II Timothée 1:3 - New Testament in Mitsogo

³ Nakuméda Nzambé gôseetsô me ôési na muangee amôtémami ôtsundéda me, vayanzéa me Nzambé gamayanzéaka peeye yami. Namôkuméda gô ndéôye dindé me gôévovo na Nzambé gôndé éwe na pitsi n’omanda gédundé.

II Timothée 1:3 ပူးပေါင်းရင်းမြစ်များ

LUC TSANGO EAMOSOBA EMATENDA 2:37

Anne amadigaa môkué gébaaô ngu na vamadômbéa angô aka nzima génana na mipuma minayi. Asinôtôgé gô eba aNzambé. Amayanzéa Nzambé na pitsi n’omanda. Amakina môyakô gôévovo na Nzambé.

Mayanzame 22:3

Me te Môjuif. Namabôtu gô Tarse gô tsenge ééndô mbe Cilicie. Ivô mbôkami émoongôga me te égô duégô gô Jérusalem. Môékédine wami te Gamaliel. Ameekéda me mabégô metso mamatsikéô we na peeye yasô n’anyô. Ene ééndanye deo noo gôéyanzéa Nzambé na ngudi yanyô yetso te éne émeendaka me.

Mayanzame 23:1

Paul amabono asi kundu épôni éAjuif gébé na tsoyi. Amavovo mbe: Ana aTétee n’ami, vatsundédu me na muanga amôtémami, ôseeséda me va mbene aNzambé ngu na deo noo.

Mayanzame 24:14

Tambô me Paul namema va mbene éwe ébégô édué. Me nayanzéa Nzambé éneegedu na peeye yasô. Me nakea gô nzéane éamanza, te éne éénda omeaa mbe ésanyepa. Ivô metso mane mamatendu gô miganda miaMoïse na mine miapandôédi amatasa maNzambé, me tsamatsuma paga. Namagobeda te gobeda.

Mayanzame 24:16

T’ebandô nagényôga gôédigaa kuanakue va mbene aNzambé na va gatse oma kabaga vatsundédu me na muanga amôtémami mbe ôeséda me.

Mayanzame 26:4

Ajuif muetso asabômu môdigédie wami na monyoe wami bandôa g’ônzambue wami. Asabômu dôta gamadigaa me va gatse omee wami gô Jérusalem, bandôa vamabôtu me.

Mayanzame 27:23

Menyani mbe Nzambé, kumu ami amonyo, ône ayanzéa me amavigédéa me môsi g’ôba na pitsi.

Romains 9:1

Ene évovo me Paul tsapata. Me te môma aJésus-Christ. Muanga amôtémami ôtsundéda me memuene na ôwanyéda moonga na Gédidi SaNzambé gôétubéda me mbe tsapata.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

Galatie 1:14

Me namootéa pepe akasô Ajuif, asi éongo évo n’ami gô mane magô ésôga éAjuif. Namabaka gétômbiatômbia gô mane mamatsikéô we na tétee yasô.

Ephésiens 1:16

T’ebandô tsagogo ékuméda Nzambé gôndé anye. Kuka yetso nateta mina manyô gô disambô.

1 Thessaloniciens 3:10

Tôndé gôéduka Nzambé na môvinéné, na pitsi n’omanda mbe asingéa me noomba ébuéa na gôndé anye. Nanyôngéô étsimaméda mavo mabégô magétsapéôkô anye gô mane maJésus mameetsanye mitéma gématsumé paga.

I Timothée 1:19

Ekeeyie yoo te gômeetsewe Nzambé môtémee woo wetso gémôtsumé paga. Na te gôndé éwe gébé n’oési vatsundédu éwe na muangee amôtémoo. Avo oma amakékôa éne émeesédu ahngô na miangamie miamitémamie miaô na amamôtôga gô nzéane éaJésus étôkeani te gô éne.

I Timothée 1:5

Ene ébutu gô môtômee ôngatômewe ahngô te mbe ahngadigaa gô étondo éapie. Na éangô ékusa go môtéma ômagôgéani na môtémee ôseesédu na muangee wedi. Na étondo ékusa dôta go môtémee ôsatsuma Nzambé paga.

I Timothée 5:5

One andé na gô pie môkué te ône asaba na kinde andé tsani. Na angô aténdéda mbe tsoongone yedi te gôndé Nzambé. Asadunda na pitsi n’omanda gôévovo n’edi gôémôduka mbe amôwedéa.

II Timothée 1:5

Natanganéda gameetsewe Nzambé môtémee woo wetso gémôtsumé paga. Mônongovo gamadeekeda yoo Eunice na yeene ayoo Loïs, mitéma miaô na mbeego. Tsabômu mbe anye n’ahngô, mabégô maNzambé mandéké gô mitéma mianyô te mônongovo.

II Timothée 3:15

Bandôa g’ôanéngée woo ômeekédu Matendeo MaNzambé na te mangô mandé na ngudi gôétsa éodo évôni. Eodoe éne ébuéda môma gô géobogeo gédiiangô veetsangô Jésus‐Christ môtémedi wetso gémôtsumé paga.

Hébreux 13:8

Jésus‐Christ asakoga. Gamabakangô va mbeego, te gandé angô deo noo, na te gangaba angô gô mbene môbô na môbô.