II Pierre 3:7 - New Testament in Mitsogo

⁷ Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.

II Pierre 3:7 ပူးပေါင်းရင်းမြစ်များ

Matthieu 10:15

Nanôbeenda na gô pie mbe gô nyaa amôtsundu asi mbôka nene angasisédu. Na gésisédéôge saô géngootéa géne sasi Sodome na asi Gomorrhe.

Matthieu 11:22

T’ebandô nanôevéda mbe gô nyaa amôtsundu gésisédéôge sanyô géngootéa na géne sasi Tyr n’asi Sidon.

Matthieu 11:24

T’ebandô nanôevéda mbe gô nyaa amôtsundu gésisédéôge sanyô géngootéa géne sasi Sodome.

Matthieu 12:36

Nanôevéda mbe gô nyaa amôtsundu oma muetso anganigôa va mbene aNzambé metso mamavovo angô mabobo.

Matthieu 24:35

Diôba na tsinane éngoota na éngadimbana. Ivô Mabégô Mami te môgunanza.

Matthieu 25:41

Vane Kumu angavovo n’ane angaba gô géeyo sedi gégeto mbe: Anye nôtôgani vandé me, anye nôndé nôdokiô na Nzambé. Kiakani na gô gétungu sasoto géseemakani gémakonzeo yabédé na ayanzi edi.

Marc 6:11

Okô kumu yambôka asinôsingéa gôéengéa na asanyôngéô éôkô meekédu manyô, nôtôgani vane. Dumédani makôdôme ébisie. Te géevédéô saô mbe: Nôwema.

Jean 12:48

One akékôa me na mavovia mami, te mangô mangamôesédani. Meekédume mami mangeetsa môma ôési gô nyaa amôyusumédi.

Romains 2:5

Ti g’ôsôba amôtémee woo ôsasinga ndongi, na ôsasinga ékoga. Menya mbe ôkôva ômuene tsôgôô éôtéa édagani na gôndé ômuene, nyaa ôngeenanô ôpisa aNzambé na géesédéô sedi gésapenganani.

I Corinthiens 3:13

Mônongo na mônongo eyanza ôngeenanô gô nyee amôtsundu ôngatsutsuu mabégô metso. Endé te nane. Nyaa amôtsundu te nyaa asoto gékanéga éyanza éamôma na môma mbe éndé na tsoongo.

Philippiens 1:28

Nômbiasinga adudeoe wanyô anôétsa gomo. Bôkédee wanyô te gémbégéa gétubéda mabégô mabaé. Gôndé adudeoe wanyô gétubéda mbe ahkea te gô nzéa éebungana. Gôndé anye gétubéda mbe nôkea te gô nzéa éagéobogeo. Gémbégéage sanyô sabôkédé géviga te gôndé Nzambé.

II Thessaloniciens 2:3

Nômbiasinga môma anôbôméda nane. Menyani mbe ndéône éagénikéô saKumu ésangabuéa buétsé te gékékôéô gévôni samabégô mamisôba gépanga éenanô. Na buétsé te ône môbévani, kumu agébunganéô apanga étsutsuga.

I Timothée 6:9

Ivô ane andé na tsôvé édiia ôkitie akuba gô pagô étambéô angô. Akubédu na manyima mabévani mookô ahngô masaba na tsoongo. Na mangô mayavôga ébuéda môma gôébunganéda monyoe wedi ava tsina na buéyé n’one agô mbene.

Hébreux 12:29

Menyani mbe Nzambé éasô te soto géyôédani.

II Pierre 2:9

Kumu asabômu éoboo omedi gô éne ékanégu ahngô. Kumu asabômu ékenea oma abévani ngu na gô nyaa amôtsundu.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.

II Pierre 3:12

Vavéngéa anye na môvinéné nyee ôngaviga Jésus indakani éetso éôngôa anye éénda buta mbe ayavôga éviga. Gô nyee angô, ôba ôngayôa na soto na éetso éag’ôba éngakanzôga n’epiô éasoto.

I Jean 4:17

Nôeni éne étubéda mbe étondoe éndé gôndé wa n’anyô éndé gébé n’okana, te mbe gô nyaa amôtsundu wa n’anyô tôbaké n’ekasôga na mitéma mimasumani gétsumé Nzambé paga. Nyoone tôngaba n’ekasôga gôébégô mônongoe ômabaka Jésus‐Christ gô tsenge nedué te ône ôndé na wa n’anyô.

Jude 1:7

Bangôani dôta Sodome na Gomorrhe na mivo misenge mimabambana na miangô. Asi misengemie mine ameenda mônongovo gameenda asi g’ôba abévani ane. Ahmaahdeekeda anguene gôéyanza gésasô saminongo mietso na gôégésangana n’oma gô minongo misivangé Nzambé. Omee ane amasosédu na soto gésimékéni. Ene émabuéa gôndé ahngô te géevédéô sasô n’anyô deo noo.

Gétsutsuéô 17:11

Gényamanyama géne gémabaka gédôngani ivô gémabungana, sangô te kumune éagénana éndé gô géômbé sadine tsambué na ékea gôébungana.

Gétsutsuéô 17:8

Gényamanyama gegé gémadônga ivô n’atsatsee gésadôngadô. Gémakusa gô éduku éamongodi gémakea gôébungana. Asi tsinane nyetso ane ahsaba na mina maô mamatendu v’ebandô atsina n’oba gô môganda amonyo, ahngatsapéô veenahngô Gényamanyama. Gôébégô sangô gémadônga va mbeego na gémabungana na géngatsutsuga.

Gétsutsuéô 20:11

Vane nameena gédigaa gévôni savembo sokumaka, na ône andé digaa gô sangô. Tsinane na ôbee émanôtôga va miso medi na ésiombédô éenanô.

Gétsutsuéô 21:1

Me Jean nameena dôta wene ôba amanza na nyene tsina éamanza. Oba amapanga ômabakani na tsinane éamapanga émabakani émanôtôgaka na miubumie mietso mimanôtôga.