II Pierre 3:2 - New Testament in Mitsogo

² Nanyôngéô mbe anye nôbangôa mabégôme mamapanga mamavovo apandôédi amatasa maNzambé mbeego. Bangôani dôta mige na mitôma miaKumu na Mooboyi asô n’anyô mimeekéda ane amatômuku na Jésus.

II Pierre 3:2 ပူးပေါင်းရင်းမြစ်များ

LUC TSANGO EAMOSOBA EMATENDA 1:70

Te éne émavovo angô va mbeego gô ngudi yapandôédi amatasa maNzambé.

LUC TSANGO EAMOSOBA EMATENDA 24:27

Na vane, amasupua gô Matendeo MaNzambé metso maamuene Jésus, bandôa na meekédu maMoïse na mane mamatenda apandôédi amatasa maNzambé.

LUC TSANGO EAMOSOBA EMATENDA 24:44

Te vane Jésus amabangôéda ahngô mbe: Nôeni, metso mane mamavovo me vamabaka me n’anye, mane mamatendu gô miganda miaMoïse na mine miapandôédi, na mine miamimbô, mimeevédaka anye mbe gôndé Jésus éngaba te nane. Menyani mbe mamani éenanô.

Mayanzame 10:43

Apandôédi muetso amatasa maNzambé amanigôa mane maJésus. Amanigôa mbe: Okô môma eetsa angô môtémedi wetso, gétsumé angô paga, angasingéô kokoo gô ébévee éedi gô ngudi yaina aJésus.

Mayanzame 28:23

Amasevoa inya gôévovo na Paul. Nyoone amaviga ti ayekani na gô eba ômadigaa Paul. Bandôa vamaagiia nyee ngu na vameedangô, te andé wangô. Paul amasupua ahngô mabégôme mokumu aNzambé gômanigôa angô ômbanza aJésus. Amatanga mane mamatenda Moïse na mane mamatenda apandôédi amatasa maNzambé va mbeego gôénigôa mane maJésus. Paul amanyôngéô ékoa ahngô matasame mbe asinga Jésus.

Mayanzame 3:18

Va mbeego Nzambé ameeveda wa n’anyô g’ôgi apandôédi muetso amatasa medi mbe Christ, ône amasevoangô, angeena maguga. Na amameena te gô éne émeendanye.

Mayanzame 3:21

Gô ndéô nedué Jésus-Christ andé digaa g’ôba. Asanganôtôga gône ngu na vangabuéa ndéône éngakou éetso éka wene mônongo. Amuene Nzambé amatôevéda mbeego mbe éngaba te nane. Te gamavovo apandôédi amatasa medi.

Galatie 6:2

Wedanéani anyene n’anyene gô mane maditéô anye. Okô nôéndi nane nôgobeda éne émavovo Christ.

Ephésiens 2:20

N’anye dôta nômani égésu gô eba ôsaaô va ngongo obôga. Obôgee te eekédi amasevou na amatômu na Christ, na te apandôédi amatasa maNzambé. Eengôe ésipa ebee te amuene Jésus‐Christ.

Ephésiens 3:5

Va mbeego ébégôe éne ésinigôganéô n’oma. Ivô gô ndéô nedué, Nzambé amatsigéda éangô gô ngudi yaGédidi sedi na gôndé ane amatômu na Christ, na dôta gôndé apandôédi amatasa medi.

I Timothée 6:14

Indaka metso mamatômu éwe na Nzambé. Ombiasinga ôtômue woo ône ôbévédu na ôpenganédu ngu na nyee ôngaviga Kumu asô n’oo Jésus‐Christ.

II Pierre 2:21

Mbe ahsimenyeke nzéane éetsimama mbe teamôsôba. Géé ti vamamenyahngô yangô na mitômamie na migemie mietsimama mimakitséô ahngô, na gôéoma émitsika te édagani.

II Pierre 3:15

Menyani mbe vadinga Kumu asô n’anyô éviga te mbe muetso tôdiia géobogeo. Te gamatenda muana aTétee n’asô n’anyô Paul gô éodo émeetsô angô na Nzambé.

II Pierre 3:16

Te éne étenda Paul gô miganda mietso minigôa angô mabégô mema. Gôndéké gô miganda miedi mabégô madaga éôkanôni. Avo oma ahsaba n’ekena na ahsisipé gô mabégô maNzambé ahsanigôgéô mavéndégéôme kuanakue. Buéyé mavo Matendeo MaNzambé amayungéda te nane. Abunganéda te anguene.

I Jean 4:6

Géé gôndé wa n’anyô, tôndé asi Nzambé. One asabômu Nzambé, atôôkéô. Géé ône asamenya Nzambé asatôôkéô. Te gô mônongoe ône tômenya étatôa Gédidi sapie na gédidi sadiboe.

Jude 1:17

Anye wee yami, bangôani éne émeevéda ane amatômuku na Kumu asô n’anyô Jésus‐Christ.

Gétsutsuéô 19:10

Namagudama gô makôdô mamôsi g’ôba gôémôneegeda. Ivô angô amasemba me mbe: Ombiayeega éénda nane. Me te môyanzi gandé éwe na gandé ana aTéta n’oo. Anye muetso nôndé na mabégô mapie mamatsutsua Jésus. Nôneegeda te Nzambé. Mabégô mapie mamatsutsua Jésus te mangô mameetsa ngudi n’eodo gôndé apandôédi amatasa maNzambé.