II Pierre 3:18 - New Testament in Mitsogo

¹⁸ Oodoni gô mane mamadiianye gô ngeba yaNzambé na gô mane mamenyanye maKumu éasô n’anyô na Mooboyi asô n’anyô Jésus‐Christ. Ondômba ôbaké gôndé angô n’atsatsee na gô môbô na môbô. Amen.

II Pierre 3:18 ပူးပေါင်းရင်းမြစ်များ

Matthieu 28:20

Nôékédaka ahngô gôégobeda mabégô metso mamatôma me anye. Bangôani ébégôé édué. Me nandéké n’anye pitsiye yetso ngu na vangakôdéa tsengene.

Matthieu 6:13

Vakanégu we gôéénda mabégô mabévani, ômbiatsika we. [Ivô ooboo we tônôtôga gô ngudi yaSatan. Gôébégô ôkumu na ngudi na géneega éndé n’éwe môbô na môbô. Amen.]

Jean 17:3

Monyoe amôbô na môbô ôkegea mbe, omee ane angavamba n’ewe Nzambé épo éapie ôsaba na gégoni. Ekegea dôta mbe angavamba na Jésus-Christ, ône amatôma éwe.

Jean 5:23

Endé te mbe oma muetso angagobeda Muanee mônongovo gagobeda oma Tétee. One asagobeda Muanee, asagobeda na Tétene, angô môtômine aMuanee.

Romains 11:36

Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.

II Corinthiens 4:6

Nzambé va mbeego amavovo mbe: Nanyôngéô mbe gévede gétana va gatse evitsi. Na Nzambé nene te épo na éne étanéda gévede sedi gô mitéma miasô n’anyô. Gévedege sedi géne gétômenyeda nzéa éagévede. Na gô nzéa nene we tôena ôbébayi ôtubéda ôndômba aNzambé gô gédimo saJésus‐Christ.

Ephésiens 1:17

Naduka Nzambé Tétene aKumu asô n’anyô Jésus‐Christ, angô Téta ondômbee wetso, gôndé anye. Namôduka mbe anôétsa Gédidi sedi. Te sangô géngamenyeda anye, ne génganôtsutsuéda Nzambé, mbe nôsangadôtsuma angô paga.

Ephésiens 4:15

Ivô ôkô tôdigaa gô mabégô mapie na gô étondo éaNzambé tôngoongôga gô mabégô metso gandé ôtô amôma oodoni na ôsipani. Amuene Christ te môtsée.

Philippiens 3:8

Kaka mayanza matévo maka gébé na tsoongo gôndé me, te na metso mamisôba moongôa môma ékôndéga gôndé me. Naviia metso mane ngima gô éne émadenga me éôtéa ényepa na metso mane. Namadenga Kumu ami. Nabuta émenya angô, Jésus‐Christ. Gôndé angô namaviia mane mami metso ngima. Nabono mangô ti eembe te tôbi, buta mbe nadiia mane maChrist metso.

Colosses 1:10

Vane nôngadigaa ganyôngéô Kumu Jésus. Na nôngeenda éne ékasôgéda môtémee wedi. Vane nôngaba ga géétété samôsôba gébôta miônda miedi miamisôba. Mitéma mianyô mingabôta ésima éamisôba. N’anye nôngawesea gôémenya gandéké Nzambé.

Colosses 3:10

Nômamana ébongo wene ôtô na wene mônongo. Nôndé oma atsatsee nôgono na môvangine wanyô, Nzambé. Vootéa anye ékoga gandé amuene nôngootéa dôta émômenya.

II Thessaloniciens 1:3

Ana aTétee asi mbumu éaNzambé, tôsatsika ékuméda Nzambé gôndé anye. Endé kuanakue gôtôénda nane. Gôébégô anye nôôtéa éwesea gô mbene na gô mbene gô nzéa éaJésus étôkeani édué. Etondo éndé n’anyene n’anyene éndé gôékôndama ti kôndama

II Timothée 4:18

Kumu Nzambé angayuua me gô maguga metso gôéengéda me gétabé n’ekenge g’ôkumu edi ag’ôba. Ondômbee na ôkumakee wetso ôbaké môbô na môbô gôndé angô. Amen.

I Pierre 2:2

Ganyôngéô muana av’ebene anyôngéô ôbuba, anye nyôngéôni mônongovo mabégô maNzambé metsimama gômbe vanganyua anye mangô nôngavunda gô géôbogeo.

II Pierre 1:11

Te gô éne mbe nôngaba na mitayi gôéengéa g’ôkumu amôbô na môbô aKumu asô n’anyô na Mooboyi asô n’anyô Jésus‐Christ.

II Pierre 1:2

Mate medi na gétabé sedi géaangané n’anyô minya mietso gôébégô anye nôsabômu Nzambé na Kumu asô n’anyô Jésus.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:8

Okô mabégôme metso mane mandé gôndé anye na mayekegea, mangô makoa anye nôka oma angudi, gôéyanzéa na gôémenya Kumu asô n’anyô Jésus‐Christ.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.

Jude 1:25

Amuene te Nzambé asaba na gégoni. Ooboo wa n’anyô gô ngudi yaKumu asô n’anyô Jésus‐Christ. Ondômbee wetso na ôkumakee wetso na ngudiye, n’enyangee émabaka n’edi na mbeego, na éndéké n’edi deo noo na éngaba n’edi môbô na môbô gékôdéé. Amen.

Gétsutsuéô 1:6

Wa n’anyô tôengédu gô géômbé s’okumu edi tôka te asungéyi oma va mbene aTéta Nzambé. Tôétsa Jésus‐Christ ékasôga na émbô mbe: Ondômbee na ôkumakee wetso ôbaké gôndé angô na ngudiye yetso dibaké gôndé angô môbô na môbo. Amen.