II Timothée 2:12 - New Testament in Mitsogo

¹² Okô tôsipi gô maguga, Tôngadigaa n’edi g’ôkumaka. Okô tôkini angô, Angô dôta angatôkina.

II Timothée 2:12 ပူးပေါင်းရင်းမြစ်များ

Matthieu 10:33

Ivô ône atôna me va mbene oma, me dôta nangamôtôna g’ôba va mbene aTéta.

Matthieu 26:35

Pierre amoomba évovo mbe: Ti me gôégôtôna, viaa. Buéyé mbe ayôhéyee na me muetso, tsangoongôa égôtôna. N’akedi muetso amaabéa te mônongovo.

Matthieu 26:75

Na Pierre amakôngéda mane mamavovo Jésus n’edi mbe: Tsôsône n’egékôkaka ôngatôna me kuka ditatô mbe: Me tsamenya ône. Pierre amakusa adéa gégeto.

Marc 10:33

Angô mbe: Oôkôni édué. Wa n’anyô tôkea na gô Jérusalem. Te gône gôngakabô me Muana Amôma, na gôndé tsesu yadeekedi adigondoku n’anigôi amige miaNzambé. Nangeesédu gôéyôhu. Nangadeekedu na gôndé oma ahsavamba na Nzambé.

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 12:9

Ivô ône atôna me va mbene oma, me dôta Muana Amôma nangamôtôna va mbene asi g’ôba, ayanzie aNzambé mbe: Tsamômenya.

LUC TSANGO EAMOSOBA EMATENDA 22:29

T’ebandô me nanôétsa ôkumu gameetsô me angô na Téta.

LUC TSANGO EAMOSOBA EMATENDA 22:30

Gômbe nôngaa na nônganyua va tabudé éami g’ôkumu ami. N’anye nôngadigaa gô édigaa éokumaka gôétsundéda nzima na mabôta mabaé maIsraël.

LUC TSANGO EAMOSOBA EMATENDA 9:26

Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé.

Mayanzame 14:22

Amoodeda mitémamie mianeengi aJésus. Amoongô ahngô ndongi gôésipa gô mabégô manzéa éaJésus émeetsangô mitémamie gébé na paga. Ahmeevéda ahngô mbe: N’egéengéaka g’ôkumu aNzambé ôndé g’ôba, éngaba mbe wa n’anyô tôngapanga éena maguga na gékuanô gévôni.

Romains 5:17

Ekegea te mbe ébéva éamôma môvo, Adam ématsigéda ôwa gôétôma oma muetso. Ivô te môvo, Jésus-Christ amatsigéda monyo mbe ôtôma we. Okô tôsingi éetsô n’edi ngeba n’etsimama éaNzambé te monyoe ôtôtômani.

Romains 8:17

Tôndéké ana apie aNzambé na tôngadiia mikuanyamie mimakôkéga angô gôndé omedi. Okitie wetso ômeetsangô Jésus-Christ, ôndé te asô n’anyô. Okô tôbé môvo n’edi gô maguga, tôngaba dôta môvo n’edi g’ôndômba.

Philippiens 1:28

Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé.

I Timothée 5:8

Okô môma asakenea ône wedi, na ootéa ébéva ôkô asakenea môsi ebedi, ékegea mbe ône amani énôtôga gô nzéane éaJésus étôkeani édué. Angô ootéa ébéva n’one asisingé Jésus.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 2:13

Angô mbe: Me tsabômu gôdigaanye. Nôdigaa ti pidi gô mbôka éamuene Satan. Anye nôndéké môvo n’ami. Gô vitoone éndé anye n’ami nôsiagané n’ami buéyé gô ndéône édangi émayôhu môékédine wami eendô mbe Antipas. Amayôhu te gô mbôkane édigaa Satan.

Gétsutsuéô 20:4

Nameena édigaa éokumaka. Ane amadigaa gô éangô ameetsô ôtômu gôétsundéda. Me nameena dôta édidi éane amayôhu gô gékuanô gôébégô amatsua Mabégô Mapie mamatsutsua Jésus na ameekéda Mane Mamavovo Nzambé. Ahngô asingeegede Gényamanyamage na gégonige sedi. Na ahmakina éetsô ndémbone gô panza na g’ôgogo. Ahngakunduga g’ôwa gôétôma ôtômu ôvo na Christ, ône ameetsô na Nzambé gôétôma tsinane môtônisa amipuma.

Gétsutsuéô 20:6

Ti gô gényônga géndé n’anye nôndé nômatsimamédu na Nzambé nôngaba gô géômbé sane angapanga ékundugani g’ôwa. Owa amôbaé ôsaba na ngudi gôndé anye. Nôngaba asungéyi oma va mbene aNzambé gô ina aJésus‐Christ. Nôngaba n’otômu ôvô ôvôni na Christ gôétôma tsinane gô môtônisa amipuma.

Gétsutsuéô 3:10

Anye nôsikiné môtômee wami gôéenea me na môvinéné. Na me dôta nanganôkenea gô ndéô éagékuanô gévôni géngeenanô gô tsina gôékanéga asi tsengeye yetso yava tsina.

Gétsutsuéô 3:21

Gôndé ane adiia gô ébadi égenyuni, nangeetsa ényanga mbe ahdigaa n’ami gô gédigaa sami sokumaka. Mônongovo gamadiia me gô ébadi na me nadigaa vavo na Téta Nzambé gô gédigaa sedi sokumaka.

Gétsutsuéô 3:8

Angô mbe: Me tsabômu metso mane meendanye. Me tsabômu mbe anye nôsaba na ngudi éébéyée nane nôgobeda ôgie wami na nôsitsiké nzéane éami. Me nanôkukéa ômbaa ôsangoongôa ékukéga môma.

Gétsutsuéô 5:10

Omakoa ahngô aka ti asungéyi oma va mbene aNzambé gôéyanzéa Nzambé asô. Te angô angatômaka gô tsina.