II Pierre 2:2 - New Testament in Mitsogo

² Oma ayekani ahngadeka n’ahngô ésima ébévani. Na gô éne éngeendahngô oma ahngadeta nzéa éamabégô mapie.

II Pierre 2:2 ပူးပေါင်းရင်းမြစ်များ

Matthieu 22:16

Ahmatôma avo aneengie aô na avo ava géômbé saHérode gôévovo na Jésus mbe: Môékédi, tôsabômu mbe mane mavovo éwe te mapie matévo. Oékéda môdigédi apie ônyôngéô Nzambé. Gô meekédu moo ôsaba na ônzenze amôma. Ahmanyôngéôyee, ahsamanyôngéôyee, ébégôe te éanguene.

Matthieu 24:24

Gôngaviga eekédi adiboe apata mbe: Me te Christ. Avo dôta angapata mbe: Me te môpandôédi amatasa maNzambé. Angayanza émbégéa na mabégô manyônganéôni masoongôa môma ésupua. Eetso éne te gôebôméda oma, buéyé mbe ti n’ane amasevôu na Nzambé.

Matthieu 7:14

Ivô ômbee ôgeôge na nzéane ékeke, te yangô ékeda môma na gô monyo. Gôsaba oma ayekani akea gô yangô.

Marc 12:14

Ahmaviga na gôndé Jésus. Ahngô mbe: Môékédi, tôsabômu mbe éwe ôvovo te mane mapie matévo. Gô meekédu moo ôsaba n’onzenze gôndé môma. Ahnyôngéôyee mangô vo ahsanyôngéôyee mangô, ébégôe te éanguene. Osatatôa oma. Avoni na ageage ôsabono gô éne. Oékéda môdigédi apie ônyôngéô Nzambé. Beenda we gô mitôma mimatsikéô we ?we tôvanéa César, môtômi atsenge depune vo tôsavana?

Marc 13:22

Gôngaviga eekédi adiboe angapata mbe: Me te Christ. Avo dôta angapata mbe: Me te môpandôédi amatasa maNzambé. Ahngatubéda émbégéa na angayanza mabégô manganyônganéôni masoongôa môma ésupua. Eetso éne gôébôméda oma. Buéyé ti na ane ahmasevôu na Nzambé.

Jean 14:6

Jésus amapandôéda ahngô mbe: Me te nzéane éanyô. Me te kumu amabégô metso mapie. Me te monyoe wanyô. Gôsaba nyene nzéa éôta môma na gôndé Téta, buétsé te vandé me.

Mayanzame 13:10

Amavovo n’edi mbe: Mômôgôô noo, môtémoo ômayôa na mangônzô na mane mabévani metso. Ewe te muana ayabédé. Ti éwe, te môvingi amane mamisôba. Nzéa éaKumu Jésus éndé na deedéké. ?Ewe nayee ôbénôa yangô na ôminyamba mamongo? Tambô ?ôsanzeegeda ébévee éoo éne-a?

Mayanzame 14:2

Ivô avo Ajuif, ane amakina Mabégôme mane, amatinda avo oma na mavovia maô gôédudu ane amasingani.

Mayanzame 16:17

Amaanda wa na Paul va ngima. Amaadôngana mbe: Amôgôô adua te ayanzie aNzambé Amôbô na Môbô, Kumu angudi yetso. Anôékéda mabégô magô nzéane ébuéda môma na gô géobogeo.

Mayanzame 18:26

Amabandôa éékéda na môvinéné gô eba agéwanyéô sAjuif. Vamookô Priscille na Aquilas meekédume medi, amavovo n’edi. Amadigaa n’édi gôéomba énigôa angô mavo mabégô masimenye angô magô nzéa éaJésus.

Mayanzame 19:9

Ivô ayekani amabaka na kéndé na amakina éétsa mitémamie gô mane mookiô ahngô. Amadeta mabégô manzéane éaKumu Jésus va mbene oma muetso. Paul amanôtôga vandé ahngô. Amakea n’avo aneengi na gô dikoda dindé gô Tyrannus. Ameekéda wangô pitsi yetso.

Mayanzame 22:4

Me namakuana ngu na g’ôwa ane amakea gô nzéa éaKumu Jésus. Namatsôpa amôgôô n’ageto gôéaheengéda gô eba atsôgôô.

Mayanzame 24:14

Tambô me Paul namema va mbene éwe ébégô édué. Me nayanzéa Nzambé éneegedu na peeye yasô. Me nakea gô nzéane éamanza, te éne éénda omeaa mbe ésanyepa. Ivô metso mane mamatendu gô miganda miaMoïse na mine miapandôédi amatasa maNzambé, me tsamatsuma paga. Namagobeda te gobeda.

Romains 2:24

Matendeo MaNzambé matônigôa mbe: Gô mônongoe wanyô Ajuif, akanyô gô mavo mongo eenza Nzambé.

I Timothée 5:14

T’ebandô me Paul nanyôngéô mbe mikué miatômbô abaaô na abôta ana, na akenea yeba yaô. Kabaga adudeo wasô n’anyô adiia ébégô gôétsundéda we.

Tite 2:5

Agetoe anye angeekéda tômbôye gôéba n’esima éamisôba na mitéma mimagôgéani. Angeekéda ahngô gôékenea yeba yaô na géômbé saô n’ekenge. Na gôégobeda omée waô kabaga atsuavéda Mane Mamavovo Nzambé.

Tite 2:8

Ikéda na mavovia mamatsimamani na gébé n’oési. Gô étsimamee éoo, adudeoe woo angasanéa na tsoyi gébé na ébégô évo gôégôeséda.

I Pierre 2:12

Bakani na midigédi miamisôba va gatse oma asavamba na Nzambé. Buéyé mbe g’ôsôbee waô apatéa anye mbe oma abévani, ivô ahsabômu mayanzame manyô mamisôba. Te vane vangayanza Nzambé gô mitéma miaô anganôkuméda.

II Pierre 2:12

Ivô eekédi adiboe ahgono na nyama yagô pindi diinda minongo miaô mimeekaganô n’ahngô. Nyamaye dine dimabôtu te gôétsôpu na gôéyôhu. Eekédi adiboe ahbuanya mabégôme masookô ahngô. Ahngô angabunganédu ga nyama yagô pindi.

II Pierre 2:15

Amanôtôga gô nzéa éetsimama. Ahmaanda nzéane émakea Balaam, muana aBosor, ône amanyôngéô ôkiti ôngadiiangô gô mayanza medi mabévani.

II Pierre 2:18

Ahvaka mitangôtangô mianyemo. Ahngô ahbuta ékubéda oma ahkogi n’atsatsee, dipo pagô yeesima ébévani. Ahbuta éakubéda gô manyima mabévani mamôtéma gamabôtu angô.

II Pierre 2:21

Mbe ahsimenyeke nzéane éetsimama mbe teamôsôba. Géé ti vamamenyahngô yangô na mitômamie na migemie mietsimama mimakitséô ahngô, na gôéoma émitsika te édagani.

II Pierre 2:7

Nzambé amooboo Lot, môma amamôgobedani. Amabaka na môtéma ôditani gô môdigédi akedi ahsigogeke éyanza mabégô matsoyi gô ndéô nene.

Jude 1:10

Ivô amôgôôe adeo noo ane, abuanya metso masanigôgéô ahngô te buanyaga. Agono na nyama yagô pindi dinda minongomie miaô mimeekaganô n’ahngô. Na miangô mikeda ahngô na gôébungana.

Jude 1:15

Angaviga gôétsundéda oma muetso. Angaviga gôésiséda muetso eenza angô gô mayanza maô mabévani mamakékôéa ahngô Nzambé na gô mavovia maô madiboe mamavovo eenzie gôébuanya Nzambé.

Jude 1:4

Endé te nane. Avo oma eenza mane maNzambé amakudungana anguene va gatse anye. Akoa meekédume mangeba yaNzambé gôémabunza maka wene mônongo. Abuta éétsô mitayi gô metso mabévani meendahngô. Akina Jésus‐Christ, ône andé Kumu asô n’anyô na môékédi asô n’anyô asaba na gégoni. Môtsundue waô ômeevédu na mbeego gô Matendeo MaNzambé.

Jude 1:7

Bangôani dôta Sodome na Gomorrhe na mivo misenge mimabambana na miangô. Asi misengemie mine ameenda mônongovo gameenda asi g’ôba abévani ane. Ahmaahdeekeda anguene gôéyanza gésasô saminongo mietso na gôégésangana n’oma gô minongo misivangé Nzambé. Omee ane amasosédu na soto gésimékéni. Ene émabuéa gôndé ahngô te géevédéô sasô n’anyô deo noo.

Gétsutsuéô 12:9

Gényogonyogo géne gémapatsédu. Te angô nyogone éambeego étetu mbe yabédé, na Satan, abôméda oma muetso. Amapatsô na gô tsina, angô n’ayanzi edi muetso.

Gétsutsuéô 13:14

Emabôméda asi tsinane n’etsutsuku émayanzangô g’ôtômu aGényamanyama géndé vangô. Ematôma asi tsinane gôépaka gégoni gôékuméda Gényamanyama. Na sangô, buéyé gamabétuku sangô na ébaga gésiwé.

Gétsutsuéô 13:8

Oma muetso ava tsina anganeegeda te Genyamanyamage géne. Ekegea mbe, muetso te ane ahsaba na mina maô mamatendu v’ebandô atsina n’oba gô miganda miamonyo. Migandamie te mine miaMôpaga ômayôhuni.