II Timothée 1:15 - New Testament in Mitsogo

¹⁵ Omuene ôsabômu gamatsikô me n’asi mbumu éaNzambé adigaa gô Asie. Amatsika me gameenda akaô abaé Phygèle na Hermôgène.

II Timothée 1:15 ပူးပေါင်းရင်းမြစ်များ

Mayanzame 16:6

Gédidi SaNzambé gémadékéda Paul n’akedi mbe: Nômbiakea na gô tsenge éAsie gôéékéda Mane Mamavovo Nzambé. Vane amaseta tsengeye yaPhrygie na Galatie.

Mayanzame 19:10

Emabaka nane gô mipuma mibaé. T’ebandô asi tsenge éAsie muetso, n’Ajuif n’ane asaba Ajuif, amookô Mane Mamavovo Kumu Jésus.

Mayanzame 19:27

Tambô gébanage sasô n’anyô gésangadôkuma. Na ésangakôdéa n’ene étévo. Buéyé na ina amôgetone môvôni Artémis, éneegeda we éngadimbana. Na eba ôneegedu angô ôsangadômenyanganô. Artémis te mbumbane éasô n’anyô muetso bandôa gô Ephèse ngu na tsengene nyetso éAsie. Buéyé na tsinane nyetso. ?Tôngasinga inedi n’okumakedi édimbana nane nayee?

Mayanzame 19:31

Buéyé na avo oma avôni amatôma gô Asie, wee yedi amamôkudéga ôgie mbe: Paul ômbiakea na gô gétungu gékediô akoo.

Mayanzame 2:9

We agenda tômaviga gô tsenge diyekani. Tômaviga gô Parthes, na gô Médie na gô Elam, na gô Mésopotamie, na gô Judée na gô Cappadoce na gô Pont éndé gô tsenge étetu mbe Asie.

Mayanzame 20:16

Paul amabaka n’etasa gôéôta Ephèse te ootaga, gésikamé. Asibé na ndéô gôédinga gô tsenge éAsie. Amabénga ébuéa na gô Jérusalem gô ndéô éaPentecôte.

I Corinthiens 16:19

Asi mbumu éaNzambé andé gô tsenge éAsie anôkômbôa. Aquilas na Priscille n’asi mbumu éaNzambé awanya gô ebaô anôkômbôa n’etondo gô ina aKumu Jésus‐Christ.

Philippiens 2:21

Akasô muetso akebangana te mane manguene matévo, kaka mane maJésus‐Christ.

II Timothée 4:16

Vamanigôa me kukane éamapanga ébégôe éami gô eba amisoso, gôsibé ta na môma môvo gôésungéa me. Muetso amatsika me. Naduka Nzambé mbe: Ombiétsa ahngô ôési gô éne.