II Timothée 2:9 - New Testament in Mitsogo

⁹ Vandé me gôéékéda oma Tsangô nene Eamôsôba, te ébandô me nandé gô maguga, na t’ébandô namakatô gô panga gakatô môsi môkôbé. Ivô oma asoongôa ékata Mane Mamavovo Nzambé na panga gôéema mangô.

II Timothée 2:9 ပူးပေါင်းရင်းမြစ်များ

LUC TSANGO EAMOSOBA EMATENDA 23:32

Migode mimakeda dôta asi môkôbé abaé gôéyôhu géômbé na Jésus.

Mayanzame 21:33

Môtômine amawesea na gôndé Paul. Amamôtsôpéda. Amamôkatéda ésengo ébaé. Ameevôa oma mbe: ?Odôô ndaa? ?Eendi nayee?

Mayanzame 28:31

Ameekéda na bôkédé ôvôni mabégô mokumu aNzambé. Amanigôa Tsangô éaKumu Jésus-Christ gédékédu na môma.

Mayanzame 9:16

Memuene nangamôtubéda éetso éngeenangô maguga gô inami.

Ephésiens 3:1

Me Paul nandé gô eba atsôgôô gô ina aJésus‐Christ, gômeekéda me mbe anye nôsaba Ajuif nôndé nômagésu eba ôvo n’Ajuif. Me nasambéda Nzambé.

Philippiens 1:17

Géé avo, andé gôéékéda mabégô maChrist te gandé matséva gôéénda tsaé n’akaô. Ahngô anyôngéô ékôndéga panda yami na pieviane éôkô me gô môtéma gôndé me gô eba atsôgôô.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Colosses 4:18

Mabégô mema mamôyusumédu namatenda na misavi miami memuene mbe: Oô te me Paul. Nômbieeba mbe nandé te gô eba atsôgôô. Te mbe mate maNzambé mabaké gôndé anye.

Colosses 4:3

Vandé anye gôévovo na Nzambé, tetani mina masô gômbe Nzambé angatôkônzéa ndéô yakuanakue gôéékéda Mane Mama vovo angô kuku yetso. Tônyôngéô énigôa mane maChrist masinigôgéôkô oma. Nandé gô tsôgôô te gô mabégôme masinigôganéôni mane.

1 Thessaloniciens 1:8

T’ebandô mabégô maKumu Jésus mamatsanzabana bandôa n’anye. Na masikôdé gô Macédoine na Grèce gôtévo. Tsangône yanyô émeetsanye Nzambé mitémamie gébé na buétsé, émookanô tsengene nyetso. Endé te nane. Oma asaba na tsôvé éévôa we gôénigôa tsangône yanyô, amani émimookô.

II Thessaloniciens 3:1

Ana aTétee n’ami asi mbumu éaNzambé, vovoni na Nzambé gôndé we gômbe mabégô metso maKumu Jésus mangoomba étsanzabana gésikamé. Na mbe mangaditédu n’akanyô gamapanganye émaditéda v’ebandô.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 1:16

Naduka Kumu Nzambé mbe eetsa mate medi gôndé géômbé saOnésiphore gôébégô akasôgéda me kuka yetso. Buéyé gandé me gô eba atsôgôô, asiôkô tsoyi gôévamba na me.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 2:3

Indaka geenda môgode abôkédé aJésus‐Christ gôégésangana gô maguga mainedi.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

I Pierre 2:14

Buéyé môtômi akudégu na pene éedi gôésiséda ane ahyanza mabégô mabévani na gôéétsa mitayi gôndé ane eenda mayanza mamisôba, gobedani angô.

I Pierre 3:16

Aabéani ahngô na mitéma mimasumani na mitéma miegoba, n’etsimama. Bakani mbe mianga miamitéma mianyô miseeséda anye. Buta mbe ane ahsembe anye na asunda anye gô midigédi mianyô miamisôba miitsô anye na Christ angoba na tsoyi gô mavovia maô.

I Pierre 4:15

Va gatse anyô nômbiadenganô ta na môma môvo atubédu maguga mbe muisui, mbe môsi môkôbé, mbe môma môbévani, môsi ngusu, mbe môma eengéa gô maanga mabégô mavovu angô gébaakésu.