II Timothée 1:12 - New Testament in Mitsogo

¹² Maguga matubédu me, te gô éne. Buéyé nane, me tsatsuma paga ta na pesu. Me tsabômu ône ameetsa me môtémami. Namenya na gô pie mbe angô andé na ngudi yekenea éyanzee na ényangee émadeekedangô me, ngu na nyoo ôvôni.

II Timothée 1:12 ပူးပေါင်းရင်းမြစ်များ

Matthieu 12:21

Asi tsengeye yetso yagô tsina angaténdéda te ango.

Matthieu 24:36

Gôsaba môma angoongôa émenya pitsi vo ndéô éngabuéa mabégô mema, ivô te gô mbene n’okendô. Béyé asi g’ôba ayanzi aNzambé asamenya. Na me, Muana ANzambé tsamenya. Te amuene Téta asabômuni.

Matthieu 7:22

Gô nyee ône, ayekani angavovo n’ami mbe: Kumu, Kumu, gô inoo tômapandôéda ndongi dimeetsô we na Nzambé. Tômakuséda édidi ébévani gôndé oma te gô ngudi yainoo. Na dôta tômayanza émbégéa évôni na éyékani te gô ngudi yainoo.

LUC TSANGO EAMOSOBA EMATENDA 10:12

Nanôbeenda na gô pie mbe, gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome.

LUC TSANGO EAMOSOBA EMATENDA 23:46

Jésus amaadôngana n’ogi atsikanédana mbe: Téta, me nadeekeda gédidi sami gô mogo moo. Vamamana angô évovo nane, amawa.

Jean 17:15

Me nagôduka mbe, kenea angô andé amasetu na ône môbévani.

Jean 6:44

Gôsaba môma oongôa éviga na gôndé me buétsé te Téta ône amatôma me, amôweseda gôésinga me. Me dôta gô nyee amôyusumédu nangamôkundua g’ôwa.

Mayanzame 13:46

Paul na Barnabas amavovo gébé na gomo mbe: Nzambé amanyôngéô mbe anye Ajuif nôpanga éékédu Mane Mamavovo amuene. Ivô anye nôkékôa mangô. N’anye nôeeséda anyene veendanye mbe: We tôsabuta monyo amôbô na môbô. Tambô, menyani mbe we tônôtôgi gôndé anye. Tôkea na gôndé ane asaba Ajuif.

Mayanzame 13:50

Gômabaka avo ageto avôni ahmamenyanganôni, na dôta avo oma okumaka ane amatôma môsengee, ameetsa Nzambé mitéma miaô. Tambô Ajuif amakea na gôndé ahngô gôéahyungéda mbe akoa matasa maô na akina Mane Mamavovo Nzambé. N’ahngô amamakina na ahmakoga aka adudeo aPaul na Barnabas gôékuana ahngô. Amapatsa angô gô môsengee aô.

Mayanzame 21:13

Ivô Paul amakékôa ôgie wasô mbe: ?Anye nôdéa ndé? ?Nayee nôyungéda me môtéma mbe kabaga tsakea-a? Memuene nandé na môtéma ômasumani gôékea, kaka gôékatô ésengo étévo, buéyé na gôéyôhu gô mabégô maKumu Jésus gô Jérusalem me tseena panda.

Mayanzame 7:59

Vamabaka Etienne andé gôétumu na mataé, amavovo na Nzambé mbe: Kumu Jésus, maa — bongo gédidi sami na gôndé ômuene.

Mayanzame 9:16

Memuene nangamôtubéda éetso éngeenangô maguga gô inami.

Romains 1:16

Me tsookô tsoyi gôénigôa Tsangône Eamôsôba éaJésus-Christ. Tsangô nedué étômenyeda ngudi yaNzambé dioboo muetso eetsa angô mitéma miaô. Mapangame te Ajuif. Buéyé n’ane asaba Ajuif.

Romains 9:33

Nôeni, gô Sion nadigédi étaé éngapôngéda oma. Te ôbobo ôngakuéséda oma. Ivô ône angamôétsa môtémedi asangabômédu.

I Corinthiens 1:8

Te amuene anôsipéda gébé n’oési ngu na v’ekôdéô. Kabaga môma anôtsundéda nyee ôngaviga Kumu Jésus‐Christ mbe: Nôsindé kuanakue.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

Philippiens 1:20

Ekegea te nane. Tsoongone éami te Christ, ône eenéa me mbe angaviga. Namôenéa na môtéma agébé na gomo na gébé na tsoyi. Nandé deo noo gamabaka me na mbeego na môtéma ômasumani gébé na buétsé, ônyôngéô mbe ôkumaka aChrist ôenanô gô ôtôe wami, nawéyiee, tsawéyiee.

Philippiens 3:10

Me Paul tsabuta mabégô mayekani. Ena ébuta me, te gôémenya mabégô maChrist metso, na gôémenya ngudi yedi, dine dimakundua angô g’ôwa. Nanyôngéô égésangana gô magugame medi. Nanyôngéô égono n’edi g’ôwee wedi.

Philippiens 3:21

Angakoa yôtô yasô n’anyô yava tsina disaba na tsoongo mbe digono na ône wedi ondômba ôndé na tsoongo. Angadikoa gô ényangee éndé n’edi. Enyangee éne te éne émasugédangô éôma yetso na gô tsina amatambé medi.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

1 Thessaloniciens 2:16

Agényôga gôéebakanéda me mbe kabaga neekéda mabégô magéobogeo gôndé ane asaba Ajuif. Gô éne andé gôékôndéga na gôédugéda mabégô maô mabévani mamayanzangô bandôa na peeye yaô va mbeego. Ivô ôpisa aNzambé ômani épikaméa ahngô.

1 Thessaloniciens 5:4

Ivô anye asi mbumu éaNzambé nôsadigaadô gô évitsi. Génikéô saJésus nôsangagétsapéô ga gévigéô samuisui.

I Timothée 6:20

Ah muanami Timothée, kenea n’ekenge éne émeetsô éwe na Nzambé. Ombiookô mavovia mavôni mapengana na mabégô maNzambé manganigôa asi géneenga gésaba sapie. Ane eenda mbe: Tôsabômu mabégô metso. Tambô.

II Timothée 1:14

Kenea meekédume mamisôba mamadeekedu éwe. Okenea mangô te go ngudi yaGédidi SaNzambé géndéké gô mitéma miasô n’oo.

II Timothée 1:16

Naduka Kumu Nzambé mbe eetsa mate medi gôndé géômbé saOnésiphore gôébégô akasôgéda me kuka yetso. Buéyé gandé me gô eba atsôgôô, asiôkô tsoyi gôévamba na me.

II Timothée 1:18

Nanyôngéô mbe Kumu Jésus amôsingéa gôédiia ôkitie aKumu ôngakabô gô nyoo ône ôvôni. Ewe Timothée, ôsabômu metso mamisôba mameendéangô me gô Ephèse.

II Timothée 1:8

Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.

II Timothée 2:9

Vandé me gôéékéda oma Tsangô nene Eamôsôba, te ébandô me nandé gô maguga, na t’ébandô namakatô gô panga gakatô môsi môkôbé. Ivô oma asoongôa ékata Mane Mamavovo Nzambé na panga gôéema mangô.

II Timothée 4:8

Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.

Tite 3:8

Evovie éne kaka éetsuma paga, ésangakoga. Me Paul nanyôngéô mbe ôsimbuéa ébégôe éne buta mbe ane eetsa Nzambé mitémamie gémôtsumé paga angadigaa na môvinéné gô mayanza mamisôba génzeegede ésimee ényôngéô Nzambé. Nôeni éne te éne ényepa gôndé oma.

Hébreux 12:2

Tôboneni misome masô n’anyô na nzôô na gôndé Jésus. Bandôa v’ebandô ngu na v’ekôdéô, mitéma miasô n’anyô mindéké te gôndé angô gébé na buétsé. Jésus amasinga mbe oma abôkédé angô va gésumu sowa na amawa te vangô. Owa ava gésumu sowa, te ôwa atsoyi. Tambô Jésus asitanganédé tsoyi nene, ivô amaténdéda gô gényôngage gémakeneo gôndé angô va mbene owa. Deo noo andé digaa g’ôba gô géeyo gémôgôô sagédigaa saNzambé sokumaka.

Hébreux 2:18

N’atsatsee Jésus andé na ngudi gôétôwedéa vakanégu wa n’anyô gô mane mabévani, gôébégô amuene amakanégu te nane, na ameena panda te nane.

Hébreux 7:25

T’ebandô Jésus andé na ngudi gôétôoboo deo noo, ngu na gô mbene n’okendô. Angô oboo ane aviga na gôndé Nzambé gô inedi gôébégô andé monyo môbô na môbô gôévovo na Nzambé gôésungéa omee ane.

I Pierre 1:5

N’anye nôngamidiiani nôkeneo na ngudi yaNzambé gômamôétsanye mitémamie mianyô gémôtsumé paga. Nôkeneo ngu na ndéône éamôyusumédu éngadiia anye géobogeo. Sangô gémamana ékônzu na gématsutsuu gô ndéône éamôyusumédu.

I Pierre 4:16

Okô môma atubédu maguga gôébégô andé môma aJésus, nômbiôkô tsoyi ivô neegedani Nzambé gômeetsô anye ina aJésus‐Christ.

I Pierre 4:19

Te nane, muetso ahsindéa maguga gasinga Nzambé gôndé môma na môma, ayanzéké mamisôba. Ahdeekede mitéma miaô gôndé Nzambé môvangi asô n’anyô aseeba divanga yedi.

Jude 1:24

Kumédani Nzambé, ône andé na ngudi gôénôsipéda gô ékôbee éetso. Andé na ngudi gôénôtsigéda vandé amuene, ti eembe nôsaba n’oési. Anganôtsigéda na gényônga gémootéani gôéengéa na g’ôndômbee wedi wetso.