II Pierre 2:19 - New Testament in Mitsogo

¹⁹ Eekédi adiboe ahbeenda oma mbe: Nônganzeegedu. Tambô, anguene andé g’ôvéga esima ébévani éebunganani. Gôébégô môma na môma andé môvéga ene étôma g’ôtô edi.

II Pierre 2:19 ပူးပေါင်းရင်းမြစ်များ

Jean 8:34

Jésus amavovo n’ahngô mbe: Nanôbeenda na gô pie mbe ône eenda mabégô mabévani andé g’ôvéga amangô.

Mayanzame 19:16

Vane mômôgôô amabaka na gédidi gébévani amaagunyéga gôndé amôgôôe ane tsambué. Amabômôa ahngô n’obagaa. Ahngô tsambué amabusuga na gô ebaô amamana ébetu, na ésasô mikandamie.

Galatie 5:1

Wa n’anyo tosaba g’ovega. Christ amatooboo. Tambô tôdigékéni g’ôkumu. Wemani kabaga nônikea ébongu g’ôvéga.

Galatie 5:13

Ivô gôndé anye ana aTéta, nômakusédu na Nzambé g’ôvéga. Wemani vadigaanye g’ôkumu, nômbiaaga gô manyima mabévani mayôtô yanyô. Ivô n’etondo évôni wedanéani anyene n’anyene.

II Timothée 2:26

Omee ane vangakogahngô mitémamie miaô ayuéga gô pagô dimatambéô ahngô na yabédé. Gôébégô gômabakahngô gôégobeda yabédé amamanaka éahkubéda.

Tite 3:3

Osabômu mbe buéyé wa n’anyô va mbeego tômabaka gandéké akasô deo noo. Tômabaka n’odungé, gégobede, na tômabaka oma amadimbanéô nzéa. Tômadigaa g’ôvéga ômatômu we na tsôvé dibévani dimatsôkéa yôtô yasô n’anyô. Tômadigaa gô ébévee na gô ngusu. We tômavinga akasô, n’ahngô dôta amavinga we.

I Pierre 2:16

Anye nômoobouni digaani ga oma amoobogoni. Nômbianika ékatangana v’esooe gô ésima émabakanye ébévani. Ivô bakani avéga akôô ayanzi aNzambé.

II Pierre 1:4

Ene étômenyeda divanga yamisôba dipôni dimeetsô wa n’anyô na Nzambé te ôndômbee wedi ne géneega sedi. Tômeetsô sangô na Nzambé te mbe tôngagésangana gô môanga aNzambé te gôtôkumba manyima mabunganani magô tsengene.

II Pierre 2:20

Te vane ôkô oma ahmani éaagana na mabégô mabévani matsengene gôvambangô na Kumu na Mooboyi asô n’anyô Jésus‐Christ, na ahngô anikéa éadeekeda anguene gô mabégô mabévani na yôtô yaô divoo pepe. Ebévee éaô éamôbaé éôtéa ébévee éamapanga.