II Timothée 2:22 - New Testament in Mitsogo

²² Tôngonéa pita pita na mane meenda akoo gô tsôvé yonzambu, mbe ôbusuga mangô. Wesea gôédigaa gétsumé Nzambé paga. Odigaa gô étsimama na gô étondo éapie na gétabé. Ovamba n’ane andé na mitéma mimagôgéani gôéneegeda Kumu Nzambé.

II Timothée 2:22 ပူးပေါင်းရင်းမြစ်များ

Mayanzame 7:59

Vamabaka Etienne andé gôétumu na mataé, amavovo na Nzambé mbe: Kumu Jésus, maa — bongo gédidi sami na gôndé ômuene.

Mayanzame 9:14

Me namookô mbe atsigi gô môsenge ôdôô na ényangee évôni émeetsô angô na tsesuye yadeekedi adigondoku. Enyangee te gôétsôpa muetso ane ateta inee éoo.

Romains 14:17

Okumu aNzambé ôsangono na môyakô na meba. Oôtéa mane. Mabégô mokumu aNzambé te metsimama, na magétabé, na magényonga meetsa Gédidi SaNzambé.

Romains 14:19

Tôéndékéni éne éndé kuanakue, buta mbe tôdigaa na gétabé na vitoo gôésipanédana gô mbumu éaNzambé.

I Corinthiens 1:10

Ana aTéta gô ina aKumu asô n’anyô Jésus‐Christ me nanôongô mbe: Bakani na ésinganéa gébé na tatô. Bakani n’évambevo n’etasevo gôékea nzéepo.

I Corinthiens 1:2

Gésangô gegé te sanyô asi mbumu éaNzambé nôndé gô môsenge aCorinthe. Gésangôge te gôndé anye nômabambéô gôéviia mane matsengene ngima gôéba môvo na Nzambé gô pitsi yanyô yava tsina. Te anye nômasevou gôéba oma amatsimamani ambumu éedi. Gésangôge te na gôndé muetso andé gô tsenge yetso ane asabômu ébambéa ina aKumu asô n’anyô Jésus‐Christ. Te Kumune yaô na te Kumune éasô n’anyô.

I Corinthiens 10:14

T’ebandô nanôevéda wee yami mbe baani n’ekena mbe nôsaneegeda mbumba.

I Corinthiens 14:1

Butani gôéba na étondo éaNzambé gô mitéma mianyô. Butani dôta migôô miétsa Gédidi SaNzambé. Ti gandé ône epandôéda ndongi diviga gôndé Nzambé.

I Corinthiens 6:18

Busungani gésasô. Mabégô metso mabévani moongôa môma éyanza mabévéda ôtô amôkedi. Ivô môkeyi agésasô abévéda te ôtôe wedi amuene.

I Timothée 1:14

Kumu asô n’oo Nzambé ameetsa me mate medi masaba n’okana. Ameetsa me ngudi gôémôdeekeda môtémee wami wetso gébé na buétsé. Amayuéséda môtémami n’etondo éedi étôdiiani gô évambee éndé wa n’oo na vitoo na Jésus‐Christ.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 2:8

Nanyôngéô mbe gô tsengeye yetso, amôgôô atômba mogo maô gôévovo na Nzambé. Avove na Nzambé na mitéma mimagôgéani gébé na ôpisa, na gébé na matasa mamasaganédana.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

Hébreux 12:14

Gényôngani gôédigaa na gétabé n’oma muetso na gôéba na môdigédi ônyôngéô Nzambé. Okô nôsidigaa ganyôngéô Nzambé, akanyô mbe asangeena Kumu Jésus gô mônongoe wanyô.

I Pierre 2:11

Anami amôtéma, me noongô anye nôndé g’ôgenda gô tsengene. Kinani tsôvé yetso dibévani digenya na mitéma mianyô.

I Pierre 3:11

Te buedi mbe môma nône aviié mabégô mabévani ngima, ayanzé mane mamisôba. Abéngé gétabé. Adigéé gô sangô.

III Jean 1:11

Omami amôtéma tsikani éénda tsingayi gô mane mabévani. Indakani tsingayi gô mane mamisôba. One eenda mane mamisôba kuka yetso, angô te môvo na Nzambé. One eenda mane mabévani miso medi masabono gôndé Nzambé.