17 Eekédi adiboe ahndé ga mbéyi disaba na meba. Ahndé ga dibôngé ditsuaô n’opunga. Nzambé amakônzéa ahngô tungu éevitsi éabangata.
Môtômi atsenge amatôma ayanzie mbe: Katani angô makôdôme na mogome. Gunyani angô gô mbadi gô évitsie. Gône te gôngadéangô miéngé na gôngagéangô ngeko gô panda dienangô.
Géé gôndé môyanzine abobo ôdôô, tsôpani angô na gunyani angô gô môkii gô évitsi. Gône angadéa mindônga, na gô pievia yedi angagéa ngeko.
Ivô avo asi éongo éaIsraël angagunyu gô mbadi gô tsina evitsi. Wangô angadéa miéngé na angagéa ngeko gô pievia yaô.
Wa n’anyô tôsangadôba anéngé ahsamenya ésipani. Tôsangadôpupa ga yabi yeetété dipupédu n’opunga na gésa na gésa. Gôébégô gôndéké mavo meekédu madiboe maviga ga ôpunga gôétôpupéda. Mangô matsanzabanédu n’abomedi, avaka diboe yaô gôékeeda oma gôébungana.
Anye asi pitsi yedi nôsaba gamabaka akanyô oma aIsraël. Ahmawesea na gô môkôdi ôtetu mbe Sinaï, ômeenanô na miso na ômabandô na mogo. Gô môkôdie ône gômakusa mungu asoto, na gômakusa évitsi éabangata na gékunga.
Aanakani geenda Nzambé. Buéyé asi g’ôba, ayanzi aNzambé vameendahngô ébégô ébévani Nzambé asiene ahngô ngeba. Ivô amadigunya midikidiki gô mbenge yevitsi gôkeneo angô ngu na nyaa amôtsundu.
Bangôani dôta gameenda asi g’ôba ayanzi aNzambé. Avo asinyôngéô ényangee égege émeetsô angô. Amanôtôga gô gédigaage saô. Nzambé akenea angô gô tungu éevitsi éabangata édagani. Andé wangô katôgô môbô na môbô. Eenea nyaa ôvôni ôngatsundédu angô na Nzambé.