II Pierre 3:11 - New Testament in Mitsogo

¹¹ ?Va tôena mbe éetso éne ébandôa éwesea gôébungana, midigédi mianyô mingaba nayee? Buedi mbe ôdigédi anyô ôbaké n’etsimama môtémovo na Nzambé.

II Pierre 3:11 ပူးပေါင်းရင်းမြစ်များ

Matthieu 8:27

Aneengie muetso amasôbasôbana na amatsapéô mbe: O mônongo amôma ôgobedu na gékunga, buéyé na miyôkiyôkimie.

Romains 13:11

Oôtéani éénda nane gô ndéô nedué étôndéni. Timôgakani gô viovie vindé anye. Géôbogeo sasô n’anyô gésabadô gôdagôda gamabaka sangô vamasinga wa n’anyô. Géka vapévapé.

Romains 13:12

Evitsi éapitsi éôta. Nyee ôgiia. Tôkinékéni mane mayanzô gô tsina evitsi. Tôaaténi ékeeyi éamigode gôégenya ébadi nyee ômaagiia.

II Corinthiens 1:12

Bononi éne éndéké n’asô eekédi gôényemôga na ékasôga gôndé anye. Mianga miamitéma miasô mitôtsundéda géesédé we môdigédie wasô na mônongoe wasô ônyepani va gatse ane asavamba na Nzambé na dôta va gatse anye. Tôdigaa n’oma muetso na mavôma maviga gôndé Nzambé gébé na buembe. Te éodo émeetsa Nzambé we étôtévéda nzéa, kaka éodoe ébôtu na môma.

Philippiens 1:27

Eébéyée nane, digaakani na môdigéô ôsapenganani na Tsangô Eamôsôba éaJésus‐Christ. Navigéyee gôénôena, tsavigéyee nangookô mbe: Ahndé muetso na étasevo gôésipa ti v’ekôdéô, éesipa. Gô ébadi égenyuni, andé muetso na môtémovo gôétseda paga, buta mbe Tsangô Eamôsôba éaJésus‐Christ édiia.

Philippiens 3:20

Géé wa n’anyô tôsaba asi tsenge nedué. Tsengene éasô n’anyô te g’ôba gôtôbono na nzôô gôéena Mooboyi asô n’anyô Kumu Jésus‐Christ aviga.

1 Thessaloniciens 1:5

Gôébégô tômani énôéékéda Tsangô Eamôsoba éaJésus‐Christ. Nôsiikédu mangô gô mavovia matévo mookanôni. Mameekédu te na ényangee éenanôni. Enyangee te ngudi yaGédidi SaNzambé dimasumani. Na Mabégô MaPie mameekédu gébé na buétsé gôndé anye. Anye nôsabômu gamadigaa we va gatse anye gôénônyepeda.

I Timothée 3:16

Na gô pie gôsaba môma oongôa énigôgéô ti v’ekôdéô anigôgéô mavôni mesôga étôgobedani. Kumu éesôgee te ône amatendu mbe: Amatsutsuga vandé we ga môma. Gédidi SaNzambé gématubéda gandé angô gébé n’oési. Ameenanô n’asi g’ôba, ayanzi aNzambé. Inedi émeekédu gô mongo metso. Asi tsengeye yetso amamôétsa mitéma miaô. Na amatômbu na g’ôba gôndé Nzambé.

I Timothée 4:12

Ombiasinga môma, ta na môvo adeta ônzambue woo mbe: Agébaka ti muanéngé. Ivô gô mônongoe woo, tubéda ane ameetsa Jésus mitémamie nganégu éamôsôba g’ôvovédie woo, na g’ôdigédie woo. Tubéda angô dôta ganyôngéô éwe akoo, na gasatsumewe Jésus paga gandé éwe na môtéma ômagôgéani.

I Timothée 6:11

Ivô éwe Timothée, ôndé môma aNzambé, tambô te buedi gôétongonéa na metso mane gôémagônga. Yanza gôédigaa gô étsimama na gôégobeda Nzambé ôndé n’edi môtémovo gémôtsumé paga. Digaa na étondo, n’obibô na sekaseka.

I Timothée 6:3

Okô môma akanégi éékéda mavo mabégô, na angô asaba n’evamba na mavovia mapie maKumu asô n’anyô Jésus‐Christ, na meekédume maneegeda we Nzambé,

I Timothée 6:6

Na gô pie, wa n’anyô tôgobeda Nzambé tôndéké n’okiti ôvôni. Ivô ôkitie wasô n’anyô amapanga te vasanyima we éôma éyekani.

Hébreux 13:5

Nômbiasinga mbe tsôvé yadode ditôma anye gô môdigédie wanyô. Tsôkéakani te éne éndé n’anye. Gôébégô Nzambé amavovo mbe: Me tsangoongôa égôtsika. Me tsanganôtôga gôégôtsika ômuene.

Jacques 1:24

Na vamanangô ébono akea. Na angô eeba tsina na tsina éne ééni angô.

Jacques 3:13

?Gôndé va gatse anyô môma andé n’eodo n’ebagéa? Atubédé éodo éedi na ébagé éedi gô ésima éedi éamisôba na gô éne éendangô na môtéma ômasumani.

I Pierre 1:15

Mônongovo gandé amuene Nzambé amabambéa anye andéké amatsimamani, anye dôta bakani nômatsimamani gô midigédi mianyô.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

II Pierre 1:3

Ngudi yaNzambé dimatôétsa éetso étôdugéda gô monyo eetsimama agégesanganéô samitéma miasô n’anyô na Nzambé. Ngudi yaNzambé dimenyeda wa n’anyô ône amatôbambéa gôédengana n’edi g’ôndômbedi na gô géneega samuene.

II Pierre 1:6

Gô éodoe éne kôndégani gôébangôa mane mamisôba. Gô gébangôéôge géne kôndégani gôékina manyima mabévani. Gô gékinéôge géne kôndégani ôbibô. Va ngongo obibôe kôndégani gôénanama na ngaa na Nzambé.

II Pierre 3:10

Gévigéô saKumu géngaba ga gévigéô samuisui. Gô nyee angô ôba ôngadimbana na nzongodi épôni. Yômee yetso éag’ôba éngayôa na soto. Tsinane ne éetso éndé gô yangô éngayôa.

II Pierre 3:12

Vavéngéa anye na môvinéné nyee ôngaviga Jésus indakani éetso éôngôa anye éénda buta mbe ayavôga éviga. Gô nyee angô, ôba ôngayôa na soto na éetso éag’ôba éngakanzôga n’epiô éasoto.