II Pierre 3:12 - New Testament in Mitsogo

¹² Vavéngéa anye na môvinéné nyee ôngaviga Jésus indakani éetso éôngôa anye éénda buta mbe ayavôga éviga. Gô nyee angô, ôba ôngayôa na soto na éetso éag’ôba éngakanzôga n’epiô éasoto.

II Pierre 3:12 ပူးပေါင်းရင်းမြစ်များ

Matthieu 16:27

Endé te nane. Me Muana Amôma nangaviga g’ôkumaka wetso aTéta na ayanzi edi asi g’ôba. Nangeetsa môma na môma ngu na éne émeenda angô gô monyoe wedi.

Matthieu 16:28

Nanôbeenda ébégô édué éapie mbe avo va gatse anye nôndé éva, nôsangawa ta madeo nôsiena me, Muana Amôma naviga n’okumaka gôétôma.

Philippiens 1:6

Me tsatsuma paga ta na pesu. Tsabômu mbe Nzambé, ône amabandôa n’eyanzee éamôsôba gô mitéma mianyô, asangeenzeegeda. Angeebôngaméda gôéemangôa nyoo ôngaviga Jésus‐Christ.

Tite 2:13

Ngeba yedi ditôékéda gôédigaa kuanakue gôéenéa gévigéô sanyee ôvôni agényônga ôtôténdédani. Nyee ône ôvôni ôngatsutsuga ôbébayi ôtubéda ôndômba aMooboyi asô n’anyô Jésus‐Christ, angô te Nzambéne éasô n’anyô épôni ésaba na gégoni.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.

II Pierre 3:11

?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

II Pierre 3:4

Jésus amavanga mbe: Nanganika na gô tsina. ?Angôni? G’egudéa tétee yasô gébémi. We tôena tsengene éndé te mônongovo gamavangô yangô v’ebandô.

II Pierre 3:7

Ivô tsina n’oba éndé n’asô n’anyô deo noo, ékeneo te n’ogi aNzambé ône ngu na ndéône éngayôédu yangô na soto. Ekeneo ngu na gô nyaa amôtsundu ôngabunzu oma abévani.

Jude 1:21

Nômbiaagana n’etondo éaNzambé. Sipani gô éangô, nôndé gôéenea monyo ôsakôdéakani, ône ôngeetsô wa n’anyô na Kumu asô n’anyô Jésus‐Christ gô ngeba yedi.