II Timothée 2:8 - New Testament in Mitsogo

⁸ Ewe Timothée, kôngéda Jésus‐Christ, ône amakunduu na Nzambé g’ôwa gôéba na monyo. Angô te muana aDavid. Te gapandôéda Tsangô Eamôsoba, éne éékéda me oma.

II Timothée 2:8 ပူးပေါင်းရင်းမြစ်များ

Matthieu 1:1

Oô te bôkudue aJésus‐Christ ebôtee éedi. Jésus‐Christ to muana aDavid. Na David dôta te muana aAbraham.

LUC TSANGO EAMOSOBA EMATENDA 24:46

Amanigôa ahngô mbe: Oôkôni éne ématenduni. Ematendu mbe: Christ, ône angasevou na Nzambé angeena maguga na angakunduga g’ôwa pitsine éamôtatô.

Mayanzame 13:23

Muana aDavid môvo amabôta Jésus, ône amasevou na Nzambé mbe angô te Mooboyi oma aIsraël gamavangana Nzambé na peeye yasô n’anyô.

Mayanzame 2:24

Nzambé amamôkundua g’ôwa. Amamôtsôbôa ésengo éowa. Owa ôsibé n’otômu gôédingéda Jésus gô ngii.

Mayanzame 2:30

David amabaka môpandôédi amatasa maNzambé. Asibômuku mbe Nzambé amamôsongéa mbe: Môvo va gatse anee woo angagôaandani angadigaa g’ôkumakee ôdigaa éwe gôéviagana ényangee éôô.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Romains 2:16

Metso mane mangeenanô nyee ôngatsundéda Nzambé na Jésus-Christ, atsundéda mabégô mamasuégu gô mitéma mioma. Te éne éôkanô gô Tsangô Eamôsôba éékéda me Paul.

I Corinthiens 15:1

Ana aTéta n’ami, me Paul nanôbangôéda Tsangô Eamôsôba éaJésus‐Christ émeekédu anye. Nômasinga yangô. Nômagésangana mitéma mianyô na Nzambé gô yangô.

I Corinthiens 15:4

Amagunyu gô ngii na amakunduga gô pitsine éamôtatô te gamatôévédu na Matendeo MaNzambé.

II Thessaloniciens 2:14

Nzambé amanôbambéa gôédiia géobogeo, te gô ngudi yaTsangô Eamôsôba émeekéda we anye. Amanôbambéa mbe nôngagésangana ôndômba ôvo na Kumu asô n’anyô Jésus‐Christ.

I Timothée 1:11

Meekédume mapie mane, mandéké te gô Tsangô Eamôsôba émeetsô me Paul mbe neekéda yangô. Tsangô Eamôsôba étônigôa gandéké Nzambé, ône akuméduni ôndômbee na eendô mbe Kumu.

I Timothée 2:7

T’ebandô Jésus amatôma me gôénigôa ômbanzee wedi na gôndé ane asaba Ajuif. Me tsapata. Nanônigôa te mane mapie mayanza me. Nameekédangô Mabégô Metso MaPie maNzambé mbe eetsa mitéma miaô gô mangô gébé na buétsé.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 2:7

Tanganéda mane mavovi me éva, na amuene Kumu Jésus angagôétsa yôkia gôénigôgéô.

Gétsutsuéô 5:5

Na vane, môvo va gatse apeeye amavovo n’ami mbe: Ombiadéa. Bonoko. One eendô mbe Gémbungu seongo éaJuda, Muana aMotômine David, angô amadiia gô ébadie émagényuni, te angô angoongôa ékatôa mikatékômie tsambué na épunzua môvutégue amiganda.