II Timothée 1:8 - New Testament in Mitsogo

⁸ Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 1:8 ပူးပေါင်းရင်းမြစ်များ

Marc 8:38

Okô môma eena tsoyi gôndé me na mabégô mami va mbene oma andé n’edi ane anôtôga gôndé Nzambé gôémôviia ngima, na andé abévani; menyani mbe me, Muana Amôma nangeena tsoyi gôndé angô vangaviga me g’ôkumaka ondômbee a Téta Nzambé n’asi g’ôba ayanzie wedi.

LUC TSANGO EAMOSOBA EMATENDA 9:26

Okô môma eena tsoyi gôndé me na Mabégô mami va miso moma, menya mbe me Muana Amôma nangeena tsoyi gôndé angô vangaviga me g’ôkumakami na ôndômba aTéta n’asi g’ôba, ayanzie aNzambé.

Jean 15:27

N’anye dôta te mbangiye yami gôébégô bandôa v’ebandô nômabaka vavo n’ami.

Jean 19:35

One anônigôa tsangône édué, ameena yangô ti na miso medi. Ene énigôa angô anye asapata. Asabômu mbe mane mavovo angô te mapie. Buta mbe n’anye muetso nôétsa Nzambé mitémamie, gémôtsumé paga.

Mayanzame 5:41

Ane amatômukuni amanôtôga gô eba amisoso. Amatsôkéa na gényônga gévôni mbe: Nzambé amasevoa we gôétubédu gékuanô saina aJésus.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 16:25

Tôkumédéni Nzambé. Angô andé na ngudi gôétôsipéda gô nzéane éamonyo edi étôkéani. Atôsipéda gô Tsangô Eamôsôba éékéda me, na gô meekédume mami metso maJésus-Christ. Na dôta atôodeda gômanigôgéô wa n’anyô matasa maNzambé mamabaka ga mamasuégu. Ene émavanga Nazmbé gôndé wa n’anyô oma ésinigôganéô n’oma va mbeego.

Romains 8:36

Matendeo MaNzambé matônigôa mbe: Pitsi yetso navetsu n’owa te gôndé éwe. Oma atôena eembe tôndé mandombo matsuaô na va gétsatséô.

Romains 9:33

Nôeni, gô Sion nadigédi étaé éngapôngéda oma. Te ôbobo ôngakuéséda oma. Ivô ône angamôétsa môtémedi asangabômédu.

I Corinthiens 1:6

Mane manigôa me anye mbe Christ anyôngéô éénda va gatse anyô, neena mbe amani ééndéa anye mangô.

II Corinthiens 6:7

na gô éékéda we mane mapie gô ngudi yaNzambé. Ekeeyie étsôpa we gôégenya n’akasô, na gôéebakanéda wéene, te ékeeyi ésabévéda môma.

Ephésiens 3:1

Me Paul nandé gô eba atsôgôô gô ina aJésus‐Christ, gômeekéda me mbe anye nôsaba Ajuif nôndé nômagésu eba ôvo n’Ajuif. Me nasambéda Nzambé.

Ephésiens 3:13

T’ebandô me Paul nanôbeenda mbe nômbianika gévii, tsangô mbe neena maguga gôndé anye. Magugame meena me te ôndômbee wanyô, tambô tsôkéakani.

Ephésiens 4:1

Me Paul nandé môsi eba atsôgôô gôyanzéa me Kumu Jésus. Nanôtôma mbe kiakani mitie mônongovo gamanyôngéô Nzambé vamabambéa angô anye gôékea n’edi géômbé gévo gô nzéane yedi.

Ephésiens 4:17

Oôkôni éne énôbeenda me gô ina aKumu Jésus. Me mbe nômbiadigaadô ga oma asamenya Nzambé. Mane manyôngéô omeaa masaba na tsoongo.

Philippiens 1:7

Gényôngage géôkô me gôndé anye, kaka sabobo. Géndé n’ebandô. Anye nôndé pepe gô môtémami gôébégô anye nômagésangana n’ami gésoo gévo gémeetsô me na Nzambé. Anye nôndé n’ami nane, buéyé mbe gandé me n’atsatsee gô eba atsôgôô, buéyé mbe gamabaka me gébé gô tsôgôô, namabaka gôésungéa na gôéékéda Tsangô Eamôsôba, n’anye nômabaka n’ami môtémovo.

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Philippiens 4:13

Me tsadagéô na mabégô mema metso. Nandé gô mangô te gô ngudi yaChrist, ône oodedaka me.

Colosses 1:11

We tôduka Nzambé mbe nôsipédu na noodedu na ngudi yedi dipôni dindé n’ondômba. Buta mbe nôbibéda na gényônga géniké ngima gô minongo mietso.

Colosses 1:24

Deo noo natsôkéa magugame meena me gôndé anye. Menyani mbe gô magugame meena ôtô ami, me nadugéda magugame mameena Christ gôéoboo ôtô edi. Otô edi te mbumu éaNzambé.

1 Thessaloniciens 3:4

Bangôani mbe vamaba me nagébaka n’anye, nameevéda anye mbe: Nôngeena gékuanô. Na te éne éeni anye. Anyene nôsabômu.

I Timothée 2:6

Angô amadeekeda monyoe wedi amuene gôévana oma muetso mbe ahkusa g’ôvéga amane mabévani. Gô éne émeendangô gô ndéône émakônza Nzambé, tôena mbe Nzambé amanyôngéô ti na gô pie mbe akuséda oma g’ôvéga.

II Timothée 1:10

Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.

II Timothée 1:12

Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 1:16

Naduka Kumu Nzambé mbe eetsa mate medi gôndé géômbé saOnésiphore gôébégô akasôgéda me kuka yetso. Buéyé gandé me gô eba atsôgôô, asiôkô tsoyi gôévamba na me.

II Timothée 2:3

Indaka geenda môgode abôkédé aJésus‐Christ gôégésangana gô maguga mainedi.

II Timothée 2:8

Ewe Timothée, kôngéda Jésus‐Christ, ône amakunduu na Nzambé g’ôwa gôéba na monyo. Angô te muana aDavid. Te gapandôéda Tsangô Eamôsoba, éne éékéda me oma.

II Timothée 2:9

Vandé me gôéékéda oma Tsangô nene Eamôsôba, te ébandô me nandé gô maguga, na t’ébandô namakatô gô panga gakatô môsi môkôbé. Ivô oma asoongôa ékata Mane Mamavovo Nzambé na panga gôéema mangô.

II Timothée 4:17

Ivô Kumu Nzambé amabaka n’ami gôéoodeda me. Ameetsa me ngudi gôénigôa na vede mabégô medi. Mangô mookanô na muetso asaba Ajuif. Namayuu ga môma awatô gô mônya agémbungu.

II Timothée 4:5

Ivô éwe, Timothée, sipaka. Ombiasinga mbe matasa moo mayungédu n’omee ane. Bibéda gô maguga. Yanza mayanza moo mamôékédi aTsangô Eamôsôba. Kôdéda gésaô soo ngu na v’ekôdédô.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Jean 4:14

We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.

Gétsutsuéô 1:2

Jean amatenda metso mameenangô na mamookô angô gôénigôa tsangô éamaviga gôndé Nzambé. Te mabégô mapie mamatubédu angô na Jésus‐Christ.

Gétsutsuéô 1:9

Oô te me, muana aTétee n’anyô Jean. Gôndé wa n’anyô môvo na Jésus, nawanya n’anye gô maguga meena wa n’anyô. Nandé môvo n’anyô dôta gôéenéa ôkumu aNzambé na môvinéné. Atômi atsenge amaaganéda me n’omami na mbôkami. Namakedu na gô nengé étetu mbe Patmos te gô tsôgôô émeetsô me gôébégô nameekéda Mane Mamavovo Nzambé, mangô mandé mapie mamatévédu me na Jésus.

Gétsutsuéô 12:11

Na ana a Tétee n’asô n’anyô ahmadiia gô ébadie émagenyahngô. Ahmadiia te gô ngudi yanzina yaMôpaga Endombo na gô ngudi yamabégô mapie mameekédangô. N’ahngô asikiné éétsa mionyo miaô gôéwa.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.