Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




II Timothée 1:10 - New Testament in Mitsogo

10 Ivô ngebaye yedi dine amatôtsutsuéda yangô te pitsi yedi gômaviga Mooboyi asô n’anyô Jésus‐Christ na gôndé wa n’anyô. Menya mbe Jésus‐Christ amatseda ôtômue owa. Na, gô ngudi yaTsangô éedi Eamôsôba Jésus amatsigéda na v’ekanga ébégô éamonyo ôsakôdéakani.

အခန်းကိုကြည့်ပါ။ ကော်ပီ




II Timothée 1:10
58 ပူးပေါင်းရင်းမြစ်များ  

Okô ôtôe woo wetso ôndé ômayôa na gévede gôsangaba ta na vitungu vivo vingasanéa évitsi. Vane ôtôe ôdigaa na vede, ti eembe ôndé na dambine éobébayi gô gatse oo.


Vane amavovo na môyanzi edi atsaga mbe: Eenaka éma étatô éviga me gôéseta géétété gegé. Me tsidenga mônda ta n’ovo. Wanga sangô. ?Ebégô ndé ôkenea sangô sagébôtéké? Sangô géebakanéda tungune te bobo.


Te deo noo, Mooboyi abôtiô gôndé anye gô môsenge aDavid. Angô te Christ, ône amatômu na Nzambé. Angô te Kumu.


Gévedege gémanigôa Jean, te géne sapie gésaba n’okana. Gémeenanô gô tsina na gétana gôndé oma muetso.


Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.


Ivô mane mamatenduni éma, mamatendu gômbe anye nôngamenya na gô pie, mbe Jésus te Christ Muana ANzambé. Na veetsanye Jésus mitéma mianyô mietso, nôndé na monyo apie.


Ahmavovo na môgeto nône mbe: Oeni we égô, tôétsi mitémamie, kaka gô mane mavovi éwe matévo, ivô te gô mane mookiô wéene. Tônigôéyiô na gô pie mbe angô te Mooboyi oma muetso.


Buéyé vane nôsanyôngéô éviga na gôndé me gôédiia monyoe apie.


Muana aDavid môvo amabôta Jésus, ône amasevou na Nzambé mbe angô te Mooboyi oma aIsraël gamavangana Nzambé na peeye yasô n’anyô.


Nzambé amatômba angô na g’ôba na amamôdigéda va géeyo sedi gémôgôô. Ameetsa angô ényangee. Na ameenda angô mbe: Ewe te Mooboyi oma aIsraël mbe angakoa mitéma miaô gôésingéô kokoo gô ébévee éaô.


Ivô ndéô nedué ématsutsuu na v’ekanga va miso moma gô mane mamatenda apandôédi amatasa maNzambé. Na vane Nzambé Amôbô na Môbô ameetsa ôtômu mbe éne émavanga angô gôndé oma éngatsuaô na gô tsenge yetso gômbe oma muetso angookô na angeetsa mitéma miaô gôégôbeda Nzambé gémôtsumé paga.


Ane abuta ôndômbee wedi na ôkumakee wedi na monyoe wedi amôbô na môbô ayanza na môvinéné mane mamisôba manyôngéô Nzambé. Te angô angeetsô monyo ôsakôdéakani ôndé na Nzambé vavo.


Tambô veetsa môma Jésus môtémedi wetso gébé na paga ?éndé te mbe migemie na mitômamie miaNzambé misabadô na tsoongo-a? Aé, kaka nane. Migemie na mitômamie mindé na nyene tsoongo éapie.


Tônigôgéôni buedi édué. Mônongoe ômabaka n’asô n’anyô va mbeego ômakomedu na Christ kukepo gôéwa n’edi va gésumu sowa. Te gômbe mônongoe wasô n’anyô ôbévani ômadimbana. Na wa n’anyô tôsabadô g’ôvéga amabégô mabévani gôétômu na mangô.


T’ebandô nanôbeenda mbe nômbiayavôga éeséda môma, ndéône émasevoa Nzambé madeo ésibuéa. Tôenékéni ngu na vangaviga Kumu asô n’anyô. Amuene angakuséda na v’ekanga mane mamasuégu v’esooe. Angatsutsuéda na matasame mav’esooe mandé gô tsina amôtéma amôma. Vane môma na môma angakumédu na Nzambé kumane éndé kuanakue n’edi.


Pitsi yasô yetso yava tsina tôbisa na panda gô gatse ayeba yasô n’anyô yebandé gôébégô yangô te magumba. Kaka mbe tôkina yôtô yedi yamagumba, ivô tôbénga te dine diôtéa ényepani yag’ôba. Buedi mbe yebaye yamonyo ôsakôdéakani didimbanéda dine yebandé yowa.


Anye nôbuta éenanô na Nzambé ti eembe nôsaba n’oési te gôkenea anye mige miedi, tambô nômani éaagana na Christ. Nôbuniô ngeba yaNzambé.


Me naduka Nzambé mbe gévede sedi gévôni géngatana gô mitéma mianyô gômbe anye nôngeena na vede na miso magédidi mane matôténdédani mandé gôndé wa n’anyô tômabambeô na Nzambé gô nzéane étôkeani. Na mbe nôngeena ôkitie ondômbee amikuanya ômakôkégéô gôndé ane amabambéô na Nzambé gôéba asi mbumu éedi.


Amatômenyeda étasa émabaka n’edi ésinigôganéô na mbeego n’oma. Etasee te nzéane émanyôngéô angô ékônza gôndé wa n’anyô gô ngeba yedi gô ngudi yaChrist.


Vane te vangatsutsuga Môbévine. Ivô Kumu Jésus angamôyôha gô ngudi yamodie ôkusa gô mônyedi. Angamôbunganéda gô ngudi yobébayi agévigéô sedi.


Oô te me Paul namatômu na Jésus‐Christ gamanyôngéô Nzambé. Namasevou gôénigôa gamavangana Nzambé na wa n’anyô monyoe ôtôdiia vatôvamba évambevo na Jésus‐Christ.


Nigôa na bôkédé ômbanza aKumu Jésus, gébé na tsoyi. Ombieena tsoyi, tsangô mbe me Paul nandé gô tsôgôô gô inedi. Ene éôtéa ényepani te mbe n’ewe muetso ôsinga magugame matubédu éwe gô Tsangô Eamôsôba éaJésus‐Christ. Amuene Nzambé angagôétsa ngudi gôésipa.


Me Paul natôma éwe Timothée, ébégô édué évôni. Nagôtôma éangô va mbene aNzambé na va mbene aJésus‐Christ, môtsundédine ane adôngani n’ane amawani. Nagôtôma gômbe génikéô saChrist na ôkumue wedi génganeegedu.


Ene ényangiô gô ébadi éndé gôévéngéa me deo noo gô mbene anzéa. Eangô te gépôkôdô setsimama géngaatédu me na Kumu Jésus môtsundédine asapenganani. Asangaatéda sangô memuene môtévo, te na muetso ane andé gôéenéa na gényônga génikéô sedi.


Menya mbe Nzambé amatsutsuéda ngeba yedi gôéoboo oma muetso.


Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.


Ivô Mooboyi asô n’anyô Nzambé amatsutsuéda ngeba yedi n’etondo éedi gôndé oma.


Bangôani mane mamabuéa gôndé anye. V’ebandô vameengéa gévede saNzambé na gôndé anye nômeena ti maguga mavôni, ivô nômasipa gétsiké gévedege.


Oô te me Simon Pierre, môyanzine amatômu na Jésus‐Christ. Natendéa ane ahmeetsô na Nzambé ngudi yeetsa angô mitéma miaô gémôtsumé paga mônongovo gameetsa me. Ngudi yedi tômeetsô yangô gô étsimama éaNzambé na éaMooboyi asô n’anyô Jésus‐Christ.


Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.


Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.


Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.


Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.


Nanyôngéô mbe anye nôbangôa mabégôme mamapanga mamavovo apandôédi amatasa maNzambé mbeego. Bangôani dôta mige na mitôma miaKumu na Mooboyi asô n’anyô mimeekéda ane amatômuku na Jésus.


Vamatsutsuga monyoe ône tômeena angô. T’ebandô we tôndé mbangiye gôénôtsuéa tsangône na tônôékéda mane mamonyoe ôdôô amôbô na môbô ône amabaka vavo na Téta Nzambé.


We tômamôenani tôtsua tsangône mbe: Téta Nzambé amakudéga Muanedi Jésus gôéba Mooboyi oma muetso.


Va mbenene vane me Jean nameena muene môsi g’ôba avigédu na Nzambé amasuma g’ôba. Angô amabaka n’otômu ôvôni. Obébayi ondômbedi ômatanédi tsinane nyetso.


Okô mbe anye nôndé na matô, ôôkôni môma na môma mane mavovo Gédidi SaNzambé n’anye asi mbumu éaNzambé. Angô mbe: Gôndé ane adiiani gô ébadi égenyuni, me nangeetsa ahngô ôtômu gôéaa miônda miagéétété géétsa monyo géndéké gô gatse atsaga éaNzambé.


Owa na tsenge édigaa ane amawani émagunyu na gô mungu asoto. (Mungue asoto ône, te ôwa amôbaé.)


Ti gô gényônga géndé n’anye nôndé gôéôvôa mikanda mianyô, te anye nôndé ngu gôéaa miônda miagéétété géétsa monyo na te anye nôngeengéa gô diômbaa yamôsenge.


Gédidi SaNzambé na muéba ômabaaôni, ahbambéa mbe: Vigaka. Na ône ôôkôni eenda mbe: Vigaka. Na ône ôôkô sôé avigéké, avinyua meba meetsa monyo mangeetsô angô géenza.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ