II Timothée 2:2 - New Testament in Mitsogo

² Mane mamookô éwe me neekéda va pingô yoma amookôni, éwe dôta ikéda mangô gôndé oma amavômani. Na ahngô dôta angakea angaba na ngudi yeekéda n’avo oma.

II Timothée 2:2 ပူးပေါင်းရင်းမြစ်များ

Matthieu 13:52

Vane Jésus amavovo mbe: Anigôi amige miaNzambé akoga gôékea n’ami gô nzéa éokumu aNzambé, agono na mômane akuséda gô gégaa sedi ôkiti amanza na ôkitie ambeego.

Matthieu 24:25

Tambô anye ôôkôni. Namani énôévéda ébégôe madeo ésibuéa.

LUC TSANGO EAMOSOBA EMATENDA 12:42

Kumu Jésus amamônigôa gô nyene tsava mbe: ?Môyanzine eodo na agobedani indaa? Te kote eetsiô na kumune éedi ôtômu gôékenea ebee na gôékabéa avo ayanzi môyakô gô ndéô yetso dinyôngéô ahngô.

I Corinthiens 4:2

Ene ébutuni gôndé ône ameetsô ényanga te mbe ayanzé na mavôma gô éne étômu angô.

II Corinthiens 2:14

Tôneegede Nzambé na géneega setso. Wa n’anyô tôka monyovo na Jésus‐Christ tôndéké kuka yetso gô géômbé sane amadiiani tôkea tôtsôkéa na mimbô gômatsedu môdudeo. Nzambé ayanza na wa n’anyô gôémenyeda ina aChrist gô tungu yetso. Inedi étsanzabana ga mbônga amôyombo amôsôba ôtsanzabana tungu yetso.

II Corinthiens 3:5

We eekédi tôsabômu mbe wéene tôsaba na ngudi gôéyanza mabégôme mavôni éma. Ngudiye dindé n’asô gôéyanza diviga te gôndé Nzambé.

Colosses 1:7

One ameekéda anye mabégôme mane te Epaphras angô te môyanzi amavôma aChrist gandé me. Andé na vitoo n’ami. Awedéa me éyanzee édué.

I Timothée 1:12

Me Paul nakuméda Kumu asô n’oo Jésus‐Christ, ône ameetsa me ngudi gôédugéda éyanzee éami. Namôkuméda gôébégô ameena me mbe: One andé na mavôma gôéétsô éyanza. Namôkuméda gômasevoangô me mbe namôyanzéa.

I Timothée 1:18

Timothée, muanami agô mbumu éaNzambé nagôétsa ndongi yedi. Yangô éwanya na dipo ndongi dimeetsa Nzambé môpandôédi gôéevéda éwe. Singa mbe mabégô mema masipéda éwe na meetsa éwe ngudi gôégenya ébadie étôgenyani.

I Timothée 4:14

Ombiatsika éyanza na môgôô ômeetsô éwe na Gédidi SaNzambé. Omeetsô môgôôe ône vamapandôédu ndongi dimaviga gôndé Nzambé, na vamatsakéga peeye yagô mbumu éaNzambé éwe mogome.

I Timothée 4:6

Ewe Timothée, ôkô ôongi asi mbumu éaNzambé ndongi yedi, ôndéké môyanzi amôsôba aJésus‐Christ. Otubéda gabôngôa éwe gédidige soo ômuene na mabégôme meetséwe môtémee gébé na paga, na gabôngôu éwe na meekédume mami mapie mamookô éwe.

I Timothée 5:22

Vasevoa éwe môma, ômbiayavôga émôtsakéga mogo gôémôétsa ényanga gô mbumu éaNzambé. Ombiagésangana gô mabégô mabévani meenda avo oma. Digaaka éwe gô étsimama.

I Timothée 6:12

Genya na ngudi ébadie éamôsôba gôédiia éne éténdéda we gébé na paga. Ombianzeegeda monyo ôsakôdéakani. Gôébégô Nzambé amabambéa éwe gôéadiia. Na ômanigôa gébé na tsoyi mane mavangani éwe na Nzambé va mbene oma ayekani agôbononi.

II Timothée 3:10

Géé éwe Timothée, ôndé gôéyeta gô matambé mami évo, évo. Osabômu meekédu mami, na mônongoe wami, na môvinéné ami, na ôsabômu gandé me gétsumé Nzambé paga, na ôbibôe wami na étondoe éami na gakea me gépongé gô nzéa éaJésus.

II Timothée 3:14

Géé éwe Timothée, sipéda môtémoo gô mane mameeka éwe masatsumewe paga. Osabômu mônongoe amôékédine woo.

Hébreux 2:17

T’ebandô amakoga gôégono n’ana aTetee n’edi gô mabégô metso, gômbe angaba môdeekedi adigondoku, môsungéyi aô angudi na angeba vayanzangô va mbene aNzambé. Vane ébévee éamôma ésingéô kokoo.