II Timothée 2:24 - New Testament in Mitsogo

²⁴ Tambô môyanzi aKumu Nzambé asasaganéda na môma. Buedi mbe abaké na gényônga n’oma muetso, na abaké ngu gôéékéda kuka yetso na môvinéné.

II Timothée 2:24 ပူးပေါင်းရင်းမြစ်များ

Matthieu 12:19

Asangatsumana paga na môma. Asangavovo n’ogi akangégangé. Asangookanô anigôa mabégô gô nzéa yagô misenge.

Jean 6:52

Vane Ajuif amatsumanaka paga mbe: ?Mômôgôô noo angatôétsa ôtôe wedi mbe tômôaa nayee?

Mayanzame 15:2

Gô ébégôe éne Paul na Barnabas ahsinyôngéô gamavovo ahngô. Te gamasaganédana ahngô. Muetso amavangana mbe: Anye Paul na Barnabas n’avo dôta asi Antioche, kiakani na gô Jérusalem. Nôkevovo ébégôe éne na peeye yambumu éaNzambé na dôta n’ane amatômukuni.

Mayanzame 23:9

Gô ésaganédee éaô, ôpisee ômakôndama ti kôndama. Avo Apharisien angô anigôi amige miaNzambé amatema mitie gôékitsa ébégôe mbe: We tôseena ôési ta n’ovo gôndé mômôgôône ôdôô. One amavovo n’edi, mavooe te gédidi, mavooe te môsi g’ôba amavigédu na Nzambé.

Mayanzame 7:26

Ovo enyaa ône. Moïse amadenga ana aIsraël abaé agenya. Amakanéga étunga ahngô mbe: ?Wee yami, anye nôndé ana atéta nôgenya nane nayee?

II Corinthiens 10:1

Me Paul nanôgondo mbe kokooni yanye, ôôkôni éne énganônigôa me. Avo nôvovo mbe vadigaa Paul vandé we éva andé ti môsiki edi na gétabé. Ivô ti mane makudégangô andé gôdagôda te matsakiméda môtéma amôma. Me Paul nanôgondo gô ngeba na gô divooti yamuene Christ mbe

II Corinthiens 10:4

Ekeeyi égenya n’ami kaka éne éamôma atsengene. Ivô te ékeeyi émeetsô wa n’anyô na Nzambé éndé na ngudi buéyé gôébunza mayanza mayabédé. Tôndé gôébunzéda nzéa yadiboe divaka oma gôékanéga éwesea na gôndé Nzambé.

II Corinthiens 6:4

Tônyôngéô étubéda oma muetso mbe we te ayanzie aNzambé. Tôbibéda ti bibéda magugame na panda na mabégô madagani maminongo mietso.

Galatie 5:22

Tambô gabôta géétété samôsôba miônda miedi miamisôba, mônongovo gaGédidi SaNzambé gébôta gô môtéma amôma ésima éedi éamisôba. Gébôta t’etondo, na gényônga, gétabé, ôbibô, tsôvé oma, ngeba, mavôma,

Ephésiens 4:2

Bakani gébé na nyemo na gébé na dibagaa. Bibédani gôésinganéa mane maanyene n’anyene gô vitoone éndé n’anyô.

Philippiens 2:14

Indakani metso mane gébé na mikebanganô na gétsumané paga.

Philippiens 2:3

Gô metso mayanzanye, nômbiasinga gédidi satsaé gédigaa gôndé anye. Nômbieenda mabégôme gô nyemo gôébuta éôkanô. Ivô sugédani anyene. Buedi mbe môma na môma abé n’etasa mbe akasô ootéa avôni n’ami.

Colosses 3:13

Bakani n’obibo anyene n’anyene. Okô môvo va gatse anyô abé n’ebégô na môkedi, buedi mbe asingané kokoo anguene n’anguene. Singanéani kokoo gamasingéô anye kokoo na Christ.

1 Thessaloniciens 2:7

Géé nane, we tômabaka na deede vandé anye gandé iyee anyuéséda anedi.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

Tite 1:1

Oô te me Paul, môyanzi aNzambé. Namatômu na Jésus‐Christ. Namasevou gôéweseda na gôndé Nzambé ane amanyôngéô Nzambé amôétsa mitéma miaô gébé na buétsé. Namasevou gôémenyeda ahngô mabégô metso mapie, te mane meekédu gô ésôgee éneegeda we Nzambé.

Tite 1:7

Endé te nane. Pene étôma mbumu éaNzambé andé n’eyanza évôni gôéweseda gésaô saNzambé gô mbene na gô mbene na gétabé. T’ebandô gôndé angô ésanyepa mbe gôôkanô ta na vibégô vianzongodi. Te buedi mbe môma nône abaka gébé na bôpeeo, na gébé na ôpisa, na gébé na gésima senyua maduku. Abaké gébé môgenyi na gébé n’onzôô adode gôédidiia gô divooti na gô diboe.

Tite 1:9

Buedi mbe abaké môtémee wetso gô mabégô mapie gékiné ta na vibégô vivo viaNzambé. Vane angaba n’eodo na ngudi gôéongô akedi ndongi na meekédume mapie. Angaba na ngudi dôta gôétévéda nzéa éapie gôndé ane adigaa g’ôési, na gôékoa ahngô matasame.

Tite 3:2

Ewe Tite, tôma oma mbe: Nômbiatsuava môma. Bakani oma agétabé na oma ekena. Bakani kuka yetso na sekaseka n’oma muetso.

Jacques 1:1

Oô te me Jacques, môyanzi aNzambé na aKumu Jésus‐Christ nanôtendéa. Nanôkômbôa muetso asi mbumu éaNzambé nômapanzanganédu gô tsengeye yetso.

Jacques 3:17

Ivô gôndéké éodo éviga g’ôba te éodo émagôgéani. Ene te ébégô éedi éamapanga, na éodoe éne éndé éagétabé, gébé na nyemo, gébé na tato. Te éodo émayôa na ngeba, na ékuséda go môtéma amôma ésima éamisôba. Eodoe éne ékina matasa mabévani na ésaba n’enyepa éamônya.

Jacques 4:2

Anye nônyôngéô sôma, ivo nôsoongôa édiia sangô. N’anye nônyôngéô éyôha môma gôédiia sangô. Nônyima sôma ivô nôsoongôa édiia sangô. Te vane nôtuba te migaga na migenye. Nôsaba na éne ényôngéô anye te gôsaduka anye Nzambé éangô.

I Pierre 3:8

Te nane, anye muetso bakani n’etasevo. Bakani na tsôvé dipo. Va gatse anyô bakani n’etondo éana aTétee, asi mbumu éaNzambé. Bakani na ngeba. Sugédani anyene va mbene akanyô.

Jude 1:3

Omami amôtéma namanyôngéô énôtendéa ébégôe éagéobogeoge gématôobou, wa n’anyô muetso. Ivô n’atsatsee nookô pepe tsôvé gôénôkasôgéda mitémamie na gésangô gegé mbe: Genyani ébadie gôéebakanéda mabégô mapie mameetsa Nzambé gôndé ane amamôétsa mitémamie gémôtsumé paga. Nzambé amatôétsa mane medi mapie kukepo na koo.