Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Timothée 2:25 - New Testament in Mitsogo

25 Gôndé ane atsuma meekédu medi paga, buedi mbe anigôé na gényônga gébé n’opisa. Vane mavooe Nzambé angayanza gôékoa atsumie apaga mitémamie, n’ahngô angatsiga émenya mane mandé mapie.

အခန်းကိုကြည့်ပါ။ ကော်ပီ




II Timothée 2:25
30 ပူးပေါင်းရင်းမြစ်များ  

Tôtsuéké égumbee wa n’oo abaé, éwe gévo gésa samôkongo, me dôta gévo gésa. Singa me nagôékéda. Me te môma angeba agébé na nyemo. Ongadenga gédundéô samôtémee woo ganyôngéô éwe.


Gôébégô Jean amaviga na gôndé anye gôénôtévéda nzéane ényôngéô Nzambé, ivô anye môsiitsé mitémamie gô éangô. Géé abongi adepu, n’akeyi agésasô asitsumé paga, ameetsa mitéma miaô. Béyé vameenanye nane, nôsikoé matasa manyô gôéétsa angô mitéma mianyô na gôénôtôga gô paga.


Amavovo mbe: Ndéône ébuéyi. Okumu aNzambé ôka gôpégôpé gôénôoboo. Koani mitéma mianyô gôéba wene mônongo oma. Itsani mitéma mianyô gô Tsangône Eamôsôba édué.


Me tsabuta môma gôénônigôa mane mamemuene. Ivô nanôpandôéda gakegea ébégôe gômbe nôngoobou.


Asi mbumu éaNzambé gô Jérusalem amasuméda mitémamie vamookô ahngô tsangô nene. Amakuméda Nzambé mbe: Tambô na gô pie, Nzambé asabômu ane asibôtu gô éongo éAjuif. Eetsa ahngô ndéô gôékoa mitéma miaô na gôédiia monyo apie.


Pierre amanigôa ahngô mbe: Koani mitéma mianyô gôéba wene mônongo oma. Buedi mbe môma na môma abatésu gô ina aJésus-Christ, gômbe ébévee éanyô ésingéô na Nzambé kokoo. Vane Nzambé anganôétsa Gédidi sedi, ôbiia.


Namabambéa Ajuif na ane asaba Ajuif na mbeene éaNzambé mbe: Koani mitéma mianyô gôéba na wene mônongo. Géngôgani na gôndé Kumu Nzambé. Istani mitéma mianyô na gôndé Kumu Jésus-Christ gémôtsumé paga.


Ane amatômukuni amamookéô. N’ongôngô na kué, ahmakea na gô eba aNzambé na ahmeekéda. Pene adeekedi adigondoku n’ane ahmabaka n’edi amakôva peeye yetso yAjuif gôédigaa gô kundu épôni. Vane ahmakudéga môma na gô eba atsôgôô gôéwanyéda ane amatômukuni.


Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.


Tambô koa môtémee woo. Duka Kumu Nzambé gôégôsingéa kokoo gô étasa ébévani éndéké n’ewe. Mavooe angagôene ngeba.


Ana aTétee asi mbumu éaNzambé, ôkô ôébéyi muana aTétee n’oo ayanza ébégô ébévani, pati yebégô, anye nôndé na Gédidi SaNzambé nikéani étévéda angô nzéane éetsimama. Indakani nane gô ngeba. Na dôta gôndé anye, môma na môma awemé gôndé amuene kabaga akuba gô mane makanégu angô.


Gôébégô angô anyôngéô mbe oma muetso adiia géôbogeo na awesea gôémenya mabégô medi mapie.


Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.


Agetoe ane ookô meekédume moma muetso génigôgéô ta na ébégô évo na géôngôé émenya mane mapandôéda we mapie gandéké Nzambé.


Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.


Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.


Ekamô éetso na éenza éetso éamisôba éviga g’ôba gôndé Nzambé angô te môvangi agévede. Amuene asakoga na asaba na gédinadina gépenganani.


Kôngédani gô mitéma mianyô mbe: Nzambé te Kumu ami. Minya mietso bakani kuanakue nôngamenya éaabéa nyivô diévou anye mbe: ?Tsoongone yoo yééndé?


Okô môma eena muana aTétee n’edi eenda ébégô ébévani ésamôkeda na g’ôwa, buedi mbe avové na Nzambé mbe angamôétsa monyo. Edue éndé kuanakue gô mane mabévani masakeda môma na g’ôwa. Ivô gôndéké ébégô ébévani ékeda môma na g’ôwa me tsanôbeenda gôévovo na Nzambé gô éne.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ