiga me gô tsenge éanyô éAsie.

Mayanzame 26:4

Ajuif muetso asabômu môdigédie wami na monyoe wami bandôa g’ônzambue wami. Asabômu dôta gamadigaa me va gatse omee wami gô Jérusalem, bandôa vamabôtu me.

Romains 16:17

Me Paul nanôkeneda mbe wemani gôndé ane anyôngéô étatôa anye. Ayungéda meekédume mamookô anye. Anyôngéô ébôméda anye nômeetsa Jésus mitémamie. Aaganani n’ahngô.

II Corinthiens 1:17

Vamavanga me mbe nangabuéa gôndé anye kuka dibaé, tsivangé yeese. Vavanga me mane mangeendôni, me tsaba na matasa mawa n’anyô oma matévo mbe nangaabéa na mitéma mibaé, ôô môtéma mbe: Ii. Oô môtéma mbe: Aé.

Ephésiens 4:14

Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.

Philippiens 2:20

Te Timothée amuene andé môtémovo n’ami gôékebangana gôndé anye na môdigéôe wanyô.

Philippiens 2:22

Anyene nôsabômu gamatubéda Timothée wa n’anyô mônongoe ôndé n’edi amôvinéné. Nôsabômu dôta gamayanzangô n’ami. Amayanza n’ami gô Tsangô Eamôsôba gayanza muana môtémovo na tétedi.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

I Timothée 1:3

Vamanôtôga me gô Macédoine, namagôbeenda mbe, éwe digaa gô Ephèse. Nagôomba ébeenda mbe, digaa te gône. Gôndéké avo gône eekéda mabégô madiboe. Dékéda ahngô mbe: Nômbieekéda.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

II Timothée 2:22

Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

II Timothée 4:2

Môtômee te mbe: Ikédaka Mane Mamavovo Nzambé. Nigôa mangô na gébaki gô ndéô yetso. Ndéône ényepeyee, ésanyepeyee, suméaka ikéda gôékoa oma matasa maô. Semba ahngô. Kasôgéda ahngô. Ikéda ahngô na môvinéné ôvôni.

II Timothée 4:3

Menya mbe ndéône éwesea, éne éngakina oma éôkô meekédu mapie. Matô maô manganyôngéô éôkô mabégô masapengana na tsôvé yayôtô yaô. Angakénga gôéévôa eekédi ayekani ngu na vangadenga ahngô môékédi anigôa mane manyôngéô matô maô éôkô.

II Timothée 4:7

Me namani égenya ébadi étôgenyani. Me namani étsiga v’ekôdeô éatsaéne étôkea pita. Me tsatsuma ône ameetsa me môtémee paga.

Tite 2:7

Ewe Tite, ôtévéda ahngô gô mônongoe woo gayanza mônzambu mabégô mamisôba. Odigaa na môtéma ômasumani gôéékéda mabégô mavôni mandéké n’ewe.

Hébreux 13:9

Nômbiasingana na meekédu mawene mônongo masawanya na mane mapie kabaga nôbômédu na mangô nzéane éapie. Ene éamôsôba te mbe mitéma mianyô midiié ngudi gôésipa te gô ngeba yaNzambé, kaka gô mige miamôyakô. Ane agobeda migemie mine madeo asidiia sôma tsangô mbe agobeda mige.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.